CY COMMENCHE L'HISTOIRE

Lôys, nôn daulphin maintenant, mais roy non couronné, prestement change lieu et partant de Genappes , a tont charroy et ce que avoit de bagghes, vint l:gier au pays de Haynnau, toujours dreschant son chemin vers Franche. Et le duc son oncle prestement aussi se desloga de Hesdin, et se vint rendre à Lille par chincq ou six jours. Et lui estarit illecq fist faire mandement à tout le monde de s'armer et de mettre sus, car il entendoit de mener le roy à son couronnement, si puissant et si fort que le ramannant du royalme n'Ÿ eust sceu contre estre quand on s'en fuist mis en paine. Et de ce fait il se prépara une armée terrible et merveilleusement grande, sans encoire faire ban ne arrière-ban; mais tous les nobles de ses pays et divers lieux, dont il avoit beaucop, par ennort lung de l'aultre , et par amour que avoient de lui faire honneur et plaisir en cestui cas se mirent sus de bonne voeiue; dont les trais estoient si grans , et les mises de si grand pris, qu'ilne seroit à dire et seroit dur à croire

En ceste ville de Lille se tint ce duc par environ huit jours, et visitta ses coffres et les trésors qui estuient au chastiel , comme quil véoil le temps estre venu, là où ilconviendroit frayer et boutter avant. Touttesvoies, comme cellui qui avoit son regard en plus d'une chose , pensa fort sur ses dis coffres. Dont, se multitude y avoit de chevance, ne délibéra point d'en thirer largesse pourtant que à mesure. Car mouit estoit curieux sur ycellui, et sembloit le volloir garder à quelque très haulte et très oportune fin, seullement congneue de Dieu et de lui. Or avoit il envoyé le seigneur de Croy devers le nouvel roy, affin de l'entretenir gracieusement en surséance, jusques à sa venue , lui faisant faire ses excusations aussi sur les causes de son tarder. Lequel de Croy, bien au gré et à la main du roy, comme preud'homme et chevalier qu'il estoit, bien le sçavoit faire; et s'en tint le roy bien à content. Mais entre aultres choses moult se donnoit merveilles, che disoient , pourquoy beaux oncles vouloit mener tant de sens avecques lui, et mettre sus une telle armée, dont il ne faisoit besoing ; disant en oultre :« Beaux encles ne se doibt doubter de nulluy, puisqu'il est avecques moy et moy avecques lui ; comment ! et ne suis-je roy? de qui doit-il avoir peur ? » Et alors le seigneur de Croy, qui beaucop pensoit le faict de son maistre, respondy : e Sire , mon seigneur ne le fait pas tant pour la doubte qu'il ayt de nulluy, comme il le fait pour vous servir meisme et honnorer, et pour deffendre et avanchier vostre querelle, se besoing est. »—« De ce, dist le roy, lors de ce

Re nous sera mestier j'ay espoir; car desjà centaines approchent de dechà, et se viennent rendre à moy une grand part. Et où que je soye et qui que soit alentour de moy, beaux oncles est sceur avecques moy; et se poura aussi bien fier de moy et d’estre entre mes mains, comme je me suis fiet de moy estre rendu entre les siennes. »Atant se chanpga le pourpos entre eulx, et cheurent en aultres devises.

Pendant le temps que le nouvel roy Loys se ünt à Avesnes, attendant le duc son bel oncle, s’estoit meu du pays de Normendie cellui qu'on appelloit le grand seneschal, messire Pierre de Brezé; et vint jusques à Bavay, à

Le

GEORGE CHASTELLAIN

deux livues près du roy; et luy estant là ne veult aller plus avant sans envoyer devers lui, pour sçavoir se son plaisir seroit qu'ä vienst devers luy et quand Sy y envoya le bailli de Birry ung qui avoit nom de Petit

