CHAPITRE XXL
Comment le roy de Cécille avoit cause de non sey trouver à Paris.
Que diray-je de ceste venue à Paris, ne que pourray-je compter au vray en quoy touttes diverses nations se contentent, sans me mesprendre de parcialité ou de faveur : certes se je voel tout escripre et comprendre ce que à ceste entrée a estéfaictetdict, je embrasce ce que porray mal estreindre ; et se je me décline à faire seullement ung lez, ung loingtaing compte , je me juge moy meisme et fay tort à aultruy. Et pourtant sans estre bourguignon ne franchois, mais véritable attribueur à chascun de ce quily est deu, par un différent général à tout le trosne françhois, certes, je puis affremer et dire : que ledit trosne réal ne recheupt tant de gloire ne telle magnificence depuis sainct Loys mort, comme en présent en telle glorieuse convention ne sy faicte en Paris depuis Charles-le-Grand , s’il eust pleu Dieu que le roy deCécille Regnier et son frère le comte du Maine, le duc de :
Bretaigne et le comte de Fois, s’y feussent trouvés aveucques les aultres ; car alors tout y eust esté ce de quoy le trosne franchois
porroit prendre parement et resplendeur.
Entre lesquels ledict roy de Cécille fait à excuser pour cause de dolereux grief et dommage que pris avoit son fils, le duc de Calabre, allencontre des Gennois. Pour laquelle recouvrer il lui duisoit bien y entendre devant toutte aultre chose diligamment ; nonobstant que il faict à doubter que, posé ores que ce meschief ne feust advenu cy devant audictro y de Cécile, sy ne se feust trouvé, sinon à dur, en Paris maintenant en ceste congrégation, pour cause de la royne d’Angleterre, sa fille, expulse de son réalme et deshirettée aveucques son mary , dont ladicte royne mettoit et avoit mis le fardeau sur les espaulles du duc de Bourgongre, maintenant que à sa cause et par son souffrir et dissimuler, les ennemis d'elle avoient les bras au dessus , et elle en estoit destruicte et débouttée. Dont, comme il est vraysemblable que le père doibt condoloir les mesadvenir de son enfant et prendre haïr en ung te! misérable cas, dont pareil n'a eu en la terre piéça, feust Jedict roy bien informé ou mal. Certes , faict à croire que ceste cause luy povoit donner cueur froid allencontre de son cousin, lequel touttesvoies sa fille la royne d'Angleterre avoit hay mortellement et de tout temps, sans que encoires ledict duc ne lui meffesist oncques riens. Dont, et se après lui avoir pourchassié honte et dommage, ruynne ct dissention là où elle a peult, lui excore estant en estat, et que fortune l'a volu humilier depuis sans qu'il y ait presté main ne boutté à sa charette, si n’en doibt pas retourner pourtant le reproche sur lui qui n'a coulpe de son infortune. Et se les aultres qui lui ont présenté service et amour ont prévalu contre elle en leur querelle, ce ne lui doit estre imputé aussi à charge , entendu que, comme loy nulle ne constrainct à aymer ne à volloir bien à son ennemy, s’il ne voelt, par contraire aussi toutte loy divine et humaine juge à debvoir aymer et chérir cely ou celle qui ayme et honnoure. Et par ainsi, posé que le roy Regnier pooit avoir des rancunes en son cuer à cause de sa fille et du roy anglois, dont la querelle ne compétoit en rien au duc de Bourgoingne, sinon par inconuement ,'touttesvoies à en parler en vraye
GEORGE CHASTELLAIN,
équité, le dict roy ne povoit avoir nulle juste querelle encontre lui, quand la mesprison, meismes à la cause de sa perdition, mouvoit et meut de sa fille. Et par ceste meismes cause, il sembleroit aveucques pluiseurs aultres que le comte du Maine ne s'est point apparu, sauve touttesvoies que on le disoit es. tre en la malle grâce du roy, qui seul devoit et povoit estre cause de son absentement.
Pareillement disoit-on du duc de Bretaigne et du comte de Fois.
