CHAPITRE IX
Comment , après que le roy fut sacré , il se rethira à son disner et du présent.
Moult y avoit de haulx et singulières mistères à l’enthour de ce roy, dont les chérémonies sont légières à comprendre, qui entend que c'est ung roy de France et de sa dignité, et lesquelles touttes se conduisoient et faisoient touchant le temporel par le duc de Bourgoingne, doyen des pers, comme de le mener à l’offrande , et de le faire chevalier, de lui oster et remettre la couronne, à l'heure de lever Dieu, et puis de le descendre en bas et ramener devant le grand autel, là où il fit bien trois cens chevaliers de divers royaulmes et pays. Aulcuns des prinches et des grans barons, josnes et vieulx et de toutte sorte, entre lesquels estoient deux frères au duc de Bourbon, le fils aisné du comte de Sainct-Pol, le fils du comte de Paintevre , le fils du comte de Wytembergue, les deux fils au seigneur de Croy, le fils du seigneur d’Antoing, le fils du marquis de Salusse , et plusieurs aultres grans nobles hommes et de grans pris dont le nombre donroit ennuy, et confusion le loing compte.
Si les trespasse comme non nécessaires de y estre mis. Le roy enfin se tanna; parquoy il se retrahy vers son palais , car jà estoit haulte nonne. Si le menèrent plorieusement les prélats et princes jusques en sa chambre, là où il se tint en sa quoyte jusques à my heure après midy avecques le duc de Bourgongne, son oncle, et avecques cely de l'ourbon et d’Angolesme , et pluiseurs aultres qui alloient et venoient pour certainesaffaires. Dont à chief de ceste espace de temps, pour cause que le roy ce jour devoit tenir table royal ; le roy parti de sa chambre «tout
GEORGE CHASTELLAIN
royal habit et couronne en teste, le grand es-
cuyer devant, atout son espée, semée de
fleurs de lis, et pregnant le boult de la table
à la bonne main dextre et les prinches pers
à sa senestre, là où le duc de Bourgongne
lui estoit le plus prochain. Et disna atout la
couronne en chief; mais pour cause qu'elle
estoit un peu large et que ne tenoit close sur
son bonnet fut mise sur la table emprès iy
par une espasse de temps, pour son aise, en disnant. Tout au loing de son disner parla à
messire Philippe Pot, soy tenant derrière lv;
et y ot longue et diverses devises entre eulx
deux. Et alors le roy disnant et accompaigniè
ainsi que avez oy , vindrent aulcuns députes de par le duc de Bourgongne là assis, qui apportèrent deux grandes nefs, l’une grande à merveilles et l'aultre mendre, laquelle estoit de fin or et garnie de riches pierres. Apportoient aussi deux riches drageoirs , l'ung plus grand que l'aultre, et dont l'ung estoit de fin or aussi garni de pierres à tout lez, bas et hault. Et avoit une ymage de pucelle par dessus, en fachon d'ung dieu d'amour qui tenoit ung dart entre ses mains et avoit chappel d’or en teste garny de riches et grosses pierres; et avecques ce moult d'aultre vaisselle d'or et d'argent en couppes , en flaquons, etgrosses taisses en pris et'en estime bien mille escus. En fist faire présent au roy, et lui donna tout pour son joyeulx couronnement. Dont et yeulx et entendement de tous les voyans, prélats, prinches et barons, furent surpris et entrepris d'admiration ; et comme tous effrontés et esbahys de la grandeur du cas se contindrent taisans sans parolle; car n'avoient veu cas semblable oncques ne de telle réputation. Et voirement, se dire il se soeffre, le roy à toutte ceste solemnelle célébration n'avoit ne parement de vaiselie ne d'aultre chose , sinon de che que le duc de Bourgongne , son oncle, lui bailla et delivra; lequel toutesvoyes n'en monstroit moins , là où besoing luy fist pour lui meismes. Mais le bon duc qui véoit le jour de la gloire et de la joye que plus on avoit desiré au monde, comme de soy trouver paist-
blement à la coronation d’ung roy de France
se délita en lui ouvrir le trésor de l'amour de son cueur et en lui monstrer honneur et
f:61, CHRONIQUE DES DUCS DE BOURGOGNE. — I PART. | hasta le plus que povoit , pensant le gajgne-
hberalité profonde de tout ce que Dieu lui avoit envoyé et presté, pensant jamais le povoir mieulx employer, ne jamais soy trouver en lieu où le mieulx le peust faire, jàsoit ce que la retribution ne lui en sera telle comme la mérite, dont je me réserve à parler jusques à aultre heure.
