CHAPITRE XV
“Comment ceulx de Paris préparérent leurs rues de personnages et hystoires.
En ceste ville de Meaulx, le roy séjourna par aulcuns jours. Si fist le duc avecques lui. Et pendant ce temps s'apprestèrent Parisiens pour recepvoir le roy, et firent ung grand appareil. Firent sur le pont Louis , de la porte
où debvoit entrer, une grande barge toute:
argentée à deux chasteaux devant et derrière là où il y avoit des personnages, et au milieu de la nef estoient les trois estas de France par figure. En la hunne avoit ung petit enffant vestu d’habit royal, portant sceptre ct couronne ; et estoit ladicte hunne faicte en forme d'une fleur de lis d'or. Au dessus d'icellui enffant tout au plus haut avoit deux angels qui tenoient la couronne deseur le chief dudict enfant; et entre la porte et la nef avoit ung drap vermeil pour donner face à la barge argentée. Et estoit ce faict en signifiance des armes de Paris. Firent aussi une fontaine bien richement ouvrée dont yssoient chincq manières de diverses liqueurs. Au jour de l'entrée firent des aultres mistères et notables et beaulx, comme de la ramembranche de la passion de Nostre Seigneur. A la porte des paintres firent sur les six lettres du mot de France les personnages qui s’y entendent.
Aux Saincts-Innocens firent le personnage de gainct Ystasse chassant le cherf. A la porte du Chastellet firent une grande fleur de lis haulte de quatre hommes, avecques la prise de la bastille de Dieppe. Et sur le pont du : Chambge firent le baptisement du roy Clovis aveucques le mistère de la sainte ampoule, venant du ciel semblablement, et de la mutation des armes des fleurs de lis. Si pleut ainsi au roy que le duc son oncle feist son entrée
le contennement des Parisiens, et puis que revenist pour tout bon, qui estoit ordonné et pris pour contennement le derrenier d’aoust à tout chascun. Et le fist ainsi le duc de Bourgoingne; et s’en alla à Paris où n’avoit esté passé vingt-neuf ans; et fist sonentrée, non en pompes ne en manière excessive, mais tout simplement et en grand multitude de nobles princes et barons, tous de son sang et de sa maison. Pour le quel duc veoir entrer, avoit telles presses par rue et tant de monde aux fenestres, seigneurs, dames et damoiselles, que à paines en seroit à faire le nombre. N'osoient touttesvoies crier Noël, car leur avoit esté deffendu expressément, jà-soit ce que à dur s'en tindrent pluiseurs, et àaulcun en eschappa le ton. Mais ce que n'osoient desgorgier par cryer Noël, se monstroient ils par multitude de bénédictions, aultres qui aultre-tant volloient, et par monstrer cueur ouvert et espanny üe joye ; car de tout le monde fut conjoy d'ung affect corage. Et en cest estat s’en alla logier au quartier des halles en son hostel d'Artois, jà-soit ce que à tout temps le roy l'avoit volu faire logier en l'hostel à Sainct-Pol qui est le logis réal. Mais oncques ne s'y veult assentir le duc;, disant que à ly n'appertenoit si grand honneur ; et en oultre ne volut laissicr, ce disoit, l’hostel et lieu où tous ses devanchiers comtes avoient apris de logier ; car par ce faire il desconforteroit une multitude de monde qui avoient une anchienne faveur envers ly et une dilection cordialle. Dont, pour leur satisfaire cn leur longue attente que avoient eue les vouloit aller visiter et prendré son repaire aveucques eulx; car sçavoit bien que jà loing temps, de l’aultre roy, ils avoient beaucop de reproeuves et de laidaiges à sa cause , et avoient esté tenus suspects et escharnués de tous les habitans des aultres quartiers, jusques que meismes les bourgoisies de tous les quartiers de la ville, quand se trouvèrent d'aventure aveucques ceulx du quartier des hälles, leur dirent : « Eh! comment ! tel et tel vous puez les harengs! » Comme s'ils vouloient dire : «Vous puez entre nous; vous estes bourguinottes , et si en avez une: belle attente. » Et ce disoient par une desrision , comme se jamais ne dussent estre es-
jouys de ce que espéroient ; aussi n'y avoit il point d'apparence. Et aveucques ce , à celle heure d'alors estoit le nom de Fourgongne tellement descrié, tellement avieuty et condampné en Paris entre ceulx qui se vouloient couvrir soubs aulcune gratuité dépendant du roy, que homme ne femme à paine en osoient parler ne faire aulcune estime ; et tout pour complaire au roy en celle povre passion ; et le quel meisme le désiroit ainsy l'avoir faict.
