CHAPITRE C

Comment ung hermite vint, dit-on, prédire au roy Henry sa mort prochaine, s'il ne renonçoit à ses projects sur la France.

De ce roÿ icy, le roy Henry, entre autres comptes que j'ay oy faire de luy bien grands, m'eschéit une fois ung , lequel me fit ung hault et noble baron, le seigneur de la Trimouille, et me certillia avoir esté advenu par effect au roy Henry avantsa mort. Vray est, ce dict , que, environ ung an avant le trespas dudict roy Henry, vint devers lui ung hermite comme messagier de Dieu , et le quel quéroit fort à parler à luy, et en fit ses approches et instances par maints moyens, jusques à venir à sa personne; le quel luy builla escout et lieu privé pour deviser, jà soit ce que ce fit-il assez à dur. Toutesvoies, venu jusques là, lui commença à dire ainsi : « Sire. nostre Seigneur Dieu , qui ne vous veult perdre, mais préaviser de vostre salut , a envové ung sien messaigier vers moy sainct homme, par 1equel il m'a fait révéler aucunes choses pour

vous dire, les quelles vous touchent à l'âme et au corps. Et m'a dict icelui sainct homme : que je vous die que le plaisir de Dieu est, que desormais vous vous deportez de plus traveiller son chrestien peuple françois, dont les clameurs soubs vostre fayau l'ont provoquié à pitié envers luy ; car, non pour estre persécuteur ou tyran des chrestiens, il vous a donné eslévement et gloire, mais pour estre champion et deffendeur de sa saincte foy, pour quoy faire il vous a dunné les vertus propres à ce. Et que cecy soit vray et que tant myeulx y puissiez adjouter foy, il m'est enjoinct de vous dire, que une fois vous estant encaires prince de Galles, et que une secte de héristes se sourdy en Angleterre, la quelle il convenoit rabattre par puissance et par bataille, Dieu regardant vostre cuer lors et l'ardeur que aviez en sa querelle, et là où vous exposastes vosire corpsau péril et jusques à estre bleschié au frônt d'ung trait, print tel œil de faveur envers vous que pour vous faire l'instrument après de sa puissancesur les infidèles. Dont encoires, et ce que aujourd huy avez de gloire et de hiault règne, ce vous meult de là; et le vous a souffert jusques icy. Mais de persévérer avant en ce royaulme, il le vous deffend , vous avertissant que , si vous entendez et inclinez à son mand , ce vous tournera à gloire et à salut , et si vous y mectez contradiction, ce vous sera abrégement de vie et incursion de son yre. » À ces parolles se trouva moult esbahy ledict roy, pensant et levant le cas durement fort; et ne savoit en quel p'oy respondre; car à ung lez n'adjoustoit point de foy en l'hermite, pensant que ce n'estoit que ung abuseur et ung faint personnaige , et à l'aultre lez, pour parolles minatoires et qui n'avoient point d'appreuve, ne se vouloit deffaire ne déporter d'une si haulte couronne, celle de France. Et finublement tint les parolles de l'hermite à gas; et respondy à double sens, sans donner ne tollir, jusques à renvoyer son hermite sans fruict et sans espoir de bien. Lequel à son partir, et quand il vit que point ne le povoit retraire de la vanité temporelle, luy dict pour toutes fins que, avant que l'an passast en son dernier jour, il se perceveroit de la main de Dieu qui le toucheroït par courroux. et dont le rapai-

sement ne se feroit que par mort. Et a tant se partit et s'en alla, non sçachant âme où qu'il devint ne quel chemin print. Et luy party, ledict roy meismes en fit ses contes, et en conta les devises à aulcuns seigneurs d'auprès de luy, qui depuis en virent l’effect véritable ; car, avant que l'an vint à sa fin, comme l’autre lui avoit promis, le mal luy print au fondement dont il morut, aulcuns dient de Sainct Fyacre , aucuns de Sainct Anthoine. Et alors commença soy à repentir du reffus faict, et enquist à tout le monde si on pourroit jamais venir au recouvrement du s:inct preud'homme, pour le venir visiter, et affin de pouvoir recouvrer la miséricorde de Dieu par ses prières, en évasion de mort; là où chacun respondit que nul ne savoit voye ni tour pour le recouvrer. Dont il advint ainsi, comme Dieu le volut , que pendant que ledict roy se regrettoit ainsi, l'hermite y survint, car estoit avisé en l'esperit du cas advenu. Si fut dict au roy, qui en fit grand joye et le manda venir devant luy, là où souspirant confessa son repentir, et demanda si, par vouloir faire ce que aultresfois avoit refusé, il pour roit recouvrer santé et rapaiser l'yre de Dieu sur luy donnée. A quoy le preud'homme respondy confortamment , que de la miséricorde de Dieu ne se devoit deflier, car tous jours elle est prête au pécheur repentant, et que avec ce il estoit aussi puissant de le faire sain que malide ; mais bien lui desplaisoit, ce disoit, que à temps ne l’avoit creu et que si peu avoit accouté aux divines menasses. Sur quoy arrière le roy l’interrogant, luy demanda par exprès et pria qu'il lui voulsist dire si finablement il pourroit eschapper de mort ou non , et obtenir grace de Dieu ; et l’hermite pressé de près et constraint de respondre au cas, après toutes fuytes, lui dict précisément : « Certes , Sire, de la grace de Dieu ne vous desconfortez, car je y ai tout mon espoir pour vous, mais en la vie du corps n'y mettez point d'attente, car vous estes à vostre fin ; si que, avisez de vostre ame. »— « Or doncques, ce dict le roy lors , puisqu'il plaist à Dieu que ainsi soit, je vous prie doncques que d'une chose m'assagissez de vant ma mort, à scavoir, si vous Savez Ou Si pourra plaire à Dieu qu’en mon lieu après

my mon hoir pourra rérner en France.» Sur quoy le hermite fit respance disant : que à telle chose ne devoit viser en telle extrémité de mort ; mais pour finablement l'assouflire à sa péticion, il lui certiflioit que nenny, et que jamais n'y auroit règne ne durée ; de quoi il a esté trouvé véritable, comme apparu est par tout ce qui en est advenu, tant en son propre royaulme dont il portoit couronne, comme en cely de France dont il clamoit avoir tiltre. Et ainsi parla l'hermite à ce roy Henry traveillant à la mort, et luy s’en alla à la conduicte de Dieu.