CHAPITRE IV

Comment le roy Loys se party d'Avesnes pour thyrer vers Lan et de là à Sainct-Thiery.

Leservice faict, doncques ne voult oncques plus arrester le roy en Avesnes, mais frioit et ardoit de thirer avant. Or avoit le duc de Bourgongne rompu son armée à l'apety du Troy, et retenu tant seullement pour venir avecques y les nobles de son hostel qui montoient environ en nombre de quattre à

estoient grands et nobles barons , puissans de lui faire honneur et mener grand faict, comme le cas le requéroit bien à celle heure. Si party le roy d'Avesnes et prist son chemin devers Lan; et le duc après l'avoir convoyé retourna arrière audict Avesnes; et le lendemain au matin prist son chemin devers Sainct- Quentin, là où il séjourna par aulcuns jours, et jusques au point proprement que le roy et luy avoient conclud de eulx trouver ensemble.

Or estoit parti le roy des pays du duc sans avoir pris congiet ne dict adieu à la comtesse de Charolois à où il estit passé roingnant, et siavoit laissiet derrière la royne sa femme. Si n’avoit ladicte royne ne haqhenées ne apprestement pour aller par pays ne pour sieulvir son mary. Parquoy le roy lui ordonna d'emprunter les haghenées de la comtesse , pareillement et les chariots. Si le fist de grand cuer ladicte comtesse, nonobstant que la chose lui sembloit assez estrange, que ung tel noble roy et qui tant avoit rechupt d'h:neur et de service en la maison et tant promis le recougnoistre quand l'heure viendroit, se partit sans dire oncques mot.Toutesvoies, nonobstant tout et qu'elle estoit bien joyeuse du prest, si eustelle bien volu donner les haqheunées en don, se on les eust requises; et de faict envoya les haqghenées à la royne par ung sien escuyer d'escuerie nommé Cornille de la Bare, ensemble les chariots et les chartons. Et party la royne du pays, tout ainsi que avoit faict son mary, sans dire mot ne à duc ne à comtesse; et alla à pied avec elle tousjours ledict Cornille pour reconduire les haqghenées au rethour, lorsque la royne seroit au licu de son désir.

Or viens à l’approchement de Rains. Le roy tendoit fort à y estre pour estre sacré ; et s'alla logier à Sainct-Thieri-lez-Rains en surattendant son oncle qui vistement s’approcha; et venu devers 1y luy ordonna faire son entrée en Rains ung jour devant, affin de luy, préparer la voye et d'en veoir la disposilion, Si le fit ainsi le duc; et y entra par ung joedy après disner treiziesme d'aoust. Dont, pource que l'heure d'allors requéroit plus magnificence et plus de singularité que les aultresfois , pour ce en convient-il n:rrer uns peu

les manières qui estoient riches et belles.

Premièrement les sommiers qui estoient devant, estoient en nombre quarante-deux, tous couvers de velours figuré pendant près de terre et armoyé des armes du duc, assis de brodures avecques multitude de campanettes d'argent qui moult donnoient du bruict et de retentissement par où ils passoient et au peuple grand sollas au cueur. Les quels sommiers passés, sieuvyrent après cent et quarante chariots chargiés de diverses besongnes et nécessités , portant tous bannerolles des armes du duc, et pluiseurs cuvers tout du loing et du lez de samis ; entre lesquels en y avoit vinst-quatre chargiés de vins de Beaune et de Germolles , et aultre, de vaisselle d’or et d'argent grand nombre, comme assez fut congneu depuis, et aultres de baghes et de richesses et d'or monnoyé, comme il faisoit bien besoing au lieu où ils alloient. Et sieuvoient lesdicts chariots, quatre cens moutons gras et vingtquatre grosses bestes à corne pour la cuisine de l'estat.'

Ces choses passées et pour venir à l’entrée des seigneurs, vint pour le premier entrant le bastard de Bourgongne, acompaignié de haulx et de nobles hommes, pluiseurs armés gentement et richement couvers de divers draps de soye et d'aultres richesses, dont la compaignie fut estimée à cinq cens chevaulx ou environ. Après le bastard, avecques une petite pose entre deux, entra le riche duc de Bourgongne : à trois cens archiers bien abilliés et garnis de ce que à eulx appertenoit. Et n’avoit ledict duc riens que les nobles de son hostel, sans nul varlet ne baggaige, reservé tant seullement les trois cens archiers ; et estoit l'estime de ces nobles avecques leur duc (1) . . . . . ou environ, qui tous chevauchoient armés et houssés , et couverts de velours etde drap d'or et d'argent et d'orfévries, diversement, à leurs appetits chascun et à leurs plaisirs . et le duc en estat semblable selon son appertenement, et qui n'empiroit point la compaignie des aultres; ains estoit merveille de, son estat. Et chose non oncques veue

GEORGE CHASTELLAIN