CHAPITRE LXXIX

S'ensuit la cessation de la bataille,

Quand doncques cestuy duc nouveau bataillier et jeusne victorieulx se véit au dessus de ceulx qui le vouloient humilier par leur orgueil, et que les lieux çà et là estoient esclarcys beaucop de ses hayneux, à quoy ses bons faicts et meismes ceulx de ses loyaulx subjects et serviteurs l'avoient faict parvenir devers luy, lors délaissant la rivière, là où il les avoit chassé et poursuy mortel-

(4) Lacune dans le manuscrit.—{(2) Ider.

lement près, il revint au champ principal où estoit la première meslée, et se montra à ceulx qui longuement l'avoient perdu , et non sceu de sa mort ni de sa vie ce qu'il estoit devenu. Et sans estre plus enfiéry sur la gloire de sa fortune, non plus que s'il n'y eust oncques mis mains, quoyement vint marchisant ses estriers; et parloit peu; et sembloit bien à son tain que le cuer avoit esté esmeu beaucop, et le corps en souffrir. Si fist tantost rassembler ses gens et ralier tout en ung ; et ceulx que l'en povoit congnoistre estre mors des siens, il commanda qu'on les relevast et que l'on les mist en leur droict ; par especial le seigneur de la Viefville, lequel il congneut ; et le plaindi beaucop, quoy que vaillamment il morut en honneur.

Sy fit Jehan le scigneur de Mailly. Lesquels deulx y morurent seulement ce jour pour gens de nom , et environ quarante aultres ou cinquante de son party. Mais bien de la partie des aultres estoit la perte greigneur, car montoit bien de quatre à cinq cens, et de gens de grand nom, sans bien cent ou six vingts prisonniers, que le jeusne duc amena avec luy à Abbeville, et de là les envoya au chasteau de Lille. Si estoient les noms de ces prisonniers : le seigneur de Conflans, Loys d'Offemont, messire Gilles de Gamaches, son f'ère Loys, messire Loys de Tiembronne, Potton de Saincte-Trailles, le marquis de Sore et son frère , Jehan de Sainct-Saulieu , messire Rigault de Fontaines, Sauvaige de la Rivière, Jehan de Proisy, messire Raoul de Gaulcourt, messire Jehan de Rogan, Bernard de Sainct-Martin, Jehan de Joinyny , le seigneur de Montmort, Jehan de Verseilles , le Bourg de La Hire, Yvon du Puis, Jehan‘de Sommain, Hervé d'Ourdas et aulcuns aultres jusques au nombre qui est dit. Et entre les mors furent trouvés le baron d'Incy, messire Charles de Sainct-Saulieu, Gallahault d’Arcy, Thibault de Gerincourt, messire Corbeau de Rieu, messire Sarrazin de Beaufort, Robinet de Verseilles, Guillaume du Pont, le bastard De Moy, et plusieurs aultres nobles hommes durement plainds, dont je ne sçav les noms. Ce jeusne duc doncques loant Dieu de ceste haulte et joyeuse aventure, encoires en son premier venir , print son chemin tantost vers

GEORGE CHASTELLAIN

Abbeville atout ses riches prisonniers , et [à fut receu à la plus grand feste que oncques fut hault homme, et à la plus grand joye.

Mais, sans arrester nulle part, s'en alla descendre devant la porte de Nostre Dame, et devant le grand autel bien richement mis à point , et à deux genoulx rendi grace à Dieu de sa victoire, et à la glorieuse dame sa sinsulière devocion et son offrande ; et puis s’en aila logier et soy refaire , comme bien y estoit raison, et chacun à son advenant, ung peu plus asseurs que le matin devant. Or n'avoit-il encoires riens sceu de ceulx qui en l'abborder de la bataille l'avoient abandonné si fellement et s'en estoient fuys tout esfrayés et oublieux d'honneur, ne savoient à quel titre, fors que de Ilcur male aventure, dont la banière , comme j'ai dit dessus, estoit aucunement cause , combien que, après la chose sceue et raliement faict, encoires petitement se acquitérent pour recouvrer leur honneur. Si luy fut dit le meschief et le grand danyier en quoy il avoit esté cestuy jour par le desvoiement des lasches fuyans, dont telle heure fut que tout sembloit estre perdu pour lui et desconfit, si Dieu et sa vertu n’y eussent remedié. Si s'en merveilla durement ; et luy donnoit douleur assez et passion en couraige, la faulte qui y estoit advenue , encoires sur tels que il cuidoit estre bons , et qui avec tiltre de noblesse avoient porté aultres fois tiltre de bien esprouvée valeur , avec le duc son père. Mais puisqu'il estoit advenu et qu'il n'y véoit d'amendement, par patience vainqui sa douleur. Et en tant que lors il apprenoit avoir esté en grand bransle de péril, d'autant maintenant louoit-il Dieu plus ardamment de sa très bien heurée victoire , qui estoit plus bien fortunée que bien apparent, comme il entendoit par ce compte. Or estoient les malheureux notés durement en son cuer et indignes à tousjours. Et pour ce que entre eux en y avoit aulcuns de son hostel et de sa nourriture, il les fit eslongier de ses yeulx et les congéa sans retour, combien que peu en y avoit; et des aultres en morurent aulcuns en leur annuy. Aulcuns en eslonge de leur pays se disposèrent à longtains voyaiges qui en effacèrent et amoindrirent la mémoire. Le duc doncques se aisa par trois ou quatre jours en Abbeville, et fitmectre chacun

