CHAPITRE VIII
Comment le roy fut sacré et des mystères qui y furent fais.
Le duc de Bourgoingne qui estoit en habit royal, tel qu'il.yséoit, moult riche et moult bel, comme doyen des pairs, atout le chappeau d’orenteste, large plus d’une palme et le plus riche que on vitoncques, faict de grossesetresplandissant pierres, descendy devant le portal de Nostre Damme, là où le roy estoit dedens, et illecques sa noble baronnie , princes, ducs comtes. Si se y contint par aulcuns temps tout en pied premier que peussent entrer, pour cause de la grand presse qui estoit tant dedens l'église comme dehors. Si survint prestement le comte de Nevers, vestu de son habit fourré d'ermine comme par tout, et atout le chappeau tel que lui duisoit, qui pareillement vint hastant après son oncle. Mais n'estoit venu assez à heure pour l'accompaigner. Or n'estoit encoires apportée la sainte ampole, à l'heure que le duc se tenoit emprès devant l'église; mais prestement fut apportée à grande solennité et à son de trompettes, accompaigniée de’ pluiseurs prélats et nobles barons qui estoient transmis de par le roy etle duc. Et apporta ladicte saincte ampoule le roy de Sainct Remy révéramment entre ses deux mains et dessoubs ung palle, tout à cheval. Et descendant devant le portal où estoit le duc furent ouvers les huis du portal ; et entra dedens Îa saincte ampoule, ensemble le duc, et tous les siens. Or le roy sachant la sancte ampoule estre venue , mouvant du cuer où il estoit d’emprès le grand autel, vint à haste au devant d'elle, droictement à son entrée ; et làréveramment se rua à deulx genouls en terre et l’aoura à mains joinctes ; puis le print l'évesque de Laon par la man; et le leva sus, et passèrent oultre ceulx qui portoient la saincte ampoule jusques au grand autel, là où la posèrent. Et le roy sieuvant de près aveucques ses pers et approchant ledict grand autel trois fois lors, se rua à genouls devant le sainct vaisselet. Dont la tierce fois l'évesque de Laon arrière le reprit par la mainet le
CHRONIQUE DES DUCS DE BOURGOGNE. — I= PAR
feyst lever, et luy bailla à baisier l'ampoule saincte. Dont le roy, arrière meu de dévotion, longuementse contint à genouls faisant oraison dévote par semblant, et arestéement regardoit la dicte saincte ampoule. Mais prestement s’approuchèrent de lui les prélats pers et princes pers; et l’adextroient les ungs de çà ct les aultres en leur reng deu. Là où après l'avoir mené entre closes courtines, le duc de Bourgogne aveucques son nepveu le duc de Bourbon, le comte de Nevers, le comte d’'Angoulesme , le comte de Dunois et aultres le despoullièrent tout nud jusques au dessoubs la chointure, et en cest estat le menèrent jusques au front de l'autel, là où se tenoient les pers prélats, en reng eten ordre deu, avecque multitude d'aultres estosffes de croces et de mittres et d'habillemens espirituels et moult riches. Et là venu, ledictroy tout nud serua à genouls très humblement devant l'autel, et l’archevesque de Rains la saincte ampoule la bailla à tenir à l'évesque de Laon, et puis après en avoir thiré ce qu'il besongnoit et mis sur une platine d'or en oigny le roy au front , sur les deux yeulx, sur la bouche, sur la boudine , sur le ploy de ses deux bras , sur les deux espaulles et sur les reins en croix. Et ce faict, la saincte ampoule futre mise sur l'autel par les mains de l'archevesquequi arrière soy tournant devers le roy, le leva avecque les aultres prinches et prélats ; et le revestirent de chemise blanche, de pourpoint de surcotte et de royal habit d'azur, et luy chauchèrent unes cauchessur les siennes touttes propres au mistère, et lesquelles le duc de Bourgogne et le duc de Bourbon , et le comte d’Angoulesme lui montèrent et attachèrent à son pourpoint. Et lerevestirent aprèsles preslats et nobles prinches de tous ses vestemens et habits royauls semés de fleurs de lis d'or; et lesdicts prélats et princes le menèrent en cest estat par la main jusques à son royal chayère qui estoit de vingt sept degrés de hault; et là assis en gloire et en majesté se retirèrent ung peu arrière les dicts prélats et princbes, réservé seullement le duc de Bourgongne premier per. Lequel lui assist en teste son bonnet,.et puis print la couronne précieuse et ri-
che, et la levant en hault à deux mains afin
que tout chascun la veist, la soustint ung peu
longuement au dessus la teste du roy; et puis après che faict , luy assit bien doulchement au cmef, criant à haulte voix :« Vive le roy! Montjoye Saincet Denis !» dont tout le monde, à l’enhort de son cri, cria après lui meismes mots à mots; et sonnèrent cloches, trompettes et clarons par ung tel estonnement que oreilles en estoient sourdes.
