CHAPITRE XCVIILI
Des haultes solempnités qui feurent en Londres de ce roy desfunct, et de ses haulx et glorieux faicts.
Après ces choses faictes, partirent de Paris les princes anglois, menant le corps de leur roy vers Rouan, là où, quand ils furent arrivés, mirent le corps arrière en la grand église de Nostre-Dame, en toute haulte magnificence de service. Lequel faict, et que laroyne vefve y estoit venue aussi, mirent le corps de luy sur ung chariot que quatre chevaux blancs menoient; et la fiction de son imaige firent faire de cuir boully, vestue réallement et paincte au vif, couronne d'or en teste, scepire en une main et une pomme d'or en l'aultre. Et en celuy estat, le visaige vers le ciel, couchoit sur ung lit dont la couveriure estoit de vermeil battu en or; et au dessus de luy portoit-on ung poêle comme à la feste Dieu , par champs et par ville, faisant partout vigilles et oracionscomme en l'église. Partant doncques de Rouan, vindrent à Abbeville faire pareilles magnificences. D’Abbeville à Hesdin ; de là à Calais et jusques à Londres ; auquel lieu furent mis aux quatre chevaulx de son chariot quatre nouveaux colliers
paincts de diverses armes. Le premier si estoit painct des anchiennes armes d'Angleterre , le second des armes de France et d’Anyleterre esquartelées, le tiers de plaines armes de France, et le quart du noble et puissant roy Artus, dont l’escu estoit d'azur à trois couronnes d'or. Si seroit chose longue à dire des pompes et beubans qui furent faicts audict lieu de Londres pour ce corps sans ame. Et meismes à l'enterrement à Wasemoustier n'avoient esté veus deux cens ans auparavant semblable ne de telle cérymonie, ce que encoires continuent quand y eschiet mort de roy.
De ce roy d'Anyleterre nommé Henry se peuvent faire haulx et glorieux comptes , et les quels, nonobstant que ennemy fut des François, se ne doit céler entr'eux, quand ses vertus le recommandent longuement mémorable. Et tout premier il estoit prince de juslice tant envers soy même, par exemple, comme envers aultruy par équité droiturière ; ne supportoit personne par faveur, ne torfais ne laissoit impugnis par affinité de sang; estoit sobre de bouche, véritable en parolle , hault et élevé en couraige, et à viles choses et basses se déclinoit envis; n'avoit riens d’huiseuse , nulles labeurs sans fruict, et de diligence portoit le gonphanon de ses besoingnes; tous ses affaires il manioit lui-meismes , tous les conduisoit et dressoit, tous les pesoit et abalanchoit au doigt, premier que emprendre ; faisoit crémeur et révérence reluire ensà face, et dominacion redoutable en son ymaige; cra'ngnoit plus Dieu qu'il ne se fiast en fortune , et des vertueux et constans en Cuer avoit la sorte; avoit une fin derrenière résolue en bien, et pour icelle ac. comp'ir s’associa au jeusne duc de Bourgoingne, parce que en luy véoit matière semblable à la sienne : c'estoit du voyage en la saincte terre par chrestien effort, que ambedeux en firent promesse l'ung à l'autre devant Melun, jà soit ce que Dieu ne le souffrit point en tost morant; et lequel toutesvoies s'en mist en grand devoir, car en fit visiter tous les ports de Levant pour y prendre adresse. Il descendy en France en temps de division , dont peut estre que , pour corriger les peschiés des François, Dieu lui souf-
frit plus obtenir gloire que salut. 11 humilia les François et les desconfy à Azincourt, qui, craintif de propre infortune, offroit à vuydier le royauime non osant combattre , là où son humble doubter luy redonda en gloire, vaincuer, et aux présumans en leur force et povoir tourna confusion contraire, comme non celle fois seule leur estoit advenu, mais, à Kresy et à Pottiers semblable meschief, par tel mérir de vice. Dont l'exemple par trois fois escheu, et qui est trop, doit bien estre perpétuel miroir aux François de fuyr oultrecuydance et de congnoistre que Dieu , les hommes et fortune espient et aguettent les orgueilleux pour les inféliciter, et les humbles esviyourent et exaulcent, contraire à paine de leur espoir et pardillicile, comme icy, là où François avoienttrois et quatre hommes contre ung , et le roy anglois doubtant de malaventure demeura vancuer, après requeste de passaige. Il estoit entré en France en temps de division, et en division fit esternir les divisés soubs son glaive. Dont, se l'union y eust esté naturelle, comme devoit, son vertueux et hardy emprendre n'eust eu lieu sur leur ancienne gloire. Par quoy il appert, que le gouvernement des hommes et les qualités de leurs meurs sont cause de leur double fortune , prospère et adverse, et n'ont les royaulmes aultre félicité que celle qui gist en concorde et union des chiefs, lesquels, si en paix se conforment , ils en tirent la promissisn subseéquente; et si haines et envies se attisent en leurs couraiges, Dieu par leur propre venin meismes les pugnist et corrige.
