CHAPITRE XVI
Comment le roy fist son entrée à Paris.
Le roy estoit venu rendre en une petitte ‘placette nommée les Porcherons d'emprès Paris , appertenant à messire Bureau , chevalier et trésorier de France du temps de l'aultre roy. Et vint le jour que maintenant le roy debvoit faire son entrée, qui estoit par ung lundy derrenier jour d'aoust l'an soixante et un. Si ordonnèrent et mirent en point ceulx de la part du roy, pour le mener gloricusement en la ville de Paris ; et ceulx de Paris à l'aultre lez s’eflurchoient à faire et monstrer che que en eulx estoit pour le solempnisier et bienvignier. Et d'abondant entre les mystères préparés de longue main, tendirent teuttes les rues de riches draps, de thapisseries et d'aultres jolivetés moult belles, à tous les deux lez. Et tant seullement la rue du Change avoient couverte à chiel par deseure et bien aornée en tous endrois. Sy vint l'heure que le duc de Bourguoingne veult partir de la ville pour aller au devant du roy et pour luy faire hon- neur à son entrée, de ly et de ses nobles vassaulx. Et en effect, s'en disposant ad ce, monta en son hostel d'Artois ; et là se fist l'assemblée de tous ceulx qui le debvoient accompaignier. Est assavoir : de son fils le comte de Charolois, du duc de Clèves son nepveu, du comte de Nevers , du comte d’'Estampes , de messire Adolf de Clèves, du bastard de Bourgoingne, du josne messire Jacques de Bourbon, du josne messire Jehan de Luxembourg , du comte de Wyrtemberg , du seigneur de Croy et de ses deux enffans , du mareschal de Bourgoingne , de messire Phelippe de Hornes, de messire Symon de Lalaing, du
GEORGE CHASTELLAIN
seigneur de Chimay, du bastard de Sainct- Paul, du seigneur de Quievraing, bailli de Haynnau, du seigneur de Roye , de messire Philippe Pot, du seigneur de Crievequeur, du seigneur de Waurin, du seigneur de Robaix, du seigneur de Beaucamp, et de moult d'aultres, en tel nombre que lung parmi l'aultre, prinches et barons, se trouvèrent là ensemble deux cens quarante-trois chevaulx couvers de drap d'or, d'orfavrie et de velours , et de brodure , et les maindres de damas et de satins, dont le nombre estoit petit, sans encores les richesses et les habillemens de leurs corps et de leurs pages ; dont oncques en ce royaulme franchois n'avoit esté veu ne Ouy cas pareil, ne qui y prist comparaison. Et en cest estat, sans faire aultre narration de leur joliveté, le duc party de son hostel et dressa son chemin vers la porte Sanct-Denis, parmy celle grand rue, là où de peuple avoit tant hault et bas, et des dames et des regardans sur les richesses et beaulté de ceste compaignic. Et tant en furent esmervilliés et espris de joye, que à paines les bouches ne se souflroient à vuydier par parolles ce que les yeulx leur faisoient comprendre supcrflues et d'admiration dignes.
Le duc de Bourgoingne portoit une plume à son chapeau, de pris non extimable ; et estoit garnie ycelle de neuf gros balais, chincq gros diamans, trois des plus gros perles de la terre et clairs à l'advenant, et soixante-deulx aultres perles de sorte et de grand pris; etau chanfraing de son cheval y avoit pareillement neufgros balais aultres, entresemmés de perles sans nombre. Et en la sallade portée après, estoit assis ung riche balais de Flandres, l'outrepas de chrestienneté. Et, ce dit-on, les aultres montures qui le sieuvoyent aveucques les couvretures d’'orfavries, ne sont à récitter en faict de richesse et de grand pris, car les bouches n’y souffiroient à mettre en compte, ct les oyans restiveroient en la créance, qui ne l’aroient veu. Parquoy soubs ceste généralle manière de parler, je coeuvre et comprens la pompe et richesse de tous les aultres qui en ensieuvant le chief d'eulx tous, leur duc , estoit haulte et grande par extrême.
Mais tant en troeve par vray récord qu'oncques en nul lieu jusques à celle heure tant de
1461] CHRONIQUE DES DUCS DE BOURGOGNE. — Ir PART.
drap d'or ne volla pas rue pour ung jour ne n’avoit estoit colpé à cyseaux, ne tant de riche broddure ne d'orfavrie mise en œvre que pour celle fois, ne tant de velours cramoisy et de touttes couleurs mises en employ, ne en revestement de chair de bestes. Entre lesquels jolys et richement en point par oultrepas après le duc, c'estoit le comte son fils, le duc de Clèves ‘le comte d'Estampes, le bastard de Bourgongne , le seigneur de Croy, le comte de Bocquem et le seigneur Grutuse.
Dont, de tous les aultres que je laisse derrière eulx, ghaires n'en y avoit qui n'eussent trois chevaulx couvers, et n’y avoit nul qui n'eust pour la plus grande partie couvert de drap d'or ou d'orfavrie ou de riche brodure, et autretant velours plain que sieulte de parement, au plus grand nombre.
Je me suis arresté ung peu sur ces pompes et haultaines manières de faire ; et semble que j'en voelle lever la chose bien hault plus par faveur que par nécessité, veu que telles choses se soellent et doivent trespasser légièrement et estre mises pour ung court et général parler ; entendu encores que jà, ychy devant , ay faict mention semblable de pareil cas au sacre du roy à Rains, et que partant je m'en peusse bien passer ychy à peu de renouvellement sans y rentrer de rechief.
Mais soubs correction des lisans , ce n’ay faict ne ne fais sans cause, et par laquelle il ne me doibt estre imputé à vanité ne à faveur, ains à los et à bon fruict. Car ayant compris en moy et considéré ceste très noble maison de Franche avoir branslé si longuement soubs variable fortune, avoir tant porté et soustenu des adversités dures et de tribulations tant ès royaulx chiefs principaulx comme ès membres qui en dépendoient, et que pluiseurs des rois d'ychy devant à l'entrée de leur règne , ont trouvé fortune austère et marastre, leur royalme saisi des ennemis, les prinches d'icelloi mis en division, et obscurcy tout, et desemparé leur trosne et leur gloire par violence, dont chief exemple et miroir dè tous aultres a esté le roy Charles derrenier mort, certes et maintenant quand par contraire de tous aultres, depuis cinq ans en cha, j'ay veu entrer en règne et recepvoir, couronne etsceptre à ce roy Loys, en toutte haulte prospéritté de fortune, en
toutte haulte tranquillité et conjonction de cuers, en ung volloir et toutte vive et entière possession de son réalme , en main forte sur
-ses ennemis , expuls après meismes avoir esté
le bersal ou butte de fortune, et saillant de mendicité en plénitude de souhais, sans terme entre deux, et le roy entrer en France le plus aspiré des faveurs du ciel, che semble, que, oncques y meist pieds , et le plus en tranquillité et en paix, non merveilles se en conjoyssant et collaudant ceste entrée, metraveille, en commenchement de règne, de la mettre
en mémoire par expression singulière
