CHAPITRE XCVIL
Détails sur les derniers momens du roy d'Angleterre.
Quand doncques en véit ceste bataille tourner à néant, et que pour telle multitude de monde assemblée en ung amas, vivres à tous lez estoient escars et la destresse de faim moult aspre, Picars et Anglois prestement retournèrent; et quérant le large pour culx s'espardre et aiser tirèrent vers Troyes, dont
le terroir voisin estoit tant tondu de près, que plus ne povoit ; et de là quérans la Champaigne , chacun tourna vers son parti, bien contens de l’ung l'aultre. Entre les queis le duc de Bethfort, qui jà avoit receu nouvelles de son frère le roy Henry, comment il gisoit en dangier de mort, à toute haste s'avança soy trouver vers luy ; et laissant le grand flot de ses gens, print aulcuns de ses privés en petit fombré, atout les quels s’en vint au bois de Vincennes, et trouva ledict roy son frère comme sur son derrenier. Et finablement le duc de Bourgoingne aussi, qui avoit sceu son aggrièvement, y envoya pour celle meismes
ot messire Hues de Launoy pour le visiter.
Or estoit ce roy anglois tout acertené de la mort, et sentoit bien que sa fin approchoit de près ; par quoy veullant ordonner de ses affaires, fit venir devant luy le duc dé Bethfort son frère , son oncle le duc d'Excestre, le comte de Warwyc, messire Loys Robersart, et aulcuns aultres, jusques au nombre environ de huit personnes , des quels l’ung estoit messire Ques de Launoy à cause de son maistre. Venus doncques devant son lit, et leur devisant comment il véoit bien que c'estoit fait de sa vie , et que le plaisir de son créateur estoit de le ravir hors de ce mortel monde, commença à dire à son frère le duc de Bethfort:
« Jehan, beau frère, je vous prie, sur tout l'amour qu'avez eu vers moy jamais, que tousjours veulliez estre bon et léal envers Henry. beau fils, vostre nepveu'; et vous charge, sur tant que jamais pourrez mesprendre , que tant que vivez, ne souffrez faire traictié avec nostre adversaire Charles de Vallois, ny aultres, que tousjours, pour chose qui aviengne, la duchié de Normandie ne demeure franchement audict nostre beau fils. Et au cas que beau frère de Bourgoingne veulle entreprendre le gouvernement de ce royaulme, je vous ordonne et conseille qu’il lui soit baillié devant tous. Mais en cas de refus , et qu'il ne veulle accepter , prenez le vous. Et à vous beaulx oncles d'Excestre , je vous laisse seul et pour le tout le gouvernement du royaulme d'Angleterre; car ma fiance est que le saurez bien faire. Et avec ce, je vous ordonne à estre du tout gouverneur de beau fils vostre nepveu, et vous prie que le visitez
souvent. Et pour quelconque chose qu'il aviengne , jamais ne retournez en France. Et à vous , beau cousin de Warwyc, je veus qug soyez son maistre et conduiseur, et que demourez tousjours avec luy, pour l'apprendre et induire, comme à son estat appertient, car je ne saurois mieulx y pourveoir, ni plus digne y commectre. En après, je vous prie à vous tous ensemble, que gardez bien, sur tant que vous pourrez mesprendre, que de vostre vivant ne prenez question ne argu avec beau frère de Bourgoingne ; et souverainement cestuy article deffendez de par moy à beau frère Honffroy; car s'il advenoit, que Dieu ne vueille! qu'il y eult entre vous et luy aucunes divisions, les besoignes de ce royaulme, qui sont grandement avanciés pour nostre party, en pourroient beaucop empirer et tourner en nostre grief. Vous commande aussi que ne délivrez de prison beau cousin d'Orléans, le comte d'Eu, le seigneur de Gaucourt, ne Guichard de Sizay , jusques à tant que beau fils sera venu en éage compétent; mais des aultres , faites en comme bon vous semblera. » Sur quoy les seigneurs |à estans, commeus à pitié, respondirent que tous obéiroient à ses ordonnances , et en riens ne les trespasseroient de leur vivant. Dont, après ces devisemens faits, appela devers luy messire Hues de Launoy, et tenant lors devises avec luv, recommanda le faict du royaulme de France et de son fils, comme à cely du monde