CHAPITRE XX

Comment on fit divers présens aux Wadhes estansp à Ja table

ve ne parle des mets ne des viandes, ne des aultres barons et seigneurs qui là estoient assis, car tout y estoit plain et tellement servy que de deffaulte n’y avoit point, ains’ toutte plénitude et habondance , comme raison donne bien à croire à tout bon entendement. Mais au milieu du soupper furent fais et présentés divers entremets au roy et aux prinches de sa table, qui moult estoient beaulx et somptueulx, et de, belle invention Ch£pusés. Au roy fut présenté ung cherf-vol-

GEORGE CHASTELLAIN

lant, au duc d'Orliens ung blan chisne, au duc de Bourgoigne un lyon, au comte de Charolois ung pellican , au duc de Bourbon ung paon, au comte d Eu ung fenix, au comte d'Estampes une licorne, au comte de Vendosme ung sanglier, et au duc de Clèves ung tigre ; et chascun entremets armoyé des armes à qui il servoit. Héraulx et roys d'armes y crièrent largesse haultement ; et leur fut faict don de deux cens francques. Et après les tables ostées, vindrent les dammes que de duc de Clèves menoit; et vindrent faire les révérences au roy, qui bénignement Îles rechupt.

Et prestement après commenchèrent les danses, là où chascun s'acquita selon l'affection qu'il avoit au mestier. Et se bouttèrent seigneurs et barons entre les dammes, qui demenèrent la feste jusque la minuyt et jusques à tant que le roy se retrahy pour aller couchier ; lequel au landemain à sa messe fist délivrer et donner grâce à tous Îles prisonniers de la ville. Et disnant encoires cely jour au palais, le soir se retrahy en l’hostel de Tournelles , où il avoit choisy sa demeure. Et au partir ramentevoit encoires à son oncle le duc de Bourgoingne, qu'il s'en allast logier à Sainct-Pol, à l'hostel des roys ses devanchiers ; mais oncques ledict de Bourgoingne ne s’y veult assentir ; et ne l'eust faict pour or ne pour aultre richesse. Merveilles seroit à dire de la noblesse qui estoit en Paris à ceste fois et de la grand seignorie ; dont, en mémoire d'homme, ne chéoit lors d'avoir oncques veu ne ouy de telle parler. Car tout y estoit ce qu'il y avoit d’eslite et de bon en Franche, tant feust de loingtaing lieu , d'Auvergne , de Bourgoingne, du Daulphiné , de Languedock, de Ghienne, de Fois, de Lymosin, de Berry de Poittou, d’Angou , de Touraine, de Bretaigne, de Normandie, de Picardie et de Flandres, et beaucop des lieux affins, comme de Loraine et d’Allemaigne, et de diverses contrées. Dont, posé ores que aulcuns des prinches de Franche se absentoient d'icy et ne véoient point l'heure proppre pour eulx, pour y estre en personne, comme le roy de Cecille, le duc de Bretaigne, le comte du Maine, oncle du roy, et le comte de Fois, touttesvoies, toutte la fleur, hostels et pays y estoient venus maintenant; les ungs en cou-

vert pour en véoir le triumphe, les aultres comme envoyés de leurs maistres pour apprendre et enquénir, et les aultres de leurs proppres volontés meismes, comme pour despendre du leur et eulx trouver en l'assemblée. Dont en la cause pour quoy ces nobles gens de tous lienx se trouvoient mainænant ichy par une multitude et passant comme usage commun de tous temps , Certes, il convient entendre que c'estoit pour pluiseurs diverses causes et raisons, dont l'une si estoit : que cellui qui estoit maintenant roy, d'honneur avoit esté longuement eslongiet et perdu de leurs yeulx; et posé que avoit esté indigne et non au gré de son père par loingtemps, dont les disputations sont difficiles pour quoy, touttesvoies bien le tenoient pour leur vray héritier de la couronne. Dont, quand plus en avoit esté eslongié et en dangier de y parvenir en la bouche des parlans, tant plus en avoient admiration ceulx qui en avoient veu les difficultés dangereuses. Entre lesquels en povoit avoir beaucop qui favourisoient à ly et qui s'attendoient ‘de grand bien avoir par sa montance, comme en touttes marches et provinces avoit gens esquis retenus à 1y ; aultres qui par admiration de son adventure vindrent venir voir le mistère que Dieu en ouvrit, que d'ung fils en telle contrariété aveucques son père, et que ous les sages et grans du monde n'y scavoient boutter fil pour mettre les deux en accord, et dont tant de parolles avoient esté dictées et prononchiées en contraire de tout bien espérer du fils et des siens, que maintenant, contre touttes oppinions d'homme et malgré tous ses traversans, il estoit parvenu paisible, et parattainct à la poignie de la couronne, et en telle gloire et trioumphe songant sur son lit qu'oncques à paines, depuis Clovis le premier chrestien, Îles rois ses devanchiers, tous en vertu et laleur de leur corps, en commenchement ne en yssue, n'y ont point trouvé telle fortune, ne si amy. Dont, et pour la nouvelleté du cas qui est desiré à veoir, les nobles gens aussi tant plus ont esté en désir d'eulx trouver en ce lieu. Une aultre raison y avoit encoire bien apparante et la plus; ce fust qui estoit : que ce roy Louys, nouvel couronné

CHRONIQUE DES DUCS DE BOURGOGNE.— I" PART

maintenant à Rains, estoit meu et promeu à la couronne par les mains du duc de Bourgogne, dont le nom avoit esté durement indigne du vivant de l’aultre. Si pensoient bien maintenant , que le duc de Bourgongne dont la fame estoit si grande par toute terre et qui tant avoit gloire et renommée de puissanche et de richesses, en menant le roy en Franche, là où de loing temps n'avoit esté, il y viendroit à magnificence et triomphe, comme cely qui avoit les gens et les biens pour le faire. Parquoy, et eulx aussi, vingt mille nobles hommes, qui oncques ne l'avoient veu ne congneu fors que par renommée, se sont advanchié d'y venir tant plus tost , afin de voir le personnage aveucques les aultres manières de faire. Car comme plus sont de haulte renommée et de grand bruict les princes , tant plus en croissent les desirs envers eux à ceux qui en rechoipvent la fame et les recommandations.