CHAPITRE LXXX
Commentaa ville de Dreux fut délivrée au roy d’Angleterre , et des villes de Beaugency et de Villeneufvete-Roy qui luy furent délirées.
Orlaissames nous, vous savez, le ruy ennemy à Mantes , durement mary de ce que le detfendeur de son heritaige, le noble daulphin, ne
‘s'estoit presenté fen; nataille devant luy et
qu'il s’estoit levé de son siége devant Chartres. Parquoy, pour faire nouvel exploit en son tout nouveau retour de delà sur ceulx que il n'aimoit gaires , pensant que en lieu de battaille non trouvée il conviendroit besoingner aultrement, à toute sa grand puissance qui croissoil tous les jours et multiplioit de toutes pars,
partit dudict Mantes; et s'en alla mectre le siéye devant deux belles places et fortes assises hault en un rocq bien deffensable et avantagieusé ; mais de grand garde cstoient à merveilles et bien esparses les deffenses l'une de l’aultre. Sy avoit en la dicte place, pour la deffendre, de gens de guerre daulphi-
nois huit cens environ ; lesquels, jà soit ce que hardement et honneur les accompaingnoicnt assez, se tenoient toutesfois bien derriere, quand se virent ainsy enclos de leur enne-
mi qui estoit mallement dur et de fier estommac ; et estoient ses traictieux vigoreux beaucop et austères, ce savoient bien. Si se conseilloient l'ung avec l'autre, comme en tel cas il fault, et regardoïent sur leurs affaires le plus honneste et le plus convenable. Et véoient la puissance de leurs ennemis grande et: la leur petite, et leur seigneur de devant Chartres retiré nouvellement et mal prest en leur secours. Si mirent de difficulté. beaucop en leur cas; et jugoient assez mal conduisable de eulx povoir sauver par estrif, ne de povoir garder la place non prinse. Et quoy que de povoir et de devoir conclurent de y monstrer assez pour honneur garder et foy maintenir, mais cela à la longue ne pourroit souffire si avant qu’il leur feroit mestier ; si leur sembloit et vray fust. Ne fait à demander dont se l'anglois roy estoit garny d'artillerie et d'engins pour les saluer rudement de loing sans leur donner honjour. Certes ouy, car estoffe y avoit terrible et d'ouvriers pour ouvrer bien à propos; desquels il les menassoit pour les mectre en œuvre durement à leurs despens, s'ils ne s’avisoient temprement. Siles envoya semondre par ung hérault pour rendre la place, et de choisir quartier de sauveté aultre part sils vouloient, ou si non , et qu'il faulsist que force les humiliast en riguer, ils pourroient bien trouver traictié à l'aventure qui leur seroit dur ; et pourtant s'avisassent de faire tost ou de répondre, car par l'ung des bouts, leur mandoit-il, les auroit ou prins ou rendus. Dont ne fait à doub. ter toutesvoies que, comme nobles et vaillans hommes approuvés de leur mortel ennemi, ils en monstrassent toutes aigres etfelles deffences mortelles qu'ils povoient , en quoy ils monstroient bien que plus contrainte que faulte de hardement leur estoit cause d'entendre à traictié, quand ce viendroit au besoinp , et leur seroit excuse en leur honneur. Aussi, certes, orgueil et force s'y povoientbien mectre sus entre eux pour commencement ; mais mallement s'y povoient-ils continuer ne parconduire , entendue la circonstance tout à l'entour, dont il n’y avoit point une seule pour eulx. Veullans doncques remédier en évident péril par sens plustost que par folle présumpwoa, conclurent de octroyer la délivrance de
GEORGE CHASTELLAIN
leurdicte place de Dreux au roy leur ennemy, sur condicion que, si dedens cinq ou six jours n'estoient secourus et dessiépés par leur prince et seigneur le vray héritier françois, prestement le feroient obéissance et sen yroient aultre part en leur aventure, là où il plairoit à Dieu. Et de ce donnèrent certaines et bonnes asseurances de l'accomplir ; et le roy les receut, plus joyeulx toutesvoies que le secours leur poeult venir et que l'ouverture luy fust faicte par non y entendre ; car ne desiroit aultre que d’avoir la bataille, et especiallement encontre la personne de son adversaire, pensant que celuy oultre, par aulcun hazart de fortune il estoit au dessus de tousses desirs et n’avoit mais nulluy qui le contredist. Les jours passèrent l'ung après l'aultre, et ne vint pulluy qui les délivra, nonobstant que leur nécessité estoit sceue assez en lost du daulphin, mais lors n’estoit point heure d'y en tendre. Si délivrèrent la ville de Dreux et de chastel en la main du roy anglois, comme l'avoient promis ; et par vertu de leur traictié que ils ne povoient avoir aultre , s'obligèrent de non luy faire guerre ne porter armes encontre ses allyés d’ung an tout entier; -et sur ce partirent , corps et biens sauves , et s'en allèrent à leur bon chois, ne sçay où.
