CHAPITRE PREMIER
Comment le roy commencha à muer les estats eul ville d'Avesnes.
En ceste ville d'Avesnes, commencha le roy à muer les estats de France , et à donner et roster les offices dont nuls ghaire des serviteurs du roy deffunct en possessast de leur estat. Il osta la mareschalchée à ung très noble et très gentil chevalier, messire Andrieu de Laval, seigneur de Loheac , frère au comte de Laval. Et y constitua celly qui se nommoit Bastart d'Erminack, Jehan de Lescun.
le seigneur de Montaban fist ammiral de France en lieu du seigneur de Bueil, chevalier de grand los. Aussi le seigneur de Croy il constitua grand maistre d'hostel de Franche en déposant celly de Gaucourt, le quel touttes voyes le roy promist de le pourveoyr honnorablement, pour l'amour de son grand éage; mais il vouloit honnorer celuy de Croy en cela et en plus grand chose , car il s y sentoit tenu, ce dist-il. Et si fist-il, car il Ly fist de haults et plus grands dons depuis. Le seigneur d’Aussy, il le constituagrand-maistre des arbalestriers en déposant le seigneur de Torcy. Le seigneur de Lille-Adam, séneschal de par le duc en sa nourriture d'enfance , il le fist prévost de Paris, et en desvesti messire Robert d'Estouteville, frère au seigneur de Torcy. Jehan Tous- tain, le premier de la chambre du duc et son plus privé, il le fit capitaine du bois de Vincennes. Et ung nommé Mériadec, Breton, escuyer de bon los, dont ay faict d'aultre part mention assez, celly estably-il baïlly de Tournay, mais à dur et à regret ; et en deposa Jehan de Proisy, viel homme et jà cassé. Si lv en fist mal. Les quels offices donnés, oncques puis homme de la maison de Bourgongne , tant fuist homme de bien ne de grand los, ne tant eust advocat ne pryere de grands maistres, ne tant eust eu promesse .
ne privauté avecques le roy estant daulphin, ne tant lui eust faict service ne grand hon-. neur, n'obtint ni ne pot obtenir, ne don, ne gratuite, ne office, ne bénéfice , tant fuist petit ne grand, reservé ung marchant de
Bruge, Lucois , qui vint audict Bruge, povre compaignon chantre , et se fist riche de deux cens mille florins , par livrer draps de soye en la maison du duc et par tenir le tonnelieu de Gravelines. Cestui fit-il sénéral de France.
Et ung aultre, non bien en la grâce du duc, estant emprès le comte de Charolois, nommé Guillaume Bische, cestui fist - il bailly de Sainct-Pierre le Moustier et gouvreneur de Soissonnois. Et depuis le prist en telle grâce soubdainement que nul plus privé de ly ne si affin en beaucopde qualités, et moultgrand, dont péril lui estoit plus notté finablement que grandeur. Le marescal de Bourgoingne, qui aultres fois en sa conduicte l'avoit mené, mais non pas sans péril , depuis les fins de la baulte Bourgoingne , jusques en pays du duc à ses grands frais et missions, festoyé en ses places honnorablement, et pris d’aultres travaulx et paines beaucop pour Iv, cellui ne fut oncques remunéré de lui, tant fuist peu. Ains fist semblant de l'isnorer du tout ; et le paya de vaines parolles. Dont lui, fier homme etaussi puissant seigneur, le merchia au congié prendre, à l'advenant du cas, en lui donnant assez à entendre quil n'estoit son homme ne son subject, et que de lui il s'estoit bien passé avant l'avoir veu et s’en passeroit bien encoires.
Pareillement messire Jehan de Croy , gentil chevalier et puissant d'avoir et de sens, et qui par quattre ou chincq fois avoit esté par devers le roy son père à grand paine et traveille, et à grand soing et perplexité, souvent pour procurer son bien envers son pére; celui aussi ne peult oncques obtenir ne don, ne gratuite aulcune de ly, non plus que se oncques ne l'eust veu. |
Pareillement ne fist messire Symon de Lalaing, qui aultre-tant en avoit prins de paine comme l’aultre ; combien que tous ceux icy et pluiseurs aultres se passoient bien de ses dons et offices, car bon maistre avoient, et des biens beaucop ; mais son descongnoistre et son changement si souldain leur donnoit cuisance. Et voirement ce ne m'est merveilles, car tout chascun s'estoit eflorchié à lui faire service, honneur et amour le plus que pooit, meisme autant ou plus comme aultre seigneur, leur maistre le duc. Si leur cuisoit de che,
GEORGE CHASTELLAIN
quand se virent oubliés si tost, après tant de haultes prommesses movantes de 1y meisme à l'heure de sa nécessité. Meismes et au comte d’Estampes, viullant et puissant chevalier , prince de tel los et de si grands fais, au quel de movement de proppre coraige avoit dict et promis par loing temps qu'il en feroit son connestable , et de faict meismes l'appella le plus de iemps : « Beau cousin connestable, venez cha ; » quand ce vint que sa fortune changea, ct son tiltre de daulphin se mua en tiltre de roy, prestement se mua aussi son Ccoraige envers ly; et de sa volenté proposée et prommise, sans aultrui requeste, déclina tout et entièrement comme se oncques ne l’eust pensé. Non pas toutesvoies que se vaillant prince se ramenteust ne oncques se feist ramentevoir ; car n’eusl daignié; mais escoutoit tousjours froidement quelle chose le roy en feroit, ne comment il se porteroit envers ly. Néantmoins se percepvoit bien et se doubtoit de son ingratitude, car il en avoit veu beaucop de beaulx exemples, et fit encore depuis en plus grand nombre, là où honneur, debvoir et congnoissance et toute noble condition furent rompues et cassées et mises