CHAPITRE XCIV

Comment le daulphin fit assiéger Cosne-sur-Loire.

Comme le roy anglois doncques laboura au lez: de deçà Saine, pareillement le daulphin, ui se tenoit de delà Loire , laboura aussi sur e costé de Bourgoingne, et submist à son Lbéissance la Charité-sur-Loire , en laquelle il tint forte et grosse garnison, à l'encontre du duc son adversaire, qui pour ce temps là aussi se tint en son pays de Bourgoingne pour résister aux entreprinses d'iceluy et de ses gens ; et meismes faisoit guerre mortelle à icelluy daulphin par toutes voies et manières ès quelles il le pensoit à bleschier, comme en une inimitié tieule qu'estoit ceste là il n'y avoit espargne. Si est vray que ledict daulphin avoit faict ung assemblement de gens d'armes de divers pays, en nombre environ de vingt mille combatans, atout les quels il

tira envers Sancerre, au quel lieu il se tint bonne espace en sa personne , et ses gens envoya assiégier la ville de Cosne-sur-Loire ; les quels ainsi le firent. Eten effect tant firent, que par menusses que par faict, les assiégiés dedens ladicte ville promirent de rendre la place en la main du daulphin à certain jour, par condicion que si le duc de Bourgoingne, leur maistre et prince, ne se trouvoit en place pour combatre le daulphin et pour les délivrer de la main d'icelluy , ils rendroient ladicte ville en la main dudict daulphin, et si d'aventure il s'ytrouvoit appresté à la bataille, ils attendroient la part de la fortune avecq luy jusques au finement; et ce en dedens le dix-septiesme jour d’aoust prochain. Si en ac= ceptèrent l'offre les daulphinois, pensans que le duc de Bourgoingne en si brief terme ne les secourroit point , et encoires que avoient avec eulx le daulphin. Muis voullant estre asseurs des promectans , demandèrent ostages, et les assiégiés les baillèrent volentiers, comme qui certainement espéroient de non fallhr au secours. Et y avoit aucuns dedens, bien gens de bien, qui assez congnoissoient leur duc, et que à luy ne tiendroit nullement que la bataille n'y fust présentée , car c'estoit la chose en terre que plus il demandoit, et dont il eust faict moins de reffus. Dont, incontinent les nouvelles venues jusques à luy, que Cosne s’estoit rendue sur ung tel sy, envoya devers son adversaire le daulphin promectre et asseurer pour certain que la bataille luy seroit présentée dedens ledict jour, et que luymeismes personnellement s’y trouveroit à l'entour de toute sa puissance, luy requérant pareillement que d'aussi grand cuer et volenté il s'y voulsist trouver en personne, comme de grand vouloir il luy certifhioit que en luy n’y auroit faulte. Si promit pareillement ledict daulphin , et le certiflia au hérault de le faire ainsi ; et sur ce chacun se meist en point et se disposa à la journée.