qui plus povoit porter avancement ou grief à sen party, et comme meismes appert par ces paroles dessus alléguées. Si print congié ledict chevalier, car véoit bien que l'heure y estoit convenable; ettantostaprès, etque la chambre estoit comme vuyde, fist venir devant luy ses medecins, aux quels précisement ilrequist que dire lui voulsissent , selon le possible de leur congnoistre , quel terme de vie il povoit avoir encoires. Mais eulx reffusans de luy donner jugement si estroict, délayèrent à y rendre responce ; et dirent que en Dieu estoit bien le faire relever et garir, et que pourtant devoit gecter son espoir en sa grace et non en doubte de la mort temporelle. « Déa: ce dist le roy lors, ce ne me souflist pas. Dieu, ce sçay je bien, est tout puissant et misericordieux , mais je
GEORGE CHASTELLAIN
me sens à ce là venu que je scay bien que ia mort m'est prochaine. Et pourtant laissiez Dieu convenir de sa grace envers moy, ainsi que son plaisir portera, mais vous aultres assaigissez moy de ce qui gist en vostre congnoissance par opéracion de nature. » À ce mot se mirent ensemble trestous, et firent conclusion; et icelle faicte, vint lung d'eulx en soy ruant à genoulx devant son lit , et dist : « Sire, pensez à vostre faict, car il nous semble ,se ce n’est de singulière grace de Dieu et contre pouvoir de nature , vous n'avez vie en vous que de deux heures. » Et alors louant Dieu setintau mot; et fit venir devant luy son confesseur avec pluiseurs aultres gens d'église de sa famille, aux quels d'entrée ordonna à dire devant luy les sept salmes. Dont quand ce vint à Miserere mei, Deus, et qu'on disoit benigne fac Domine, etc.« Holà ! »ce dist lors. Et là leur fist faire arrest disant tout haut « Or, sans la mort que j'attens ici, ma finale intencion que j'aie eue, c’est après que j’aurois mis en tranquillité et paix ce royaulme de France, je me fusse mis en assay d'aller conquerre Jhérusalem sur les Infidèles, s’il eust pleu à Dieu mon créateur me souffrir tant vivre : or, n’en ay esté digne , ne ne suis. Se lui prie mercy de mes faultes. » Et à tant se teust et fit continuer la lecture jusques enfin là eù le destroit de la mort le surprint. Et paya son devoir en coustume des aultres mortels , en belle congnoissance , le dernter Jour du mois d'aoust. Du quel trespas les ducs de Bethfort et aultres princes du royaulme anglois se trouvèrent à grand desconfort , car moult avoit esté saige prince et de grand vertu en tous ses affaires, et nul espoir ne leur estoit d'en recouvrer jamais ung semblable. Le corps fut mis en roval devoir , les entrailles mises en terre à Saint- Mor-des-Fossés, et le résidu en ung sarcueu de plonc, embasmé et magnifique comme à roy de 4el tiltre. Si ne demoura gaires après que le duc de Bourgoingne, sachant la mort dudict roy, s'en vint à Brie-Comte-Robert , et au bois de Vincennes, auquel lieu trouvs le duc de Bethfort menant le dueil , le quel i) conforta de parolles telles qui y séoient, en soy offrant à luy. Et alors le duc de Bethfort, en ensuivant l'ordonnance du roy son frère
mort , requist audict de Bourgoinpne, et lui offrit, de par le roy deflunct, le gouvernement du royaulme , et lui ouvrit toutes ses volentés dernières ; mais le dict de Bourgoingne , qui pesoit le cas, et parfondément regarda aux conséquences, s'en deschargea bonnourablement, et en laissa le fardeau à qui le vouloit emprendre. Et à tant retourna ledict de Bourgoingne à Paris, attendant que le corps du roy deffunct se devoit porter là. Lequel y fut mené aussi accompaigné des ducs d'Excestre et de Bethfort , et mis en l'église de Nostre-Dame , là où se fit ke premier solempnel service pour luy.
Et pendant le temps que là estoient ensemble les princes anglois avec cely de Bourgoingne , tinrent conseil entre eulx sur le gouvernement du royaulme par deçà, pour savoir qui l'accepteroit, ou cely de Bourgoingne ou de Bethfort, là où finablement en fit refus; et l'accepta cely de Bethfort, qui en tout temps depuis s'en donna le tiltre.
