CHAPITRE XVIII
Comment le roy fit sen entrée en Paris et quelle erdonnanche il avoit en sa compaignie.
En cest assemblement ne comparu pas le duc d'Orléans; si n'en fay nulle mention.
Mais pour abrégier la matière, de l'entrée du roy à sainct Ladre se commencha à tenir l'ordre et l’arrèglement d'aller; et furent mis
GEORGE CHASTELLAIN
au front d'entrée les archiers du comte d'Estampes , avecques leur capitaine qui les menoit; après , les archiers du comte de Charolois avecques leur capitaine ; et tierchement les archiers du duc de Bourgoingne, cent en nombre tout d’une livrée et bien empoint, que messire Jehan bastard de Renti, menoit comme leur capitaine. Et furent ordonnés deux nobles chevaliers et bien empoint , messire de Crièvequeur et le seigneur de Humbercourt, de chevaulchier entre les.
archiers du duc de Bourgoingne et du comte son fils, et ainsi le firent. Mais lesdicts archiers passés sieuvyrent deux à deux ou trois à trois pluiseurs nobles, tant de France que de Bourgoingne, et bien richement arrengiés, qui firent desevrement des archiers du roy et du duc. Et yceulx passés, qui estoient en grand nombre , sieuvoient ceux qui estoient de la garde du roy, en nombre de cent à quatre vingt, bien empoint seloncq leurs estas , tous armés de brigandine atout l'arcq et la trousse, et sallades en teste bien garnies.
Après la garde sieuvirent trompettes et clarons sans sonner, héraulx, poursuivans et roys d'armes. Et en sieulte , en approuchant le roy, sieuvoit la multitude des prinches et des haulx barrons par ordre, chascun seloncq la sorte que désiroit pour deviser ; entre lesquels ne fault mectre aultre distinction , fors. que à peine le moindre d'eulx sembloit estrc ung empereur. En ceste chevauchie alloit le marescal de Bourgoingne entre le marescal de France et l'admiral, comme par anchien deu et appertenir. Et se les deux mareschaulx -y eussent esté en personne, sy eust-il obtenu cely meismes ordre et lieux comme le tiers avecques eulx par égal; dont plus n’en a, ñe puelt avoir en tout le royalme. Et luy en escheut si bien tantost après, que, assez contredisans les marescaux de France pour ce que leur sembloit cas nouvel, il feit jugement en Paris comme marescal entre deux Franchois qui se doubtoient d'ung Anglois pour l'avoir prisonnier ; et fut tenue la sentence à juste et à bonne, sans appel et sans refuge à aultres, veulsissent les aultres marescaux ou non. Vint maintenant l'approchement du roy, devant qui sonnoient quattre trompettes ; et yceux passés, sieuvy—
rent deux escuyers, dont l'ung portoit ung mantel, ordonné pour le roy, et l'aultre ung chappeau de bièvre fourré d'ermines sieuvoit ces deux gargasalles , tenant le lieu du grand escuyer, et portant la royale espée en escharpe. Et après ly, et tout le plus prochain du roy par devant, estoit Joachim Roault portant l'armette royale, couronne et tymbre de fleurs de lys d'or bien riches. Et prochainement, entre le roy etledict Joachim, avoit ung coursier mené en main , tout couvert de fleurs de lys d'or comme les armes de France et semées ; là où prestement sieuvy le roy, couvert d'ung pale que portoient syx Parisiens vestus de satin cramoysy. Et estoit le roy vestu d'une robe de damas blanche , chargiée de fringes et de fil d'or au desoubs de la chainture, monté sur une haguenée blanche haussée de damas blanc à fringes de meismes; et à l’environ de Îvy tout à l’enthour, alloient de pied ceux de ia petitte garde, embastonnés de leurs bouges et aultres bastons deffensables. Et prestement et prochain du roy à la queuve, sieuvy le duc de Bourgoingne atout ses pages en son riche arroy. Pareillement fist le duc de Bourbon à la senestre main du due, qui pareillement avoit ses pages derrière 1y. Et nuls aultres synon le comte de Charolois, le quel . pour la presse et boutterie des grands seigneurs sieuvans sans ordre et sans règle, se contint tout le derrière, sans quérir ordre ne reng. Et tant y avoit de tumulte et de presse de peuple parmy ces rues là où ceste fin vint, que nul n’y sçavoit mettre devise qui feust séant deseure.
Sy ne fault ignorer toutesvoies que les processions y vindrent à toutes chérémonies et révérences congrues, Sinon ceux de l'Université et du collége de Nostre-Damme , auxquels le roy avoit mandé de l'attendre à Nostre-Damme là où il descendroit. Et en effect descendy , luy venu jusques là, et y alla faire son oroison ; et le bienviegnèrent ceux de l’université avecques ceux du collége assez brief; et luy remonté à cheval, s'en alla descendre au palais, à où estoit apprestéle soupper pour ly et pour les prinches ses pers et barons , qui tous y eurent chambres et logis pour celle nuyt, voir les bauls et grands prinches
