CHAPITRE XIX
Comment l'assiete fut ordonnée des princtes à la table de marbre.
, Le roy ainsi descendu s'alla retraire en sa chambre. Pareillement firent le duc de Bourgoingne et les aultres, surattendans le soupper qui se hastoit fort. La salle du palais estoit mise en point richement et le plus qu’on povoit ; et estoit le soupper ordonné à faire sur la table de marbre qui estoit couverte à l'appertenir; en laquelle n'avoit esté tenue feste depuis le temps du roy Charles-le-Quint, qui, l'empereur et son fils le roy des Rommains , et le roy Charles au millieu d’eulx, v disnèrent ensemble: et servirent le duc de Berrv, le duc de Bourgoingne et le duc de Bourbon en habit royal, qui moult fut riche chère, et dont semblable n'a esté veue de loingtemps par avant ne depuis, comme je me rapporte ad ce que on en troeve par escript.
Touttesvoies , à ceste heure et selong le cas, y avoit baulte et grande magnificence monstrée en ceste salle du palais. Et avoit ung riche thiel couvrant le dessus de la table au milieu, où debvoit séoir le roy, comme raison le donnoit. Et sans faire mention des aultres tables , y avoitun moult riche dressoir faict à plusieurs degrés montans, dont les estoremens estoient beaulx et de mervilleux pris. Mais estoient tous armoyés des armes du duc de Bourgoingne. Et pense que ce fut vaisselle que le duc avoit présenté et donné au roy à son sacre à Rains, hormis trois licornes , qui estoient la mise que le duc avoit prestée et dont la moindre avoit chincq pieds de haut. Or vint l'heure de soupper. Et y avoit lors ung grand conseil entre les héraulx et roys d'armes, pour ordonner de l'assiete des prinches et barons qui là debvoient soupper. Et sour-
vint le roy pendant cest aviséement ; et fist
cesser tout l’estrif, car ne voloit mettre ordre qu'entre ceulx de son sang qui debvoient seoir à la table. Et luy soy assis, tout premier fist venir le duc d'Orliens à sa main senestre et le duc de Bourgoingne à sa main destre; le comte de Charolois prochain du duc d'Orliens , et le duc &e Bourbon prochain le duc
de Bourgoingne'; le eomte d'Estampes sieuvant le comte de Charolois et le comte d’Angoulesme sieuvant le duc de Bourbon; le comte d'Eu emprès le comte d'Estampes, et le comte de Nevers emprès le comte d’Angoulesme ; le comte de Pointevre emprès le comte d'Eu , et le comte de Monpensier emprès le comte de Nevers. C'estoit ichy l'ordre de l'assiete des prinches emprès : le roy, bien prise, ce me sembleroit, et bien Rene Dont les chiefs de la table estoient : le roy, le duc d'Orliens , et le duc de Bourgoingne, et le duc de Bourbon. Le comte de Laval servy le roy d'essanson; Philippe de Savoye, frère de la royne, comme pannetier, et le comte de la Marche d’escuyer tranchant. Le seigneur de Croy servy de grand maistre d'hostel du roy; et le menoit par les bras, en allant devant les mets, le comte de Dunois. Le mareschal de Bourgoingne , l'admiral de France et le seigneur d'Aussy comme maistre des arbalestriers , allèrent devant la viande du roy comme principaulx du parement. Le duc de Clèves n'estoit point assis ad ce soupper avecques le roy, jà-soit ce qu'il y avoit esté ordonné , mais tint compaignie à un tas de dammes qui estoient du costé de la table du roy en une chambrette, là où elles regardoient les estas. Et estoit le duc de Clèves, homme du monde le plus propre pour les entretenir ; car estoit haut et beau langaigier, et belle personne entre mille, qui moult refaict un grand prinche.
