CHAPITRE XVII
Comment les seigneurs de Franche vindrent faire leur entrée à Paris.
Le auc de Bourgogne doncques avencques les siens se vint joindre aveucques le rov aux Porcherons, là où ceulx de sa part estoient richement en point pour le nombre qu'ils
‘avoient, environtrente-deux chévaulx couvers,
que les ungs que les aultres, compris encoires le comte de Saint-Paul qui le plus qu'il poyoit se contint neutre entre le roy et le duc. Et estoit en très riche et pompeux arroy ; mais pour celle heure ne se sentoit pas encoires bien en grace ne ferme envers le duc son prinche, et du costé du roy ne se sentoit point tellement appouyé aussi que le déclairer estre tout à ly ne lui sembloit point utille. Le duc de Bourbon estoit de ceste compaignie du roy richement empoint de son corpset son chevaulx couvert de drap d'or, chargié de campannes et les sonettes de cestui dorées.
Le comte de Sainct-Pol, que j'ay nommet, y avoit chinq chevaulx couvers bien richement ; deux desdis chevaulx couvers de drap d'or, fourrés d'ermines et de martres, et trois d'orfavrie. Y avoit aussi le comte de Harcourt, assez bien empoint; le seigneur de Montaban, ammiral de France, à ung seul cheval couvert pour son corps, assez riche; le comte de Dunois bien empoint pour son corps moyennement. Pareillement le seigneur de La Thour, houssé de drap d'or cramoisy ; le comte de La Marche à une houssière toutte; plaine semée de grosses pommes d'or; Phi-K
lippe de Scavoye , frère à la royne, bien empoint pour son corps; le seigneur de Cran vestu de drap d'or et houssé de velours cramoisy, et semé de campannes d'or et d'argent, richement broddé desoubs de brodure ; messire Jehan Bureau, houssé aussi de velours cramoisy, semé de campannes d'or et d'argent ; messire Jacques de Luxembourg, houssé aussi de drap d'or, à deux chevaulx de sieulte couvers ; Charles d'Ermignac, moyennement empoint avecques les aultres ; Gaston de Lyon qui avoit une riche houssière bien belle, et son frère tout armé au blan, qui se nommoit le vice-comte; le seigneur de Beaudisner, bien houssé et bien richement avecques trois ou quattre aultres qui bien se monstroient. Dont, pour final compte de ceste compaignie du roy, six gentils-hommes de la chambre du roy estoient tous d’une parure, houssés tous de velours bleux , semé plain de fleurs de lis d’or. Y avoit des aultres comtes et grands seigneurs en ceste compaignie, touttesvoyes qui point ne se monstroient jolys, mais chevauchoient en leur simple estat accoustumé, comme le comte d’Eu, le comte de Monpensier, le comte de Pointevre, le comte de Vendosme , car portoit le dueil, et le marquis de Saluce , aveucques aulcuns aultres dont il ne faict besoing des noms. Dont, quand ce vint que la compaignie du duc de Bourgoingne se vint joindre aveucques celle du roy, aux Porcherons , à veoir tout ensemble, oncques je-croy de grand temps du monde ne fut veue telle chose ne telle richesse, qui sembloit mieulx estre songe que vérité réalle, meismes grande et extrême richesse et arroy des Bourguegnons, et du nombre d'iceulx en telle multitude dont la terre sembloit plaine.
