CHAPITRE LXXXII
Comment les prisonniers furent esloingniés en deux parts.
Il est vray quecestuy duc de Bourgoingne nou moindre en vertu que ung Octavian, après ceste bataille vaincue que vous savez, qui estoit une joyeuse victoire pour luy et ung signe de haulte future regnacion, tant jeusne qu'il estoit, desiroit autant à régner en gloire de vertu comme en renommée d'armes vainqueresses, jugeant plus estre riche trésor les deux ensemble , que l’une obtenue à par luy séparée de l’autre. Or avoit il plusieurs nobles et vaillans hommes ses prisonniers , dont fortune en son premier venir luy avoit adreschié la maistrie.Si s'appensa que, avec la faveur de fortune qui estoit respandue largement en son jeusne éage et en son nouvel ost, il failloit aussi que les rayes de sa noblesse resplendissent en ses adversaires qui valereusement s'estoient portés encontre luy , et qu'il leur fist chose dont le peussent recommander estre ung prince de hault advénement ,
GEORGE CHASTELLAIN
plus bening beaucop vaincuer que felle tirant. Moult certes prisoit les vaillances d’aulcuns de eulx, car les avoit meismes bien assayés ; et ne tendoit point leur estre sirigoreux que pour les deffaire dechevance, combien que cause y avoit assez. Ainsi en haultesse de couraige, qui plus estoit desireux de hault los que de grand argent, leur délibéroit à faire délivrance de leurs corps, francs et quictes, pour [a délivrance de Sainct-Ricquier que le seigneur d'Offemont tenoit avec aulcuns prisonniers du duc bourgoingnon. Et de fait sa délibéracion fut mise à effect, et leur fit déclairer sa franchise. Dont moult s'esjoyrent et se contentèrent de luy. Mais assez mectoient diflicalté en cely d'Offemont, qui envys les délivroit par ce marchié, pour l'intérest qu'il y avoit très grand. Envoyèrent toutesvoics par devers luy. Et ce que en ung ne en deux jours ne se povoit appointier, en quatre et en cinq fois y aller et venir se trouva tellement que le traictié se fit, et promesse délivrérent à deux lez, les places et les corps francs et quictes l’ung pour l'autre. Si advint, ainsy que ce traictié pendoit, que messire Hémont de Bouber, prisonnier au scigneur dUflemont, morut entre ses mains dedens Sainct-Ricquier ; de quoy son maistre le duc de Bourgoingne , doubtant aulcunement que ceste mort ue luy fust prinse par rudesse de prison, mortellement desplaisant en ce, varia par aulcune espace de non souflrir aller avant le traictié conclu; mais après son couroux passé, par belles remonstrances de ses plus prochains, il s'y condescendy arrière. Aussi ne trouva pas ce qu'il avoit doubté, car les excuses en furent faites souflisantes dudit d'Offemont. Or failloit il délivrer les prisonniers à rendre les places ès mains promises, parquoy le seigneur de Roubuais et le seigneur de Croy, qui lors encoires estoit jeusne et commenchoit à monter en auctorité, partirent de Lille accompaigniés convenablement, et vindrent à Sainct-Ricquier où estoit le dict d'Offemont. Les délivrés du chasteau de Lille, comine Potton et sa compaignye, vindrent soubs leur saulf conduit au dict lieu aussi; et là le dit de Roubais et de Croy rendirent ce qu'ils avoient tenu, et receurent ce que tenir desiroient. C'estoit la ville de Sainct-Ricquier
que le seigneur d'Offemont vuida, et alla prendre sa retraicte ailleurs en Crespy en Vallois, ce croy je, et là entour, et lesdicts seigneurs de Roubais et de Croy incontinent restablirent garde et capitaine le Borgne de Fosseux, chevalier, accompaingnié de maistre Nicolas de Mailly , Ferry son frère, Nicaise de Boufflers, Jehan de Donserre, et de plusieurs aultres qui bien et loyaulment la gardèrent depuis long-temps.