à point les playes qu'il ävoit receucs. Et pour ! glois leur débouteur, et congnoissant que for-

ce que il ne seinbloit pas bien expédient aux” saiges d'entour de luy de remectre le siége arrière devant Sainct-Ricquier, pour pluiseurs causes , et souverainement pour ce que l'en l’espéroit bien avoir temprement, par plus douce voie et plus seure , le noble victorien deslogeant d'Abbeville, passa par devant la ville de ses ennemis; et après le logier d'une nuytseule, aussi s'en alla à Hesdin tenir son séjour par aulcun temps convenable, pendant lequel il ordonna de ses sarnisons, et en pluiseurs lieux ici et là, pour tenir frontière encontre messire Jacques de Harcourt et ceulx de Sainct-Ricquier; et cela fait, donna congié àses gens et rompy son armée pour celle saison.

Tantost se repandirent ces nouvelles par toutes contrées entre amis et ennemis, que le duc de Bourgoingne avoit eu ceste noble et haulte victoire et rué jus toute la fleur des frontières de deçà Paris. Si en firent grand j've les peuples et les villes voisines partout; et se conjoyssoient en leur bonne aventure, souverainement Monstreul et le pays d'entour, pour ce que elle estoit prochaine plus que aultres et plus subjecte aux périls dela guerre. Dont se la joye en fut grande entre les amis, il faut penser certes que la douleur en fust amère au parti contraire. Si alloient disant à ung lez les amis : « O que cy a un hault commen: cement de prince , ung noble descouvrement de vertu en ce jeusne homme qui aujourd’hui nous a suscité les cuers et les esperits par son bras. Bien nous y a pourveu Dieu, que loué en soit-il! et que longuement puist-il vivre ! Ce nous sera l'escu qui nous sera necessaire , escu de protection et arche de salut en qui nul ne pourra mordre ; meisines se fera espovanter en son glaive. Certes bien congnoissons plusieurs doloreuses tribulacions apparantes ; et a esté convenable en ce royaulme sa naissance , le quel , dénué de ses princes beaucop aujourd'hui, de grand faict, aura ung champion maintenant, si Dieu plaist, de grand los. Dieu le maintiengne ! !» A l'aultre lez aussi, ses ennemis, expers assez de leur marastre fortune en tous endrois , et que la baniere et le porter £ur estoit bien dur, certes quand ils virent "À redoubtable venue de cestuy , emprès 1 felle presomption du roy an-

tune rue voulentiers à jeune éage et à bon droict, dont en son fier couraige luy donnoiens assez porcion honneste Comme vengeur non comme adjoinct à aultruy, pensez quel soucy et douleur se boutoient en mains et divers couraiges et en diverses marches de leur repaire, pour soy y savoir conduire bien, à l'advenant de ce qu'ils véoient hault et dur à résister. Mais ce que alors leur pôvoit estre matière aulcunement de mérancolie Celluy endroict, en l’aultre leur tournoit-il en reconfort de soy faire valoir et de vaincre leur dure fortune en vertu, par sens, par labeur, par diligence et par non espovanté ne desmeu couraige , plusespérans uue fois de tanner et ennuyer fortune par aigreur , que estre esbranlé de bon hardement par sa traverse. Ceste seulle chose au fort leur estoit reffuye et consolacion des choses présentes et futures, quelles que peussent avenir certes ; et leur cstoit gloire et bon los en telle nécessité qui les lyoit.