Or ne desiroit riens tant cestuy roy que de trouver son contrediseur le jeune daulphin en puissance pour avoir battaille à luy, pour la blaye de son frère perdu, le duc de Clarence , qui lui cuisoit et s'en pensoit à venger, partie aussi pour mectre à fin en longue guerre par brief champiage de leurs deux puissances ensembles, aflin de demourer seul maistre en ce royaulme paisible héritier, comme son proposement portoit, se Dieu autrement n’en eust disposé. Et luy estoit bien advis peut estre, pour la victoire ohtenue à Azincourt, que toute la gloire françoise se devoit humilier soubs son espée , et que c'estoit son appertenir. Quand donc se vit au dessus de la ville de Dreux, que bien et grandement laissoit garnye de ses gens, pour venir à l’attainte de ce qu'il quéroit tantost, se deslogea et tourna devers la rivière de Loyre , qui estoit la marche du daulphin, pensant que quand le dict daulphin le véoitse approchier, ou par orgueil ou par aulcun
despit, il se pourroit bien disposer à bataille contre luy, et luy vouloir calangier entrée et passaise ; parquoy il auroit ce qu'il alloit quérant. Mais ne sçay de quel conseil meu, ou plus utille ou moins honnorable, ledict daulphin ne sy trouva point lors. Parquoy, en lieu de riens faire et pour laissier enseigne de y avoir esté, s'embattit ung peu en la ville de Baugency ; et par menasses et par voye de fait tant fit qu'elle se mist en ses mains. Et à tant se déporta de plus tirer avant, et prut son retour en la Beausse, en laquelle, si comme il chevauchoit, ung jour s'apperceut comme soixante compaignons bien montés et armés le chevauchoient de costé, quérans leur aventure ; et tendoient peut estre à férir en quelqu'endroict sur ung troppeau ou sur une queue mal arroutée, comme il s’en fait souvent. Si commanda cestuy roy qu'ils fussent contre-chevauchiés de plus belleet qu'on les poursievist rudement. Or ils estoient montés à l'avantaige trestous; et s'apperceurent bien qu'on les barguignoit et que l'attente ne leur estoit pas bien saine. Si se mirent à la fuyte et à prendre pays devant eulx, et les aultres après à force de chevaulx, qui oncques ne les abandonnèrent de vue quoy que mal les povoient appréhender de corps. Mais craindant et doubtant que le courir ne leur pourroit donner sauveté si bien que la retraicte, se boutèrent dedans Longuel, une place qui séoit là environ, espérans par armes et par deffences y trouver salut plustost que ailleurs. Mais le roy anglois chauldement les fit assaillir et mortellement envahyr à tous lez; et ne leur souffroit repos ne respit à paine de reprendre alayne , tant les hastoit à la mort. Si ne faict à racconter leurs deffences , car toutes celles au monde possible, y estoient , mais ne povoient donner garant.
Si fut prinse la place et les compaingnons, et pour la cause que ung seul Anglois y estoit mort en ceste envahye, le roy meu de cruaulté tous les soixante fit noyer en Yonne. Et de là, tirant tousjours pays, alla mectre le siège devant Villeneufve-le-Roy, la quelle luy fut rendue aussitost; et y mit garaison pour luy.
CHRONIQUE DU
