CHAPITRE CII

«erment le roy Charles s’en alla de vie à trespas en son hostel dedens Raris : et comment il fut porté à Sainct- Denis , aupres de ses prédécesseurs.

Ce fut doncques comme en septembre, l'an mil quatre cens vingt deux que morut en Gand ceste dame Michielle, duchesse de Bourgoingne. Dont le dernier d'aoust, le mois précédent, avoit rendu l'ame aussi le roy Henry d'Angleterre, au bois de Vin-

cennes. Et maintenant, pour faire sa tierce main, au mois d'octobre subséquent, la mort s'est venue embattre sur le roy Charles VI, soubs qui en règne , par accident que Dieu lui avait envayé en son sens, tant de maulx advindrent que toute la chrestienté s’en sentoit de la playe, quand, veue sa disposition , et que lui meismes n'estoit propre pour gouverner, les baulx membres de ce royaume cheurent en discord pour en avoir l'avance, et en advindrent piteuses et lamentables occisions , dont jamais à paine en sera amortye la haine qui en est sourse. Or estoit venu le temps que Dieu fuy voult donner fin en’son régner, mais non pour tant fin de tribulacion au noble royaulme , quant à prismes les matières de douleur se enfélissoient et croissoient, et les personnes qui povoient donner tribulacion venoient en droit éage d'orgueil pour lung l'auitre destruire. C'estoient Charles VII, héritier de la couronne, durement achetée, et le duc Philippe de Bourgoingne, injurié criminellement, dont loisible estoit 1x vengance; car après la mort de ce roy Charles, commença entrer le dur et le tout uigre de la misère françoise, par guerre entre les deulx dessus dicts ; et de quoy la ruine tant des hommes comme des terres vint à plus grand extrémité d'excès que ne fit oncques, ne sçay à qui salut plus ou moins, mais par apparence du dehors je l'ignorois. Pugnicion divine feust, de chief ou de peuple.

Parlant doncques du roy Charles et de son trespas, il s'estoit alité en son hostel à Saint- Pol, à Paris, et le vingt-deuxième jour du mois d'octobre, jour des onze mille vierpes, il rendit son esperit à Dieu, petitement accompaingnié pour ung roy de France, car n’avoit que son chambellan, son chancelier, son confesseur, et aulcuns aultres menus officiers emprès luy à son derrenier, là où les haults et grands membres de France devoient estre afluys tous pour assister sa personne. Or n'y avoit nuls, si non que Parisiens et ceulx du parlement./ Semblablement ceulx de l'université l'allèrent visiter mort, par révérence du corps qui prestement fut mis en ung sarcueu de plomb, et porté solempnellement en la chappelle dudict hostel, où il demoura sur terre vingt jours entiers,

jusques à ce que le duc de Bethfort, régent de France, vint de Rouan à Paris, au mois de novembre ensuivant. Durant lesque:s vingt jours toujours se faisoit le service en la chappelle, et l'office du jour tel qu'il se souloit faire du vivant du roy. Et iceluy service ordinaire fait par ses chapellains, vindrent les mendians et tous colliéges faire le service pour l'ame. Pareillement ceulx de l'université en firent ung fort solempnel , les quatre nations ung aultre à par eulx, et toutes les paroches de Paris ensemble ung aultre moult notable aussi, dont la congregacion estoit exquise. Finablement, le dixième de novembre, fut porté de là en l'eglise de Nostre-Dame à solempnelle procession de prélats et de gens d'église qui tenoient le lez dextre, et ceux de l'université, recteurs et docteurs qui tenoient le lez senestre, ls ‘docteurs aussi prochains du corps comme les prelats. Le corps portoient les escuiers de son escuierie; et le suivoient au lez dextre les maistres d'hoste s avec les escuyers, et au lez senestre le prévost de Paris, et des bourgeois et marchands avec leurs sergans d'armes. Ceulx du parlement portoient le drap qui gisoit sur le corps.

Alloit son premier chambellan tout plus prochain de son chief, et les aultres après , cha-

cun en son siège et degré, dont les paiges

furent les derreniers. Et là, à peu de distance après , vint le duc de Bethfort, régent , qui seul et pour le tout accompaigna le corps du roy, pour prince, à part, tous les princes du royal sang absens à celle heure. D'amiracion diyne et plus encoires lamentable ! Après ce duc icy, syevirent le chancellier de France,

GEORGE CHASTELLAIN

maistres des requestes, seigneurs des comptes, secrétaires, notaires, bourgeois, et le commun de Paris, chantans et orans.

Gisoit le corps sur une litière parée d'ung drap d'or vermeil , bordé d'azur à fleurs de lis d'or ; et avoit sa pourtraicture, comme de vive imaige, chaussée et vestue, couronné d'or en teste, blancs gans et anneaux, chausses noires à souliers d'azur semés de fleurs de lis; et avoit deux escus en ses deulx mains, l’ung d'or, l'aultre d'argent.

Et en tel estat fut porté en l'église de Nostre- Dame , là où le patriarche de Constantinoble fit le service du jour. Lequel faict, fut porté tout d'ung trait à Sainct Denis , là où arrière ledict patriarche fit le service une nuyt entre deux. Et à tant fut mis en terre, emprès ses pères, lors où les officiers , huissiers, rompirent verges et bastons, les gectèrent en la fosse tous plurans. Et prestement ce faict, commença à crier Berrv roy d'armes :

« Dieu veulle avoir mercy de l'ame de très bault, très excellent et très puissant prince, Charles, rov de France, sixième de ce nom, nostre naturel et souverain seigneur! »Et reprenant après ces mots nouvelle voix, s'écria de rechief:« Et Dieu doint bonne vye à Henry, par la grace de Dieu, roy de France et d'Angleterre, nostre souverain seigneur ! » Lequel cry faict, tous les sergans redressèrent leurs maces ce dessoubs en sus, crians tous à une voix : « Vive le roy ! vive le roy Henry!» Laquelle chose fuicte, tous retournèrent à Paris, à où on avoit pourveu pendant ces mistères contre les entreprinses du daulphin , seul fils du mort, deshérité par ceste manière.

(Ici se termine le premier manuscrit d'Arras, coté c. 7. et intitulé : ÆEvrénemens des guerres depuis 1649

fusqu'en 1422).