CHAPITRE LXXXIII
€ Camment les bourgoingnons allérent trouver le duc à Lille , et l'engagèrent à venir visiter le pays.
Le duc, comme j'ay dit, estoit demouré à Lille embesoingné de plusieurs haulx et grans affaires de ses pays et de luy propre; et estoit la saison plus propre à séjour que à ruiner et guerroier , car estoit cuer d'yver, près assez de Noël, qui est ung temps plus à bonnes chières faire que estre par les champs. Aussi la ville de soy porte assez occasion et matère d'esbat sans que luy meismes le duc, jeusne et vert alors, qui naturellement estoit enclin à tous esbattemens de nobles hommes, s'y acquitta et en print Sa purt largement, et avoit les gens tout de meismes. Or estoit la ducesse sa mère en Bourgoingne en son chasteau de Rouvre , qui encoires depuis la mort de son dict feu mary le duc Jehan, n’avoit veu son fils le jeune duc, dont mal se Lenoit assouflie et peu à son aise , et les Bourgoingnons aussi, qui encoires ne l'avoieuteuen leur pays, depuis estre venu à seignourie. Et considérant comme nouvellement il estoit passé par le périlleux destroit de bataille à Sainct-Ricquier, qui leur estoit ung enflambement d'ardeur et de desir de le veoir plus que devant, sy convindrent en parlement avec la dicte princesse la mère, et conclurent d'aller devers luy à puissance , par meilleu de ses ennemis , jusques en Flandres où il estoit, et le ramèneroient, ce leur sembloit bien, qui que le voulsist véer, en son pays de Bourgoingne glorieux et victeur. Si n'y faillirent pas, car se mirent sus en nombre de six mil chevaulx, gens d'eslite et de pris, soubs la conduicte du puiwhe d'Orenge, du seigneur de Sainct-
CHRONIQUE DU
George, Chasteau-Villain, Cottebrune ; mareschal du pays, seigneur Anthoine de Vergy et autres grands seigneurs pluiseurs; et passans en fier arroy parmy la Champaingne dégastèrent devant eulx toute terre et place ennemye , et meismes le pays d'Artois qui beaucop en porta d'oppression et de grief, pour ce que fors y estoient et que autres fois les Picards les avoient galonnés en leur marche, qui n’est pas chose dure à croire à qui congnoi es deux nacions, car ce sont gens tractables et bien doulx tous deux là où ils sont fors. Or vindrent jusques à Lille les dicts seigneurs, les chiefs ; et les gensd'armes laissèrent sur le plat pays autour de Douay et de Lille, vivant là et séjournant aux uses et coustumes que tels gens seullent. Si leur fist grand chière le duc leur seigneur, et les receut , comme il appartenoit, joyeusement et comme bien aise de leur venue, et le savoit bien faire. Mais pour ce que encoircs il n'estoit pas bien prest pour emprendre son voyaige en Bourgoingne avec eulx, et que pour ‘l'attendre le pays porteroit trop de grand foulle à les soustenir longuement, je croy que messire Jehan de Luxembourg ayant advis sur ce, du gré et du consentement de son maistre , requist lesdicts bourgoingnons, c'est à dire leurs capitaines, que en temps de riens faire ils voulsissent venir à sûn ayde à l'encontre du seigneur de Moy qui dégastoit les terres et pays de sa belle fille la comtesse de Marle, et luy faisoient des meschiefs et oppressions beaucop ; et leur alléguoit que en ce faisan 1ls feroient bonneur et service grand à leur prince , et tousjours seroit-ce ung vengement et exploit sur leurs ennemis, dont ledict de Moy en estoit ung bien aigre voisin. Les bourgoingnons, me semble, seassentirentets'enallèrent avec luy en belle compaingnie , qui meismes avoit avecq luy huict cens combattans ou environ. Sy vindrent jusques auprès du chastel de Moy qui estoit belle place et forte et gar-
| aye très bien de tout ce que besoing faict; mais
le seigneur du lieu adverty du cas , et mieulx aimant la franchise des champs que la doubteuse seureté de sa place, boutant le feu en
| la basse court et en aulcunes maisonnemens | qui là estoient, s’estoit party devant leur
advénement, et retraict, ne sçay où, ailleurs, car luv sembloit bien, pour une passée sans siège mectre, sa place n'avoit garde d'estre prinse; mais de ce ne savoit leur volenté , s'ils y venoient à l'intencion d'y mectre siège ou non. Lt pourtant, pour mieulx l'asseurer de péril, il en vuyda, et aima mieulx perdre sa place à l'aventure, luy absent , que avoir estéassiégié en dangier de mercy de son corps. La place fut visitée agüement et pourgectée de l'œul. Si n'estoit pas advis aux bourgoingnons que l'on y povoit gaires d'exploit, se par siège non, en quoy ils se monstroient assez lens et frois et pas entalentés, car avoient le temps ailleurs. Si conclurent tout quoyement Jeur retour devers leur prince le duc dont ils desiroient mieux l'amenaise en leur pays que à tenir le siège; et povoit sembler qu'il ne leur chailloit gaires, se les Picards estoient galonnés ung jeu plus d'ung costé que d'autre, car autresfois leur avoicnt gallés de meismes. Et combien que celluy de Luxembourg leur pria pour aulecune demeure , n'en peult oncques tant faire toutesfois que sa pryère luy rendist-fruit. Mais s'en retournèrent sur pié
et s'espardirent sur le pays, auquel tout
partout en passant firent des maulx et des rudesses beaucop au peuple, dont les doléances et plaintes vindrent jusques à leur prince, bien horribles ; et le faisoient meismes aux nobles et prélats du pays, qui durement en estoient grevés et qui de eulx meismes y eussent mis remède, si n’eustesté l'honneur et crémeur que ils luy portoient; mais sa bonté, et promesse de temprement les emmener avec luy en Bourgoinone, leur en fit souffrir encoires ung petit et cesser de plus en douloir. Sur ces doléances arrivèrent les capitaines bourgoingnons à court, et trouvèrent leur maistre qui s'en estoit party de Lille et venu à Arras, ensemble madame Michielle de France et le comte de Sainct Pol en leur compaignie. Si n'arresta à Arras que deux jours, et le troisiesme s'en alla à Douay vers la douayrière de Hainault sa tante, Margucrite de Bourgoingne, avec la quelle pour aulcuns grans cas il avoit à besoingner en secret. Si furent assemblés ceiic nuyt sans plus, et le lendemain d’ung commun accord s'en allèrent ensemble à Arras; et là fut bien et
GEORGE CHASTELLAIN
solempnellement receu de la duchesse et de chascun. Les quels, après avoir passé trois ou quatre jours en très haultes et joyeuses chières, prindrent congié l’un à l’autre ; et partist la douagière de Hainault ; et le duc de Bourgoingne se disposa pareillement à son voyaige devers le roy de France et d'Angleterre, les quels il vouloit visiter, soy acheminant vers son pays de Bourgoingne.