en oubly ; et dont je garde le recorder jusques à son lieu et point. Mais puisqu'entre en ces fins et termes et que la vérilé me constrainct de les proférer, tels que les œuvres et les eflects se sont trouvés ès personnes , et aussi que d’une matière si grande et de qui tant sont dépendentes, il en convient parler à l'ouvert, soit en bien, soit en mal; pour les grans interests que pluiseurs y ont, souverainement le duc et ceulx de sa maison et pays. Il convient doncques narrer aussi les causes et raisons par les quelles ce prince , nouveau roy, povoit estre si variable et si eslongié de ses prommesses. Car parce que principallement il semble qu'à cely doibvent estre imputées les faultes, si y puelt-il avoir des causes aussi qui aulcunement l’excusent et par les quelles il en doibt porter mains de charge ; dont , entre toutes les aultres l’une est souveraine : c'est que ceulx d'entour de lui, aulcuns et beaucop , pour bien que oncques rechussent en l'hostel de Bourgongne ne pour amour ne pour gratuite qu'on leur
sceust faire, ne fut oncques que le cuer ne leur demorast fainct et froit couvertement et à remors envers leurs bienfaicteurs. Et avecques ce estoient ;gens, aulcuns en v avoit, non de tel pois et los comme il séoit d'avoir emprès ly à ung fils de roy. Et avoit esté ce point meismes vuydé de dures difficultés et argus que le roy son père avoit pris allencontre de 1y. Par quoy, quand gens non de grand nourechon et loyalle se troeuvent en haulte auctorité emprès ung prince, n'est de merveilles se le prince aussi qui les croit et auctorise, ensieult et se ploye à leurs meurs, jà-soit ce que à ung roy ne siel de plover à meurs corrumpues, qui meismes doibt estre voye et adresse d’aultrui perfection. Et par ainsi le mouvement, comme je croy bien, soit bon ou malvais, meult de la rachine du prince. Mais l'ung et l’aultre se peult entre-corrumpre, et est tourné en ploye contraire par vertu ou vice de la famille.
Or n'estoit encoire venu le duc de Bourgoingne devers le roy, qui de jour en jour et l’'ung après l’aultre le hastoit, et ne desiroit riens aultre que l'avoir emprès 1y aflin de s'abregier par decha et de s’en aller vers Rains, car par grand desir se monstra chault pour estre sacré et porter couronne. SY y vint et arriva le duc par ung mardvy matin ; et descendu à piet, le va saluer humblement et faire deux contraires personnages , l’ung de la condoléance du trespas du roy son père, dont nature lui devoit causer aulcun regret, l'aultre de conjoyssement de la très haulte et très glorieuse fortune qui estoit resplendie en Ly par luy contribuer sceptre et couronne. Sile rechut le roy et bienviegna familièrement en sa manière accoustumée ; et sur les detx poins alléghés coulla assez légèrement la responce de l'ung; car ne fut oncques si joyeulx que de la mort. Dont , de l’aultre il faict bon à penser que très et très 1l se délictoit en sa riche adventure, car il avoit ce que tout son vivant avoit convoité , et pour quoy il avoit prié Dieu par intercessions et manières estranges.Toutesvoies, et nonobstant que le roy défunct avoit donné des vexations et de haultaineté beaucop à ce duc de Bourgoingne , et s'estoit monstré froit et lent en amour envers ly, tant par conseil estrange
CHRONIQUE DES DUCS DE BOURGOGNE. — I" PART
que par povreté de condicion , toutesvoies luy, ce noble duc, voyant soy estre parti de la royalle maison en degret prochain, et soy avoir pris tiltre et splendeur de la couronne et estre obligié par nature et par loy d'honneur de condoloir son sang, son seigneur, son chief , l'ung prince et l'aultre humain en toutes ses œuvres, et nonobstant injures ou manasses passées , beaucop condolut sa mort et plaingnit son déchès; et n'estoit yssu que de germain à ly; et en fist doleur plus véritable que le fils qui toutesvoies y estoit peu tenu. Mais nature en |y se conseilloit à raison, et raison humaine le conduisy à compunction droicturière. Si arriva le duc devers le roy vestu de deuil, et toutes ses gens semblablement, entre les quels nul sy hardy que aultrement se feust monstré, ne en vestures ne en parement de chevaulx, fust armé ou non, jà-soit ce que ceulx de l’aultre costé ne faisoient pas ainsi, ne le roy meismes, jusques au jour du service, là où les estas et les cerrimonics se gardoient à l’appertenir, voir au plaisir du roy au moins qui en pooit faire à son décret. Le duc apporta de l'argent beaucop en ceste ville d'Avesnes , et en fist offre au roy par cent milliers, voir jusques à trois ou quattre cent mille, se besoing ly faisoit, disant que de riens ne se donnast soing , car il avoit assez pour lüi; non pas que ce il le deist par arrogance ne par vantise à ung roy de France, mais par une ardant amour véritable qui de sa povreté et petit avoir, en estime envers le sien, voloit conforter sa haultesse. Du prendre toutesvoies ou du non prendre, je ne fus informé à plein ; et pourtant je ne sçay que escripre , Sinon que j'entendy que finances venvient aulcunes devers ly, mais non pas en tel nombre qu'on polroit penser; par quoy est apparent plus du secours prisque du laissiet ; car jà en’‘avoit pris beaucop et longuement. Dont maintenant, quand la chose estoit venue à sa fin prétendue et que nécessité réquéroit aydde , ne se debvoit aussi faindre ne que les aultresfois; car n'avoit riens le duc qui prest ne ly feust ouvert comme à ly propre.