“Meny, et annoncha au roy la venue dudit che-

valier. Lequel quand oyt sa venue, durement se indigna; et donna assez à congnoistre que s'il fuist venu jusques de plain bout, che lui eust cousté chier, car lui eust faict perdre la tête, entendu que c'estoit celli seul du monde, avecques le comte de Dampmartin, Anthoine de Thavannes, que plus hévit et que plus réputoit son ennemy. Laquelle chose touttes voyes à moy fait dur à croire; veu qu en Îy avoit sens grand et vertu, etayant faict des services à son père, de haulte recommendation , plus que nul de son temps, porta renommée d'estre ung des vaillans chevaliers du monde, et de plus grand entremise. Touttesvoyes , fust bon fust aultre, le roy ne le veult oncques ne veoir ne ouyr. Et si estoit-il venu là touttesvoyes de par les estas du pays de Normandie. Mais honnestement le roy l'envoya arrester au lieu de Bavay, et ly commander que sy hardy ne fuist de bougier de là sans son ordonnance. Et ce fist-il faire non pas par ung de ses gens, pour cause que c'estoit au pays de son oncle, mais le fist faire par messire Jan de Poitiers, seigneur d'Arsy, qui fut chambellan audict duc et son anchien serviteur. Sy faict jà penser que ycellui arrest estoit assez cause d'espoventement ad ce chevalier, entendu encores que jà très loings temps avoit qu'il ne se sentoit pas bien en grâce. Touttesvoyes eust peur ou non, en semblant ne s'en meut oncques; et respondi fruidement que voirement ne partiroit jà sans le bon gré du roy; mais il estoit venu ambassateur par devers ly, en quelle charge et durant ce temps, selon termes d'honneur, il ne debvroit ne mal avoir ne mal souffrir; et au fort, quand il plairoit au roy de le traictier en justice et non par voluntaire righeur, il se réconfortoit assez en tous périls, car ne se sentoit en riens mesfaict vers ly, si non par avoir bien et léallement servi son père. Si demoura arresté par l'espace de sept ou huit jours, que le

roy fist encore renforchier le guet sur lui,

de peur qu'il ne s'en fuist d'emblée ; car !

auleuns luy avoient rapporté qu'il se debvoit embler par nuyt et s'en aller, par peur que il avoit concheue. Or avoit ce chevalier beaucop de hayneux alenthour de ce roy et de moult loing-temps ; lesquels touttesvoyes n’estoient point gens de sigrand poix que on pourroit bien dire. Mais sachant leur maistre avoir cuer fel envers 1y, Loutèrent de leur venin avecques le sien, et boutèrent à la charette le plus que peulrent pour l’enverser. Si en fut son faict en plus grand branle ; mais à l’aultre lez, comme tousjours l'on troeuve de nobles et vaillants couraiges honestes les ungs plus que les aultres, se trouvèrent icy sur les entrefaictes le seigneur de Croy, que le duc y avoit envoyé, et messire Jehan de Croy, son frère, qui y estoit venu de ly meisme. Et eulx voyans ce notable chevalier estre cheu en ce dangier et en tele maulvaistié, labourèrent devers le roy pour son délivrement , en lui disant : « Sire , c’est ung gentil et noble chevalier qui très hautement a servi le roy vostre père. Et posé ores que feussiez malcontent de lui, si en debveriez encoires différer, pour les grans services qu'il a faict au roi deffunct , qui en-coires gist demy chault en sa bierre. Sire , il vous loist mieulx entrer en régnation par clémence que par righeur ; et donrez espoir et affection à tout le monde envers vous par débonnaireté , tandis que vous rebouterez les cuers | d'en arrière de vous par condition austère. Ce noble chevalier ychy il est venu devers vous ambassateur, et en la confidence de vostre humanité, et saine raison ; et av?z plus grand cause de le soufrir en son francq aller et venir, que lui causer de craindre l'accès devers vous en vostre fureur ; et pour dire vray il vous faict honneur grand, quand luy, soy sentant indigne de vous, se ose bien présenter à vostre face, sur l’espoir puelt estre de son innocence et netteté. Aussi il faict à croire , que s’il sentoit cas en ly, porlequel justement le deussiez pugnir, au sens qu'’ila, ce que maintesfois il a monstré , il n'eust été si follement hardi jamais, que de soy venir:

mettre voluntairement en cestui dangier.

