CHAPITRE LXXXIV

Comment le duc de Bourgoingne alla visiter les rois de France et d'Angleterre en se rendant dans son duché; de la solempnelle réception qui lui fut faicte partout ; et de son voyaige en Savoye auprès du duc son bel oncle.

En ceste ville d'Arras, tint le duc la solempnité de Noël avec toute la seignourie que avez oye. La quelle passée, print congié de la duchesse sa femme et se mist en son voyaige vers Bourgoingne. Dont, de la part de la duchesse, le congié prendre fut piteux durement; car se fit à larmes et à douleurs piteuses, comme de celle qui oncques depuis ne veit ce qu'elle laissa; car morut temprement à Gand, là où elle se retira et là où estoit le heu de sa principalle résidence. Mais n'en feray mencion maintenant de son tr. spas, jusques au lieu cy après que le cas s'y adonnera et dont la matière sera piteuse. Mais du duc son mary qui chièrement l’avoit aymée de tout temps, fault continuer son voyaige. Le quel, fier et puissant et plain de hault entreprendre, s'estoit mis aux champs pour passer la Champaiyne et pour tirer droit à Paris, là où en traicte de journées il arriva ; et y fut receu à gloire et à exultacion du peuple univers, et à solempnité de processions du clergié et de tous les notables de la ville, là où hommes et femmes et enffans crièrent Noël à joye amiable , dont les voix le conduirent jusques à son descendre en son hostel d'Artois. Le roy pour cellui temps estoit au bois de Vincennes; sy estoit la royne. Les quels le lendemain il alla veoir et visiter, et le receurent et bienviengnèrent de bon couraige. Dont après les devises telles que duisent entre tels princes, et que le duc s’estoit acquité en

11424] CHRONIQUE DU

son devoir, print congié d'eulx et retourna à Paris ; du quel lieu arrière, à part ung peu de séjour fait, se party, et s'en alla devers le roy d'Angleterre qui tenoit son siége à Meaux en Brie. Si le receut le dict roy très humainement, et s'esjoyt moult de sa visitaciun, comme raison donnoit bien. Firent de grandes chières ensemble, et tindrent plusieurs consaulx sur les affaires du royaulme qui tous gisoient sur les deux bras. Dont après la terminacion faicte, le duc arrière retourna à Paris, et de là dressa son voyaige devers Bourgoingne là où il avoit l'œil; si avoient tous les capitaines, car ne l'y avoient jamais veu, leur duc, et n’avoit encoires receu son pays depuis la mort de son père. Si y tendoit-on à luy faire une haulte et joyeuse réception, avec ce que la duchesse sa mère y estoit et toutes ses seurs, qui ne l'avoient veu depuis la mort de leur père; parquoy à tous lez le venir au pays y estoit desiré ardemment. Or est vray que, à celle heure que le duc emprinst d'aller vers le roy anglois en son siége de Meaulx, le prince d'Orenges print congié de luy, et s’en alla loger avec bon nombre de seigneurs de Bourgvingne sur le pays, tirant vers Troyes, pour attendre là sa venue. Et la cause pourquoy ce fit, estoit que il ne vouloit point soy trouver devers le roy d'Angleterre, aflin de non estre requis de faire le serment aux Anglois, comme par avant ledict roy en avoit pressé le seigneur de Sainct-Georges, qui à dur en eschappa. Si pensoit, et sa pensée vraye , que par non s0y trouver en sa présence il n'auroit cause de luy faire reffus, parquoy il peut avoir indignacion. Si le savoit bien le duc, et s'en passa assez légièrement, car ne l’eust voulu presser ny constraindre d'une si grand chose contre son gré. Ainsi doncques que le.duc de Bourgoingne avoit esté devers les deux roys de France et d'Angleterre, et que ceulx de Paris l'avoient honnouré et festoyé grandement, comme celluy qui estoit tout le reconfort qu’ils avoient, et le pillier droitement de leur esnoir et fondement, partit de Paris redoubtément à estandard desylyé et accompaigas de noble et vaillant chevalerie prand sombre, et tirérent droit à Troyes. Si s’en alla var journée vers son pays de Bourgonpne,

là où sa mère, la ducesse douayière, ensemole etses seurs non maryées, le receurent ep uaturelle amour et le conjoyrent d'amianes parolles et festes, telles que nature doit en tel cas. Et là venu, alla par toutes les viñes requises à faire son entrée, et là receut son pays, comme prince héritier de son pere deffunct. Dont l'esjoyssement estoit grand partout entre le peuple, avec espoir d'avoir recouvert ung bon protecteur. Et après avoir faict ses devoirs, disposa son voyaige devers Savoye et d'aller veoir le duc d'icelluy pays, son bel oncle, qui avoit espousé sa tante, seur au duc Jehan. Et de faict y alla. Et luy fit le duc savoyen une grande et très haulte chière, et fist, à sa cause, faire joustes et aultres solempnités de festoiement, pour révérence de sa venue; là où luy meisme se fourra parmy, et jousta et dansa pareiïllement. Si fit le jeusne duc de Bourgoingne qui se savoit gaillardement contenir. Et ainsi le festoiement fait et passé comme qui donnoit et démonstroit la venue estre agréable et digne d'estre prinse en gré, les deux ducs, l'oncle et le neveu, tindrent aulcuns particuliers consaulx entre ce deux sur la pesanteur des haulx et grans aflures qui chéoient et estoient jà tournés sur les bras de ce jeusne prince, par la mort de son père et par la manière et condicion si lamentable et perverse, dont il luy besoingnoit bien , ce sembloit, avoir bon et grand conseil, ensemble secours et assistance d'amis pour pouvoir bouter oultre la vengance de son annuy, consideré encoires à quiil avoit à faire et en quel tiltre. Les quelles choses le duc savoyen considérant , et qui ne vouloit ny ne povoit faillir à son nepveu ny en mort ni en vye, ains l’assister et renforcer envers tous et contre tous, luy promist et offrit libéral service et confort, tant de luv comme de ses subjects, et de porter et faire soustenir sa querelle, comme la sienne propre , oultre ce toutesfois que l'alliance y avoit esté fuicte de viel temps par le mariaige de la ducesse de Savoye sa femme , seur au due Jehan occis. Et à tant prenant congié de l’un l'autre , le duc de Bourgoinsne retourna ki son pays et y tint aulcun long séjour,