CHAPITRE CI
Comment la duchesse de Bourgoingne, Michielle, alla de vie à trespas en sa ville de Gand ; et de la douleur des Gantois à l’occasion d’icelle mort.
Or est recitée la mort du roy Henry, reste encoires deux aultres dont il faut faire mencion, car toutes advinrent envers ung temps et à peu de distance. L'une si fut de madame Michielle de France qui s'allita à Gand, et l'aultré du roy Charles VI de ce nom, qui père fut à madame Michielle. Si est vray que ceste dame Michielle estoit première espouse à ce duc de Bourgoingne Philippe, qui cordialement l'aymoit et l'avoit aimée tousjours. Depuis, la noble dame , dès que elle s’estoit perceue de la faulse et criminelle mort du duc Jehan, laquelle on l'imputoit à son frère le daulphin, et dont elle doubtoit que son seigneur et mary à tousjours ne la tint à despecte et contre-cuer, certes, plaine de merarcolye, devint malade à Gand, B où elle avoit sa résidence ; et finablement cheut en lit, où elle paya son deu , envers ce meismes temps que le roy Henry et le duc son mary se préparèrent pour le voyaige de Cosne. À cause duquel voyaige et que ledict duc estoit longtain d'elle , mal luy estoit possible de venir à son derrenier, car son honneur luy pendoit ailleurs; et fut toutesvoies durement desplaisant quand on lui annoncha sa mort. Mais entre tous ceulx du monde qui dueil en firent, ce furent Gantois qui en fondirent en larmes; car avoit été nourrie jeune fille avec eulx, et si débonnaire et bénigne que oncques nulles tant ailleurs; et avec ce si estoit
GEORGE CHASTELLAIN
ce tout l'espoir de leur salut et de tout leur pays que d'elle, pour cause que file estoit du roy de France dont la pluspart de leur félicité povoit despendre. Or y avoit-il diverses murmures en Gand sur la manière de ceste mort ; car disoient les aulcuns, comme j'ai dict, que mérancolye du cas advenu la mena à langueur par doubte qu'elle forma contre elle, que son mary dès lors en avant ne la véist à regret; et par ainsi la mort lui povoit estre naturelle et consonnant au vray. Autres, eulx fondant en souspechon de parfond regard , maintenoient que ceste mort avoit esté avancée par venin, el ce, par une dame nommée Ourse, Allemane de nacion , dont jamais toutesvoies ne furent attaintes les preuves, si non que le grand ruyt du peuple se contigua sur elle, ensemble sur le seigneur de Roubais , lequel on disoit son privé accointé. Dont, parce que la noble dame avoit reprinse de son desvoy la dicte dame Ourse, ce disoit le peuple, et l'avoit mise hors de son hostel , elle, ensemble son accointé le dict scigneur, par vengeance se consentir. nt en sa mort. Et leur fut imputée la charge de la poison, quoy qu'à moy meismes ce me soit dur à croire, car moult preud'homme et vaillant chevalier avoit esté tout son temps ledict seigneur , et en souveraine auctorité emprès son maistre par ses vertus, Car jamais n avoit courru voix qu'il fut souillé de vice reprouvable.Toutesvoies, fut droit fut tort, lui estant en Bourgoingne avec son maistre, le bannifent du pays de Flandres, en lieu de ce que ne le peurent tenir au corps; car si tenn l'eussent , fut esté mis à mort, et la dame aussi, laquelle s'estoit absentée et retirée à Aire, avec son mary Coppin de la Viefville, par avant que la noble princesse devint estre malade. Si envoyèrent Gantois six vingt hommes de leurs gens en la ville d’Aire pour prendre dime Ourse et l’amener devers eu!x ; mais comme son mary estoit de ceulx de laViefville, qui est-ung puissant lignaige, avoit semons en faveur de sa femme plusieurs de sa parenté , pour aulcunement la garantir d'estre emprise. Et parla moult réveramment auxdicts Gantois, mais sans délivrer sa femme en leurs mains ; et leur promist, présens ses parens et amis, que pour soy mectre en justice du cas
El
que luy imputoient, fust vray ou non, ils la livreroient en la main du duc leur prince en qui redondoit le mesfait, s'il y estoit , et d'icelui vouloient prendre et attendre la pugnicion, selon la cause trouvée. Et comme ils le nramirent ainsi, le firent aussi; et Gantois s'en undrent à contens. Mais aultre chose n’en advint, car n’y avoit nulle verité prouvée, si non voix de peuple. Et quand à la révérence du corps mort, Gantois le plus haultement que faire se povoit le boutèrent en terre. Et fut mis son corps à Sainct-Bavon devant le grand autel, et le cuer porté à Sainct-Denis en sépulture réalle emprès ses ancestres. Iceulx Gantois toutesvoies , c’est à entendre laloy , gouverneurs de la ville, voyaus leurs gens estre retournés d’Aire sans avoir exploicté en ce que demandoient , furent très mal contens du maire et deseschevins de la ville , et usèrent de menasses sur eulx, à cause de ce que point ne leur avoient envoyé Ourse ; et pour ce que leurs envoyés estoient retournés si laschement et à si peu de faict, les firent mectre, aulcuns des principaux, en prison, en péril presque de leur vie; car oncques si grand murmure ne fut en ville qu'en icelle alors, pour celle mort dont ladicte Ourse et ledict seigneur de Roubais portoient la charge en laädicte ville. Lequel seigneur de Roubais, que le duc tenoit à preud'homme et léal chevalier, et tousjours avoit esté emprès luy en Bourgoingne , desencoulpa et le tint à net, en lui réstituant le pays de Flandres dont Gantois l’avoient banni ; etluy fit sa paix aussi à ceulx de la ville ; et lui mesmes le y mena pour sa plus grand seureté en propre personne, pour doubte de la commocion du peuple.
