CHAPITRE XCVI
Comment le rey anglois mourut au moment où à vouloit en personne aller secourir le duc son beaufrère , et de la retraicte du daulphin devant l'armée du duc de Bouraæingne.
Le roy anglois doncques sur le commencement de son mal, mais non cuidant morir, estoit à celle heure à Senlis, quand ces nouvelles lui vindrent. Le quel prestement donna charge à son frère de L'ethfort et au comte de Warwyc de mener sa puissance tout droit vers Bourgoingne , où estoit son beau-frère ; et luy-meisme prenant congié du roy Charles, de la royne , et de la royne sa femme qu'oncques depuis ne véit, s'en vint à Meleun, et là se fit mectre en une litière, sur intencion d'aller à la journée promise. Mais sentant empirer son mal de plus en plus fort, se fit mener au bois de Vincennes, comme pour son derrenier repos, car là s'alita; et luy donna Dieu sa terminacion à la vie et recho:
pement à son régner, qui de sa briefveté du terme usa toutesvoies saigement , et en grand préavisement sur toutes choses monstra fin mémorable. Pendant toutesvoies que le roy anglois se prépara ainsi à la journée, et que les princes de son ost alloient jà battans fé
rars en approchement du lieu, messire Jehan de Luxembourg, le seigneur de Croy , messire Hues de Launoy, ensemble tous les capitaines de Picardie, s'avancèrent aussi à tout effort pour estre audict lieu; et passant par emprès Paris, et de là par emprès Troyes, parvindrent en Bourgoingne, où estoit leur prince, en la ville de Vézelay. Le quel et les princes d'Angleterre et ses propres gens receut là révéramment et à grand chière , et les remercioit trestous de leur bonne amour en son besoing. Mais voyans tous ensemble le jour estre prochain que la bataille se devoit faire, disposèrent de leur affaire diligemment , ordonnèrent avant-garde, bataille et arrièregarde, firent une mixtion amiable de trois nacions ensemble, l'ung parmy l’aultre , par peur de noise qui pourroit sourdre entre euix, pour l'obtenement du los plus ou moins en la victoire. Et pour ceste cause le duc qui avoit deux nacions siennes contre une d'emprunt, mist celle d'emprunt en égale portion de toute honneur avec les siennes propres ; et en cest estat partant de Vézelay, vindrent jusques au lieu du siège où le daulphin estoit. Lequel sentant leur venue et leur approchement si redoutable, trouva par conseil d'abandonner le lieu, plustost que de combattre. Et en effect, le duc de Bourgoimgne, logié devant luv et tout au plus près pour combaïître , au matin le daulphin meisme se deslogea, et se alla retraire en Bourges , ne depuis ne comparu personne en son nom; en ensuivant sa promesse. Par quoy champ et ville et le tout pour celle heure demourèrent au duc , et le souffrir en demoura à l'héritier de la couronne qui n’estoit pour lors pas maistre de sa fortune.
