CHAPITRE LXXX V

Continuation du siége de Meaulx; prise d'Avranches par les daulphinois , et reprise par les Anglois.

Je laisse doncques reposant la duchesse sa mère et ses sœurs, et retourne au roy anglois devant Meaulx qui moult s’esforça à l'avoir en ses mains, et de soy monstrer dur ennemy aux enclos dedens, comme il paru bien par les divers et durs esforcemens qu'il ÿ envoya dessus continuellement par ses engins volansetaultres, dont la fin se contera tantost, mais que aulcunes choses ay récitées entre deux. Et premièrement, c'est que le co::ite de Ligny, nommé messire Jehan de Luxembourg, en privée maisnie vint en cestuy siège deversle roy anglois, et ce pour cause de son frère, le comte de Conversan , qui estoit prisonnier là dedens dès le siège de Melun, comine il a esté dict par cy devant, que par fortune de guerre il avoit esté rencontré une mattinée des daulphinois, et moins fort en resistence, prins et detenu par ung nommé Pierron Luppel, capitaine dudict Meaulx. Si désiroit fort ledict de Luxembourg , son frère, de l'avoir dehors de prison par finance et par traictié, et de ce faire requeste au roy anglois quil y voulsist estre moyen, comme qui le povoit.

Et de faict luy en fit requeste. Si se y enclina volentiers ledict roy ; et luy promist de le faire ; et en effect en fit tenir parolles avec ledict de Luppel, qui au derrenier se assenty pour somme de deniers bien grande avec les deppendences. Dont les plaisges donnés et sceuretés , ledict Conversan fut mis à délivre , et rendant graces audict roy demoura depuis tout le demourant du siége avec luy en son service, jusques à tant que ville et marchié fut tout prins et rendus comme se dira tantost. Mais celluy de Luxembourg, après avoir mis son frère sur ses pieds, s'en retourua au pays de Picardye dont il avoit la charge, et en estoit capitaine général. Envers ce temps cy, peu plus peu moins, Catherine de France, royne d'Angleterre, s'acoucha d'ung fils, seul et le premier, lequel, par ordonnance et commandement de son père, fut baptisé en nom de Henry. Et le

GLORGE CHASTELLAIN.

tint avec les aultres à ce députés, pour marine, dame Jacques de Bavière, dame hériritière de Haynault, de Hollande et de Zéellande , qui pour ciIle heure estoit en Angieterre allée à refluge du roy anglois et de ses frères, dont depuis elle espousa au fort le duc de Glocestre, à son grand dommaigre et peu d'honneur. Si furent faictes , à cause de cesle naissance, merveilleuses et diverses s0lempnités par tout le royaulme d'Angleterre, plus que l'on n'en avoit faict de long temps par avant pour aultre naissance d'enffant de prince. Les nouvelles vindrent au roy de son

| nouveau fils. Si en fut joveulx et en loua

haultement Nostre Seigneur, et au porteur des nouvelles monstra bien par sa largesse que l'avancement de la grace de Dieu luy estoit bien de haulte réputacion. Mais comme de ce costé là le cuer luv estoit esjoy, à l'aultre lez luy vindrent nouvelles, tenant encoires son siège, qui le meurent à couroux ; car Jluy vint-on dire que les daulphinois avoient prins d'emblée Ja ville d'Avranches en Normandie, et qu'ils y avoient fait une grande occision d'hommes et de gens de bien, jusques en nuinbre de trois cens; de quoy le roy se trouva desplaisant durement, et en avoit le cuer enaigri envers les facteurs. Dont toutesvoiés, pour venir au remède et obvier au plus avant emprendre , prestement de son sièye fit partir nombre de gens-d'armes et de trait, et les

renvoya au renforcement du comte de Salse-

bery qui avoit le gouvernement de Normandie , afin de mectre provision à tels attemptemens, et au surplus labourer en la recouvrance de la ville perdue. Lequel comte prestement y alla mectre le siège devant, et si vaillamment s’y porta , que à force arrière il la reconquist sur les daulphinois, dont grand nombre il fit mectre à mort, et les aultres detint prisonniers pour faire restituer les siens qui y avoient esté prins. Ne convient point oublier aussi que pendant le temps de ce siége de Meaulx, Artus, frère au duc de Bretaigne , et depuis connestable de France , prince de grand los, retourna des prisons d'Angleterre par traictié et composicion de finances. Et luy venu en France atout grand nombre de gens-d'armes, vint au siège de Meaulx en service du roy d’Angle-

, 5421] erre, enque! il versévéra tant que ledict roy vesquy.