Sire, vostre honneur seroit de le délivrer, et puis après, se vostre plaisir y est de 1e vouloir recouvrer , mais poulra-il escapper

— nn :

CHRONIQUE DES DUCS DE BOURGOGNE.—I" PART

de vos mains, ne trouver lieu qui lui baille garant contre vous; car il est nuement vostre homme et vostre subject. » Telles estoient les parolles de ces deux chevaliers , qui moult servirent le chevalier arresté, et souveraipement de messire Jehan de Croy, maintes faveurs et honneurs que avoit trouvé en [y par delà, durant la vie de l’aultre, et que certainement cely seroit grand faulte, se il le traictoit aultrement que bien, au mains à l'heure de présent; car à paines le blasme en tourneroit à demy sur le duc leur maistre, pour hon- Reur de qui tant de fois s’estoit offert et présenté à eulx , et en effect mis en peine de lui faire toutte honneur et amour; souvent aussi en desplaisir grand d’aultrui non de ce voulloir ; et partant prioit au roy qu'il le voulsist délivrer et le souffrir en aller pour celle fois. Lequel le fist ainsi, mais non pas sans dur, pour cause des aultres qui labouroiïent en contraire et qui voulentiers euissent veu la coufusion de leur hay. Si luy manda le roy qu'il s’en retournast en sa maison et que devers ly ne revenist jusques il le manderoit et oyst nouvelle de ly. Si le feist ainsi; et party de Bavay, prengnant en gré son aventure qui n'estoit pas empirée par les deux frères de Croy ; et lui venu en sa maison , se contint là une espace, pourvoyant sur son cas. Dont la manière de son afaire depuis sera contée chy après en lieu convenable.

Or siet icy à faire ung compte de ce nouvel roy non encoires couronné, le quel, en son venir vers Avesnes, vint devisant avecques le seigneur de Montaban et messire Jehan de Croy, de plusieurs choses. Dont entre les aultres luy eschey à tourner sa raison par exprès à la personne dudict chevalier, messire Jehan de Croy, en disant :« Seigneur de Chimay, qu'est-ce de ce monde, et des adventures que Dieu envoye aux hommes diversement , huy d'une, demain d’une aultre? et telle fois que à l'heure quand on cuide estre le plus malheureux de la terre , on est pres de son bien, et quand on cuide estre le plus estable en sa fortune, soubitement se reverse la roe. Cechy dis-je pour moy meisme, qui hier encore me tenoys pour le pius povre fils de roy qui oncques fust , et qui depuis l'éage de mon enfance Me ad ce

jour présent n'ay eu que souffrance et tribulacion, povreté et angoisse en disette, et qui plus est expulsion d'hiretaige et d'amour de père, jusques à estre constrainct de vivre en emprunt et en mendicité, ma femme et moy sans pieds de terre , sans maison pour nous respondre , ne pour ung denier vaillant, s'il ne venoit de grâce et de charité de beaulx oncle, qui m'a entretenu ainsi par l’espasse de cinq ans; et maintenant, tout souldainement, comme se je partoye d'ung songe, Dieu m'a envoyé nouvel eur ; et en lieu de ma povreté passée, m'a faict le plus riche et plus puissant roy des chrestiens, et d'abondant plus encores beaucop que le roy mon père, le quel on réputoit puissant par merveilles et que touttes nations le redoubtoient. Mais moy aujourd'huy suis plus redoutable et plus puissant par tout; car j'ay par devers moy beaulx oncle, le quel oncques il n'a congneut ne gaignié par amour ainsi que moy. Et par ainsi et par le renforchement que je m'atribue , venant de ly, je me répute le plus puissant et le plus redoubtable roy du monde présent, et qui joingt avecques moy le dict beaulx oncle, ne doye craindre le sourplus de la terre. »

A ces parolles escouta ententivement le seigneur de Montaban, et prist la response devers lui, ad cause de ce qu'il lui sembloit que le respondre luiséoit mieulx sur ce point que à l’aultre, messire Jehan de Croy , et dist : « Sire , advisez bien et mectez paine à bien l'entretenir et de l'avoir à vostre amour tousjours , ce bon noble prince que vous con- #noissez sy hault et puissant, et que vous confessez meismes que vostre force et redoubtance en sont accreues. Voirement vous y estes beaucop tenu, tant pour nécessité de vostre honneur comme de vostre bien.

