CHAPITRE XCV

Voyage du duc de Bourgoingne pour aller présentæ- le combat au daulphin.

Or estoit le duc sur son partement de son

affaires autres en ses Pays-Bas, comme en Flandres et Artois, que jà bonne pièce n'avoit veus. Par quoy quand les nouvelles luy vindrent de ceste bataille, lui convint changer propos, et soy disposer à la nécessité du cas. Si envoya promptement par toutes ses terres et seignouries pour amasser gens et pour luy venir au secours; et non soy présumant en propre puissance, envoya devers le rcy d'Angleterre aussy , affin d'avoir son ayde en aucun nombre de gens, le quel respondy aux envoyés pour ceste matière : « Certes, je n'y envoyerai point à beau-frère les gens que il me requiert; mais moy-meismes en personne , à l'aide de Dieu, iray avec mes gens en son secours. » Et lors sans tarder fit apprester chacun pour aller à ladicte journée, disant que en personne y vouloit estre, nonobstant que malade fust très durement , et de celuy meismes mal dont temprement après il morut, combien que point ne le cuidoit; mais ainsi plaisoit-il au créateur des choses, celuy qui fait vivre et morir, faire estre près de sa

fin, iceluy qui, par convoiuse de régner en la ;

gloire du monde, ne resoignoit à inférer persécucion au chrestien peuple, lequel, par criminelles batailles et tyranniques oppressions maintes, il avoit humilié en France sous le glaive, et encoires présentement cherçoit à faire du meismes, jà soit ce que ce fust plus en faveur de son allyé le duc de Bourgoingne , à qui de la querelle estoit de pitié, plus que pour la sienne propre. Et pourtant dient bien vray ceulx qui vulgairement dient que l'homme propose , mais Dieu dispose : car cestuy fier roy et puissant, qui jà le préau ventral et le thronne de France avoit saisy et appliqué à luy, et le remanant poursieuvoit à y adjoindre par puissance , à l'eure quand plus se fioit en sa fortune, le vint touchier la main de Dieu, et soy offrant à la bataille à l'encontre de l'héritier de la couronne, vint cheoir en sa finalle terminaison de son règne, par impourveue maladie non garissable. O roy du ciel, qui es roy éternel par nature, lorsque le règne que les hommes quièrent çà bas n’est que la durée d'une fleur ! O qui tout gouvernes par providence, tout disposes -et ordonnes à fin convenable, en gardant en ton

GEORGE CHASTELLAIN

pays de Bourgoingne, car avoit de grands |

secret les causes des effects à vemr, bons et mauvais , seuffres aux choses humaines avoir mutacion diversement, dont finablement ta bonté fait la raddresse ! O Dieu miséricors ! et quelle gloire te devoient icy rendre les François, les quels, après maintes calamités portées dessoubs ceste main, et, en leur opprobre et confusion grièves, l'avoir veu saisir leur thronne , porter couronne en Paris, soy former leur héritier injuste , soy grandir sur les royaulx subjects, soy égaliser à un roy enoinct par divine parmission , tendant possesser et demourer fils par violence, pour tenir la gloire de l'héritier et de son peuple; Ô vray créateur! maintenant tu reconsoles, tu ramaines et retires à espoir, à ceulx qui peutestre, par aveuglement, leur avois envoyé ce baston et fléau , revenus à congnoissance de leur démérir, las ! rompu par leur supportance.