CHAPITRE II
Comment le duc venu devers le roy, vindrent à ly plusieurs princes et barons.
Le duc doncques venu maintenant devers le roy, vindrent devers Iy plusieurs barons de France de lez ce nouvel roy; là où moult faisoit bon veoir le duc de Bourbon, son nepveu, qui sus toute rien (4) avoit convoitié le veoir et d'estre venu devets ly, passé a loing-temps et grans ans, se n’eust esté par peur du roy mort qui en eust esté tout indigné allencontre de ly et en perpétuelle suspection. Dont maintenant, quand se povoit trouver sans peur et sans dangier là où il désiroit à estre, oncques ne se trouva tant aise ne si à sa paix. Et de faict, tout ce que maintenant avoit de solas de joye et de refection c'estoit la veue, la hantise et la fréquentation de son oncle, que plus chérissoit et prisoit que père ne mère ne feist, meisme ne frère.
Et à moy meisme m'en dist bien aultant ce bon noble prince bourbonnois, dont ose bien affermer la vérité de son coraige. Si avoit avecques luy ses quattre frères, beaulx prinches; dont les trois toutesvoies estoient de l'hostel et de la nourriture du duc, et le scigneur de Beaujeu nourriture du duc d'Orléans. Le roy envoya l'évesque de Paris, ensemble ceulx du parlement, faire les honneurs et les révérences à son oncle pareilles comme à luy ; et luy meisme leur remonstra et tesmongna que c'estoit son père, son sauve en terre , son salut, sa protection, la potenté de son infortune passée, et le bras dextre et véritable de toutte sa gloire et puissance à venir, et que à ly seul après Dieu il estoit tenu de sa vie et de sa félicité. Si allèrent devers le duc lesdicts de l’université et de parlement ; et non pas que de eulx meismes ils ne fuissent conseilliés et conclus de le faire ainsi, car appertenoit bien, et le sçavoient assez; mais encore d'abondant, le roy, afin de mettre partie de l'honneur devers ly, leur commanda aussi de le faire. Etcomme le roy l'avoit ordonné ainsi, culx aussi le
(4) Aien signifie ici chose, du latin res,
GEORGE CHASTELLAIN
Er
[4461] mirent ainsi en termes affn d'en donner au
roy ce qu'il y pooit avoir de mérite, et la
gloire au duc à qui ils venoient trasmis. Dirent bien que sans commandement y fuissent , et que toute l'honneur et révérence luy estoient deus, et que tant avoit usé de bonté, d'amour et de charité en leur nouvel roy et prince, que jamais, ne de corps ne de langue et par opération, ne pourroient assoufir à luy retribuer les loenges et les collaudations qu'il y avoit desservies. Et parans leurs orations de sentences et de hault savoureux langaige servant au Cas , l’extollèrent jusques au ciel; et lui attribuoient les loenges et les gloires plus que de mortel homme. Dont saigement et tout humblement se désarma quand ce vint à respondre ; et remerchiant l'évesque de Paris, au nom de l'université, de sa bonne amour et faveur envers ly, se par-offrit à faire toute amour et plaisir aussi à ladicte université ct à ses suppos. Dont à ceulx du parlement , après avoir faict leur proposition appropriée, il respondy tant seulement, et encoires à bouche non ghaires riant : « Or, bien grand merchis! » Et ayant dict le mot tourna le visage et s’en alla ; car ne les avoit ghaire en grace, et si leur désiroit bien à monstrer aussi; et de très loing temps lui avoient faict et contendu à faire des rudesses et des injures, non portables à ung tel prince comme ly; et dont, par pluiseurs fois, après soy estre dolu au roy défunct, leur fist bien assavoir que une fois il s’en vengeroit à eulx, et leur feroit bien sentir leur tort et leur malignité envers 1y voluntaire. Si leur monstra pour commenchement ce que lecueur lui disoit. non pas qu'il les haïst ne les voulist blamer par haultaineté pour avoir faict justice aulcune contre ly ou contre ses subgects, mais pour leur voulenté toute perverse #t formée contre luy en hayne et envie, comme il apparut tous les jours et en leurs œuvres et esploix sauvaiges, les quelles il porta à bien dur.