C'est le trésor de la terre ; c’est le miroir des princes crestiens et la précieuse pierre de vostre réalme , que nous tous desoubs vous et avecques vous devrions honnourer et tenir à cher. Et pourtant conduisez vous y et vous y portez tellement que l'honneur demeure vers vous, et le bien aussi que vous y alleghez. » — « Seigneur de Montaban, che dict le roy alors, jamais ne sueflre Dieu que je

GEORGE CHASTELLAIN

soye sacré ne que je porte couronne six jours, se je ne l'ayme et complaise tout mon vivant, se je ne le tiengs au bras destre de mon corps, et se jamais je vuyde ou m'estorde hors de son plaisir et bon agréement, car je le congnois à bon et léal. Je m'y réputte à tenu et d'honneur et de droicture; et m'a dict ce qu'oncques ne dict ne dira à sen propre seul enfant; par quoy jem'y dove bien fier. »

Mais jà-soit ce que ces parolles sonnent belles, et qu'elles povoient bien partir pour l'heure d'alors de bon estomach, touttesvoyes s'entresievirent-elles povrement et donnèrent depuis peu de fruict. Que je plains, que cuer de roy après avoir congneut et meisme confossé son cas, sa povreté, sa povre fortune, la toutte humble aministration curieuse, la réception léale qu’on lui avoit faicte, s’est volu ou distraire, ou estordre et eslongier de sa parolle , de sa propre congnoissanche , et condescendre en froideur, en oubly et ingratitude , non jamais réparabie ne à nettoyer, et de titre et nom de roy indigne, si jamais povoit escheoir en cas semblable à prince de tel estal. Pevent et polront cy après estre abhominés et tenus et mespris par ung tel mescon;rnoistre. Et de quoy donc ce me poise touttesvoyes qu'ainsy en va, vous orrez et percheverez les manières lorsque temps sera et ordre de les dire.

Vuydant doncques de telles devises et vaines parolles , convient retourner à Avesnes ; là où le roy attendoit son oncle le duc ; et luy tardoit beaucop là son sejour, combien que constraint fuist d'y surattendre, pour cause des estoremens appertenans au service du roy mort, lesquels on faisoit à toutte force en Vallenchiennes, tant de brodures comme de peinture et d'armoieries Si vindrent gens de toutte pars à Avesnes, prinches et barons," pluiseurs évesques et prélats, gens de cités et de bonnes villes, commis de par ceulx du parlement et de l’université , dont l’evesque de Paris, maistre Guillaume, Charretier fut l'ung ; et propposa devant le roy. Si firent ceulx du parlement et aultres pluiseurs des princes de Franche.

Et y vindrent le duc de Bourbon, le seigneur de Beaujeu son frère, Philippe fils au duc

de Savoye, le frère du comte d’Erminack, avecques pluiseursaultres barons qui venoient tous les jours de touslez pour le conjoyr, ensemble pour faire leur faict bon; lung par peur de son estat, et l'aultre pour estre advanchié. Dont entre les aultres y vint des premiers Joachin Roault , ung bien gentil escuyer poitevin, le quel pour son premier abborder espia l'heure que le roy montoit à cheval sans soy estre monstré à lui. Et lors le roy mettantpieds en l’estrier vint, disant tout hault : « Tost! faictes moy place et me laissiez faire mon oflice. » Et en disant le mot, bouta arriere ung aultre escuyer qui ne se donnoit garde de Iy, et prist l'estrier à deux mains et ayda à monter le roy, qui se rioit de la manière de son affaire et le bienviegnoit joyeusement. Et de faict le fist son premier cscuyer d'escuerie, car de tout temps lui avoit promis qu'il le seroit. Se le fust, mais ghaire longuement ; car il devint marescal de France dedens deux mais après, par le trespas de messire Potton de Saincte-Treilles, marescal, qui de haults et grands fais est largement escript en pluiseurs de mes livres. Si est-il de ce Joachin ; car il avoit esté tout son temps ung très net et très gentil escuyer, plain de noblesse et d'honneur nottables. Avecques les meilleurs de son temps vint aussi en ceste ville d’Avesnes des premiers ung nommé Painot , auquel prestement avecques son arivée le roy donna commission de raller battant devers son parain , le duc d’Alenchon , son prisonäier au chastiel de’ Loches, et de délivrer de prison ycellui, et de le mettre hors. Lequel’ Painot en prist la charge comme joyeulx et la mist à effect. Dont jà estoit party et commenchoit à thirer pays. Le roy lui envoya hastivement dire que sur touttes choses il se donnast garde ententivement sur les manières et termes que tiendroit le dict d’Alenchon à l'heure quand il orroit et verroit sa délivrance , et que de ses manières et parolles il leur en sceust à faire compte., car moult il avoit le désir pour les scavoir. Et l'aultre dist que si feroit-il très bien et ainsi le fist aussy.

CHRONIQUE DES DUCS DE BOURGOGNE. —Ir PART.