CHAPITRE V
Comment après que ceulx de Rains eurent présenté les clefs au roy à Sainct-Thiery, sambiaplement firent au duc comme au roy.
Mais il convient conter maintenant comment il avoit esté rechu. Ung jour ou deux devant ceste entrée, ceulx de Raïins, venus avecques leur archevesque et les plus notubles du collége et de la ville devers le roy à Sainct-Thieri, lui estoient venus faire Ha révérence et la conjoyssance de sa venue, et après leur proposition faicte, lui présenter les clefs de la cité comme son appertenir; là où le roy leur merchiant de leur bonne amour envers ly, leur commanda par exprès que les dictes clefs ils portassent à son oncle le duc ,et que àl'heure de son entrée ils alaissent au devant de lui, lui faire toutte telle honneur et révérence comme à lui propre, et que d'abondant ils iy présentaissent et baillassent les dictes clefs en sa main, pour en faire et disposer à son plaisir. Car leur contoit que son royalme il le tenoit de ly et de sa vertu , et que c'estoit son père et son salut, et le quel il ne povoit jamais récompenser assez par bien faire, ne par
lui faire honneur , ne monstrer bon deb-
voir; par quoy maintenant, en ceste première entrée et en cestui premier abordement à la couronne, il le vouloit avoir ainsi faict. Si le conchut bien l’archevesque ensemble et les aultres notables avecques lui; et prommirent d'obéyr voulentiers au roy, et l'en loèrent moult. Par quoy eulx retournés à Rains ce joesdy, quand perchurent ce duc approchier, se mirent ensemble tout le collége de chanonnes, avecques leur chief l’archevesque de Rains. Pareillement tous lesnotables bourgois et officiers de la cité, allèrent au devant de luy dehors les portes, là où tous eulx
ruans à genoulx devant ly le bienviegnèrent humblement. Et prist la parolle le dict archevesque disant : « Domine, in virtutetué lætabs:tur rez, Et commencha à déduire la sentence de cestui mot haultement et glorieusement à l'honneur de ly; et en grosses substancieuses parolles et de plain estomacque prisa et collauda ses vertus, ses bontés, ses preud'hommies et léaultés par dessus tous régnans, et qu’en ly gisoit répostement et en conserve le salut de ce royaulme , et que le trésor du royalme sur tout s'attendoïit et vivoit en espoir, qui estoit sauvé par lui et gardé de fpérir, lors que fortune longuement l'avoit mené et branlé pour le perdre. Dont avecques fin de parolles et pour lui monstrer par faict ce que les bouches proféroient, lui baillèrent les clefs comme de sa proppre serve cité, et par voulunté exprès du roy. Lors respondy le duc : «Je vous merchy humblement , vous, monseigneur de Rains, et les aultres, des honneurs que me faictes oultre mon appertenir, et cn remerchiray monseigneur de par vous. Et quant aux clefs, ils sont en bonnes mains ; gardez les à l'honneur et salut du roy et à l’utillité de la ville, comme avez apris, car vous ne pourrez mieulx. » Si estoit à celle heure l'évesque de Tournay près du duc; car il y estoit appelé, pour cause que l'on sçavoit bien que l’archevesque et les aultres le viendroïent conjoyr , et qu'il y fauldroit aulcune responce. Si commencha le dict évesque de Tournay à dire par forme de remerchiement :
« Hœc est dies quam fecit Dominus ; exultemus et lætemur in ed.» Et déduisant ses parolles sur l’entendement de son theume adjousta : « Le Sauveur du monde , Jesu-Crist, voyagant par terre voult descendre par son humilité en la maison à Zachée, ung petit corselet et de petit estat, jà-soit ce que il fust riche et puissant; et délaissa les aultres habitations des princes et des roys, là où sa descente eust esté très aggréable, s'il lui eust pleut. Pareïillement le roy aujourd'huy, à l'heure de son voyagier et vaucrer soubs fortune , il lui a pleu descendre en la maison de son serviteur et parent monseigneur duc de Bourgoingne ; en quoy faisant il a tout honnoré et faict resplendir sa personne. Si lui a faict, et comme raison voelt, toutte
honneur et service, toutte humble et joyeuse administration, comme qui plus grand ne povoit recepvoir, ce savoit bien, ne de personne à qui il feust plus tenu. Et partant, d'autant que le dict roy alors s'est plus humilié en devers son serviteur humble par lui monstrer cest honneur , d'autant à esté tenu mon très redoubté seigneur de lui monstrer amiable, tout joyeulx et humble service , tant qu'il lui a pleu d'y estre, quand en divers lieux par terre il eust bien trouvé de plus grands et puissans là où on l’eust mieulx rechupt et plus à son appertenir.
Mais mon dict très redoutable seigneur en a faict à son povoir, non pas à son devoir et comme il fuist duisant à la haultesse de son estat. » Si fut ceste response imputée à grand los au proférant, et recueillie comme fructueuse et plaine de saveur aux proposans et à tout le monde, et par espécial au duc , qui sentoit ceste résponse estre toutte semblable et de meismes avecques son cuer.
Car pour ung prince de tel povoir comme il estoit et à qui Dieu avoit tant contribué de gloire et d'honneur en son temps , n'avoit plus humble en la terre de 1y, ne qui mieulx recongnoissoit son appertenir et ce que recongnoistre debvoit. Dont, et se il s’umilioit en telle honneur à ly faicte, et par commandement du roy, n'est de merveilles quand l'honpeur fut, et est de tel extrême poix que nul au monde ne povoit estre plus grand au lieu où che se fist. Et n’est trouvé par escript ne oy oncques prince subject du royalme , tant fuist' grand ne couronné, ne aultre, né tant fuist roy de France obligié à ly et favourable , qui recheut l'honneur ne la gloire que les subjets des villes et cités du roy, les prélats et les colléges venissent au devant de lui ly faire les honneurs et les révérences, et apporter les clefs connue du sien proppre et en ses proppres pays. Par quoy, comme le cas est plus singulier et de mervilleux effect à l’entendre , tant plus requiert la gloire d'icellui estre captée par ung humble recongnoistre, Et que le dict duc s'acquitta bien, et ne s’en extulla oncques d'une seulle pensée vaine.
GEORGE CHASTELLAIN
