CHAPITRE XCIX

ZDomment les Francois s’estoient attiré leurs malheurs par leurs divisions intestines.

François à ceste heure avoient ung roy mal sensible , par quoy l’auctorité de gouverner causoit envye aux parties contraires ; y avoit de grandes et criminelles machinatons, et dont les effets ensuyrent horribles; y avoit des actions voluntuires et multitude de desrisions enormes , imposicions iniques, tailles insupportables, persécutions diverses, æ À cause desquelles peuples et citoyens des

h GEORGE CHASTELLAIN.

puissantes villes desfavorisoient à leur propre roy, en espoir d'alégement par aultruy.

Doncques non merveilles sy ung roy, en ung grand eflort de gens, en vert jeusne éage, en vertus toutes propres à conqueste , en ültre d'ancienne querelle apparente, et en temps de division à lui propice, est venu calamiter ceulx qui meismes se destruisoient en propre venin, et leur a fortrait, par main tierce, usurpeur, ce que possesseur, n'ont volu maintenir paisible, par coutendement à le destruire. O Franchois, rongiez ces mots , réduisez les en mémoire en tous éages. Vous estes heureux et félices possesseurs de région noble; mais la félicité de vostre possès , qui trop est ample , vous est matière vous surmonter en orgueil, dont maintes fois avez esté corrigés par glaive. Certes, à ce roy anglois n'est à imputer la gloire de vostre humiliacion, mais à vostre orgueil est due l'impropère d'avoir provocqué contre vous l'équité divine , non comme par vaincuers plus glorieux que vos ancestres, mais comme par currigeurs de vos vices , non comparables à ves pères.