CHAPITRE VI
Comment le duc se party de Rains pour aller au devart du roy qui faisoit son entrée.
Moult y avoitgrant peuple en Raïins, et
tant de seigneurs et de nobles hommes pour
estre au sacre du roy que à dur s’en feroit Îe
conte. Dont maintenant, quand le duc de Bour-
gongne y avoit pris entrée , mervilleuse chose
estoit d'en veoir la presse. Le duc se reposa
celle nuyt en Rains, et feist grand chière ; et
le lendemain , qui estoit vendredy vigille de
Nostre-Dame en my aoûst, sachant que le roy
vouloit faire son entrée en Rains à tel jour, remonta à cheval arrière à tout che que avoit
de princes et de nobles avecques ly. Et tous,
armés les aulcuns, aultres en palte, mignotte-
ment attintés sur la guerre, avoient leurs che-
vaulx couvers plus richement encoires que le jour devant , et plains de pompes et de beu-
bans non oncques veues telles ailleurs. Environ trois heures après midy, vuidèrent de la dicte ville et s'allèrent mettre comme en bataille en my les champs pour en veoir l'arroy. Si estoit chose mervilleuse et non racontable de la beauté qui là se monstroit en cas de richesse, et des personnes dont le contenement estoit fier ; car n'y avoit homme qui ne fuist de grand lieu et estat, et puissant pour soustenir ung grant faict au besoing; par quoy compaignons et povres gentils-hommes n'y povoient estre meslés en my les champs avecques gens de telle estoffe. Dont, se contint longuement le duc de Bourgongne avecques sa compaignie, surattendant fa venue du roy qui estoit à Sainct-Thiery, là où estoient thirés devers ly tous les seigneurs et princes du sang qui estoient venus de France, comme le duc de Bourbon, le comte d'Angoulesme , le comte de Dunois, Phihppe de Savoye , le comte de Vendosme et pluiseurs grand barons, qui tous l'attendoient à Sainct-Thieri pour l'accompaignier et mener en Rains. Si monta le roy assez tard à chevaï, mais moult faisoit le jour bel et cler. Et mouvant de Sainct-Thiery vindrent tous en noble et belle arroy, et paire à paire; et commen-— “hèrent à entrer en Rains. à nù de peuple
avoit tant et par rues et par fenestres qu'il passoit nombre; et en dura la chevauchie . grand heure et demie, premier que tout fust passé. Si ne me veul asservir à cempter distintement les personnes et les manières de leurs affaires, car ne me semble bel en hystoire de soy tenir longuement en tels comptes multipkyés par tant de divers noms , et dont les diverses qualités et manières tournent touttes à une fin : c'est en soy monstrer bel et richement , et estrè bien en point là où les puissans l'ont d'avantage sur les moinsriches, et les plus haulx en volloir sur ceulx quisont tenans et n'y acontent. Dont , et pour ce que le bruict et tout effect de ce couronnement dépendoit et se mouvoit du duc de Bourgoingne, comme ayant mené jusques là, pour ceste cause aussi tout ce qu’il y avoit de gloire , de bruict et de riche appareil en ceste entrée et du surplus de la feste , tout ce tant seullement mouvoit et dépendoit de la maison du duc pour la plus singulière part. Par quoy, et pour ce que les pompes et richesses y furent extrêmes, et les personnes en très grand nombre, et que aussi, par mettre l’ung en costé et laissier l’aultre, je mespenderois envers le laissié, partant je laisse le réciter et le descripre plus avant sur une forme de gloire commune à tous : c'est qu'oncques, ce me dirent josnes et vieux, ne par livres ne par records en la circuicion du monde ne fut veue ne ouye magnificence semblable, ne de tel monstre. Et moy ce meisme je l'afferme ; car je y fuis et véis tous les nobles et les bruyans de l'ostel du roy. Si y firent bien selon le temps, mès en petit nombre, et tout de blancque et de rouge , les couleurs du roy, drap de soye seullement. Entre les quels y avoit ung nommé Poncet d'Erime , gentil escuyer et homme de grand bruict , le quel tout armé sans faillir pierre ne boucle , et le plus bel armé qui se souhaïdast, vint saluer le duc en my les champs à bannière close, monté à l'advantage pour s'y monstrer; son cheval à grosses rondes campannes d'argent, couvert de cuevrechief de plaisanche, à quattre pages après lui à samblables campannes qui brent grand noise. Dont, pour ce que cestui se mist en fachon différente à tous les aultes, ‘ie luy baille son compte à par ly; aussi
pour la singularité du cas; car certes ‘en la manière où il le prist, il le faisoit beau voir. Le roy aussi, par aflection que prist en luy, osta au seigneur d'Orval ses cen!
lances que avoit d'ordonnance et les donna à cestui Poncet, qui meisme estoit de la compaignie dudict d'Orval, ce que ledict Poncet refusa; etluy sembloit que en les pregnantil y averoit charge, car il tenoit l'aultre, pour son capitaine et maistre, trop plus digne de l'estat et meilleur de 1y; car voirement estoit celuy d'Orval ung gentil capitaine de France et des plus à prisier ; mais estoit terrible et redoubtable à passer ordonnance, car féroit de l'espée mortellement. Ne servit 'audict Poncet toutesvoies point le refus, mais, constraint, il luy falut prendre les cent lances, et les conduisit honnorablement depuis. Cestui Poncet avoit esté page du roy Charle trespassé et estoit d’ung troncq dont la fame avoit esté clère longuement ; et estoit celluy qui, en unes joustes qui se firent à Bordeaux, diffigura au visage Charlot Blosset , ung aultre bien gentil escuyer ; et en fut en péril de mort loing temps ; dont luy ledict Poncet prist ung tel déplaisir et annoy en cuer, car l'amoit comme frère, que à paine lui-meisme ne s'en desconfortoit comme pour mort prendre. Dont il en fut loé depuis de maint hault homme comme de noble couraige , jà soit ce que ce fuist par inconvénient.
