CHAPITRE XXIIL

Comment le reg fut occupé à donner les offices,

En ce pavillon icy avoit chambre et garderobe, oratoire et chapelle, pluiseurs fenestres cloans et ouvrans, à une longue entrée devant, faicte en manière d'ung bolevercq.

Dont, avecques la richesse qui y estoit , sien estoit la manière sy nouvelle, que nul ne s'en povoit ravoir. Ce pavillon-cy estoit tout de velours noir broddé par art et par goust si excellent, que de tel n'est faicte mémoire ailleurs. Si m'en passe atant, et viens au roy qui fort estoit embesoignié maintenant en lui donner et renouveller les offices; et lui donnoient les demandans tant de travail, que à paines che lui estoit chose tollérable. A aulcun il donnoit, aux aultres il refusoit ; les ungs payoit par faict, les aultres par parolles ; aux ungs il tolloit, aux aultres il mettoit en mains. Pluiseurs, du temps qu'il avoit esté daulphin , avoient obtenu des'promesses de ly par simple parolle et en espéroient de grands biens , lesquels venans à lui maintenant, les recueilloit à froide chière.

Et aultres y avoit qui avoient cédulles signées de diverses offices, auxquels maintenant il difléra le don et s'en desgarpit le mieulx que povoit. Aussi, au vray dire, moult en y avoit des pays du duc qui estoient gens importuns , gens fols et hardis, demandans sans discrétion, etlesquelsaulcuns, pour aulcune privauté que avoient, chaçant ou vollant aveucques lui en Brabant et ailleurs, aultres , soubs le tilire que avoit esté nourry par dechà emprès eulx, pensoient debvoir obtenir tous les offices du royaulme. De quoy touttesvoies leur bon maistre , le duc, ne se mesloit que ung peu , ne n’eust daigné; mais à baud demandeur hardy estoit dissenteur.

Si en vint ung entre les aultres, homme de bon estat et qui aultresfois avoit esté famiher de lui, et dict: « Sire, la chose est telle comme m'avez dict aultresfois : que se Dieu vous souflrist jamais parvenir à la couronne, vous feriez telle chose et telle. Sire, maintenant vous y estes parvenu; si vous me soyez pour recommandé maintenant , car ÿe repose sur l'espoir de vos mots. » —« Cerles, che dict lors le roy, mon ami, je ne suis plus daulphin et alors je l'estois, mais maintenant je suis roy. » Dont, l’aultre qui entendy bien que ce vouloit dire, s'en tint à tant et en fist la conclusion à par 1y. Véritablement pluiseurs imprudens et sans vergongne et qui n'avoient ne fruict ne mérite en euix, parquoy il les deust promouvoir, le

GEORGE CHASTELLAIN

travillèrent beaucop ; et ne regardoient point s'ils lui avoient faict aulcun service parquoy il peust estre leur attenu. Dont, je les reputove et repute encores moins dignes de provision; Car provision ne se doibt faire que à ceulx qui ont mery par paine et labeur, et par aulcunes gratuités qui peuvent obliger les cuers des prinches. Car là où la considération n'est ès prinches, qui vault et qui ne vault, et qui a mery et qui non, certes, là est leur contribution injustement faicte ; et est leur lybéralité tournée en vice, qui desrobe et destourne le loyer deu aux dignes et méritans. Et cestui noble prinche nouvel roy tant avoit souffert povreté par loing-temps, et tant avoit de povres nobles et vaillans hommes qui 8 atendoient sur lui et avoient-‘porté longue et destroitte souffrance en sa querelle, certes, gens importuns devoient bien penser que, par droit d'honneur et de noble sang, il devoit plus estre tenu à tels que à eulx, qui meismes avoient grand maistre et puis sant pour leur faire bien, et aveucques ce estoient riches de par eulx meismes.

Cechy ne dis tant seullement fors pour les importuns et gens non discrets , et qui honte font à leur nation. Car demander sans deserte précédente vient de présumption folle; et rien demander sans en véoir juste cause, ce vient de sens et de haultesse de cuer. Je ne dich point qu'il n'en y avoit beaucop à l’enthour du duc, et de biens grans, à qui le roy estoit bien attenu , et qui moult lui avoient faict de services en pluiseurs endroits : comme le mareschal de Bourgoingne, qui l'avoit mené, en sa seulle conduite et asseurance, depuis la haulte Bourgoingne jusques en Brabant, là où Îes gens du roy le chevauchoient à grand effort.

Celuy avoit bien mery d’aulcun bienfaict et d'ung recongnoistre. Pareillement messire Jehan de Croy et messire Symon de Lalaing, qui tant avoient faict voyages pour y ; ceulx debvoit aussi bien avoir pour recommandés ; et} pluiseurs aultres que je laisse pour abrégier. Mais tant y avoit de bien en leurs cas que de eulx meismes ils estoient riches et puissans, et sen passoient de légier ; dont le dueil leur estoit d'estre mis en oubly. Ce ne leur vint de non avoir de ly nuls dons, mais d’'estre mescongneus et mis en nonchalloir après tant

de haulx et dangereux services à ly fais.

Dont , ce ne sont pas tels gens que je reproeuve par mes escrips, mais ce sont les desvergondés , ces imprudens et vicieulx qui pe regardent à leur debvoir ne à leur appertenir, et font honte à eulx et à qui les norrist. Et en escrips voulentier, affin que tous nobles ,°cy après, poisent et balancent leur honneur, aprendent à demander et à taire, apprengnent premier à valloir que à demander, premier à déservir que à obtenir. Et en che faisant , ils se feront sages et dignes qu'on les regarde. Et regardés et congneus quels ils sont , ils seront dignes qu'on les rechoipve en leur pétition humble.