CHAPITRE VIL
Comment , après l'entrée du roy, ledict seigneur, se disposa de sa conscience. ‘
Finablement, après longhe termine de temps et que jà il estoit sept heures de nuit, le roy à trompes et clarons et à multitude de torches entra à Rains , son cheval couvert de drap d'or, et luy vestu de satin rouge et blan, pareille à ses.gens une amuchette de velours cramoysi en teste; et alloit couvert dessoubs ung palle que quattre hommes portoient, le grand escuyer devant ly atout l’espée en escarpe , tout armé au blancq, réservé la teste, et prochainement après ly le duc de Bourgoingne à tous ses pages &t à grand multitude d’archiers allans à piede à
deux lez de 1y atout leurs. gouges, là où le séant à cheval donnoit une présentation pour estre regardé , car si beau personnage n'avoit en la terre, ne de tel monstre, ne qui mieulx portast image de roy , ne de hault empereur meismes. Et les hommes, estrangiers et femmes, et Franchois meismes qui oncques ne l'avoient veu, ceulx meismes jugèrent de sa personne. Et par où le roy passoit, crioient communément et dirent tout hault que le roy meismes le povoit oyr, et en effect le oyoit et entendoit. Et en cest estat s’en vindrent jusques devant Nostre-Damme, là où le roy descendy et alla faire son oraison; et puis ce faict, s’alla retraire au palais joingnant là où il estoit logié , et chascun parcillement où il debvoit retraire, réservé que le duc de Bourgoinsne ensemble et les aultres princes demourèrent devers ly longuement, et par espécial le duc, pour cause du jour en suivant, et comme celluy qui pour l'heure d'alors encoires estoit le tout et le fondement de son faict, et par qui advis et conseil il vivoit et ouvroit. La nuit étoit jà parfonde et venue avant. Si prindrent congié et les ungs et les aultres; et le roy demorant en son privé, à mynuit vuyda de sa chambre , et à privée maisnie vint en l'église de Nostre-Damme ouyr matines, là où son oratoire luy estoit apprestée pour le jour telle qu'il y séoit ; et là faisant ses pryères et ses dévotions toute celle nuit, se confessa et se communia. Et fut belle chose à veoir, comme l'on dist, des signes extériores qu'on véoit en ly. Dont, venues les cinq heures du matin, se retrahy arière en sa chambre, presnant un peu de repos jusques à huict heures. Et à celle heure se vint arière rendre en aulcun petit nombre de gens dedens l'église , là où presse avoit grande et dangier pour entrer. Le duc de Bourgoingne , pour celle fois, n’estoit pas avecques luy. N'en estoient de duc de Bourbon, le comte de Charolois, le duc de Clèves, et pluiseurs aultres princes et pers; mais estoient en leurs hostels trestous, où ils s'abilloient et metloient en point pour venir en leur deu au sainct sacre. Des quels tout premier y vint et party de son hostel le duc de Bourgoingne, et multitude de grands prinches et barons, tant richement
GEORGE CHASTELLAIN
en point que merveilles seroient à dire ; car n'y avoit nul qui ne fuist pour regarder et pour y mectre admiration. Le duc de Clèves y fu, non comme per, mès comme duc, donnant parement à son oncle. Et à la sollennité du jour porta chapeau de duc en teste, à
toute une longue robbe de drap d'or trainant
à terre. Pareïllement messire Adolf de Clèves, le comte d'Estampes, le bastard de Bourgoingne , le seigneur de Croy , le mareschal de Bourgoingne, messire Philippe de Hornes, le seigneur de Berghes , le seigneur de Gruthuse , le comte de Bocquan, le seigneur de Waurin, le seigneur de Chimay, le seigneur de Lannoy , le seigneur de Roubais, messire Simon de Lalaing , le bastard de Sainct-Pol, et pluiseurs aultres, tous en abillemens de drap d'or, d'orfevrie ou de velours, non toutesvoies à couvertes de chevaulx, mais enhar nassiés de soye et de brodure, et d'orfevrie par différence et par envy l'ung de l'aultre, jusques à avoir les scelles ferrées d'or. Tels y en avoit leurs houches de velours brodées, et en lieu de grosses resnes de leur brides, chaines d'or. Tant pour en faire loing compte, plus tourneroiït ou porroit estre interprété à oultrage que autrement, veu que on est plus prest à mal dire que lien , et principallement sur ceste maison de Bourgoingne , là où cecy se faisoit. Dont tout le temps que j'ay vescu, et devant mon naistre, pour quelque oevre qui se fist bonne ne haulte ne honnorable, Franchois de l'aultre costé non ont faict conte, ne mise, ne pris, ne los, ains le rebours. Dont par ce et par aultres choses maintes veues à l'oel, j'ay dict maintesfois à par moy que j'ay esté né en ung malvais éage et en ung temps plain de malvaises affaires, et pires que ne fut oncques du temps de nos pères ; dont les exemples viendront chy après plus à plain que ne seront cause d'en parler, non par reproche toutesvoies de nullui, mais par une manière de plainte faicte à Dieu , que aultrement il ne va et n'est peu aller de mon temps.
