CHAPITRE III

Comment le roy Loys fist le service du roy Chajle défunct, son père.

Or advint le jour du service que le roy ss

CHRONIQUE DES DUCS DE BOURGOGNE. — I" PART

: présenta en l'eglise pour faire le dueil de | chinq cens lances, et dont une grand partie

son père. Si fut le troisiesme d’aoust. Le roy porta le manteau noir et le chapperon à l'usage accoustumé; et en venant à l'eglise avoit emprès ly à sa main dextre le seigneur de Montaban vestu de noir sans dueil, et à sa sénestre le seigneur de Cressol vestu pareillement; et avoit le seigneur de Lau, pour lors son mignon, qui lui souslevoit son manteau, vestu de noir aussi comme les aultres. Après le roy vint le duc de Bourgoingne accompaignié duseigneur de Croy , comte de Porcien. Ettost après sieuvy le comte de Charolois accompaignié du seigneur d'Imbercourt ; puis le comte d'Estampes ; puis Philippe de Savoye frère à la royne ; puis deux frères au duc de Bourbon nepveux du duc, le père du comte d'Erminack l’ung et l’aultre jeusne. Ces huict icy portèrent le dueil pour le roy mort. Et fist le service l’archevesque de Bourges qui là estoit ve nu conjoyr le nouveau roy. La chappelle, où estoit desoubs la représentation du corps, portoit de cherges environ quatre ou chinq cens; et gisoit sur la dicte représentation ung très riche drap d'or cramoisy dont le tissu estoit tout d'or ; et parmy l’eglise , sans les cherges qui sont assis de coustume tout à l’enthour du cueur et de la nef, avoit cent torses enveloppées chascune de trois aulnes de drap noir etarmoyées des armes de France; et furent les portans tous vestus de noir, et en y avoit chincquante aultres aussi que aultres gens portoient, non vestus de noir; mais furent sallariés d'argent. Dont après trois cens messes chantées pour celui jour, fut donnet aux povres cent francs de monnoye en blans doubles et distribués en aulmosnes.