CHAPITRE XXIV
Comment le roy renouvella le parlement et constitua son oncle pour avoir advis sur laréformation d’icellui.
Ad ce nouvel advènement du roy falloit-il renouveller aussi le parlement. Et constitua le roy, son oncle le duc de Bourgoingne, pour avoir advis sur la réformation d'icellui, comme qui du tout lui en bailla la charge.
Et jà-soit ce que point ne la quésist ne demandast, et que peu ossi il s'asseurast en celle auctorité, je croy bien que aulcuns il réputoit dignes d'y estre et leur donna voix. Mais depuis que jours multiplioient l'ung sur l’aultre et que diverses gens par diverses enhorts font varyer les prinches et muer proppos de bien , de vingt-quatre qu'il avoit promeus en coraige pour estre assis au bancq, oncques ung seul n'en entra en siège. Et se monstroit là ung commenchement tout nouvel et estrange, au regard des choses passées. Le duc touttesvoies en dissimula sagement et n’en fit samblant aultre que de prinche contant. Le roy y mist gens à son plaisir, comme faire le povoit; et y constitua premier président, maistre Pierre de Lyon. Et celly qui solloit estre le premier maistre , nommet Ÿve de Scepeaux,, il
le mist au second degré. Moult fist de nou-
velletés ce roy à son premier venir; et tout de sa teste, sans advis de conseil. Et ne faisoit que soubtillier j jour et nuyt diverses pensées, lesquelles comme les avoit concheues les vouloit maintenir à effect; destitua l’ung et constilua l'aultre; et par espécial ceulx qui
CHRONIQUE DES DUCS DE BOURGOGNE. — Ir PART.
avoient servi son père, au moins la plus part, à yceux estoit dur. Il prist indignation contre ceulx de Sainct Denis et par courouch thira hors des mains l’auctorité de chroniquieur; et mist en la main d'ung religieux de Clugny, lequel il manda venir devers ly, appelé maistre Jehan (4). . . ung des seigneurs du parlement du vivant de l’aultre roy! Lequel, pour ung prochès devant lesdis seigneurs, lui qui estoit pour l'éveschie, avoit esté accusé d’avoir pris argent à touttes les deux parties, en grand confusion de la court. Pour cause d'ung tel mésus , on lui avoit deffendu la chambre jusques il en seroit purgié. Cestui maistre Jehan eu enchéy en
prochès devant les seigneurs du parlement, ses compaignons ; et en estoient jà faictes beaucop d'escriptures; lesquelles le roy, oyant parler du cas, fist touties apporter en sa chambre sans quelconque en sceust rien.
Touttesvoies cestui maistre Jehan vint devers le roy et à son command; et fist les révérences; et le roy lors lui commencha à demander : » N'estes-vous pas ung tel» ? etl'aultre dict: « Ouy, sire. — Et n'estes-vous pas chil, chedict le roy, qui avez ung tel prochès pour telle cause et telle ?—Etouy, sire ! che dist l’aultre. —Etcomment vous en pensez-vous cheoir? che dict le roy arière ; estes vous bien reconforté de ce qui en poeltensieuvir ?— Par ma foy, che dict lors ycellui, je me reconforte bien en Dieu et en mon bon droit. — Et l'appointement n'en vouldriez vous point? ce dist le roy.
—Sire , ce dict l'aultre, je ne vœul rien que justice et sentence. — Et qui vous vouldroit faire grâce, ce dict le roy, ne la prendriezvous ?—Sire, dict l'aultre , je désire bien estre eu vostre grâce sans laquelle je ne puis vivre. Mais en cechy je ne vous requiers pour grâce nulle.—Comment déa! dist le roy lors; vechy vosire prochès et vostre accusation en che sacque que j’ay devers moy, eten refusez vous ma grâce, et que j'abolisse tout? —Sire, che dist l’aultre alors, je requiers tousjours vivre en vostre grâce comme j'ay dict ; et
(4) Lacune dans le manuscrit. Il s'agit ici de Jean de Morvilliers, évèque d'Orléans , nommé chaucelier de France par Louis XI à son avénement à la couronne en remplacement de Guillaume Juvenal des Ursins , qui füt rappelé quatre ans après.
seroye mal aultrement. Mais au regard du prochès de quoy me parlez, si ne demande grâce nulle, fors que justice. — Déa ! vechy forte chose! ce dict le roy lors. Vous youlez justice et ne voulez point que je vous fache grâce. — Sire, che dict lors, de grâcenem'est point mestier en ce cas, ne jour que je vive ne la vous demande. » Et leroy alors, véant
sa Constance et grand asseurement de parler, le regarda par manière d'admiration , et contenant sa parolle ung peu au premier mot, lui dict : « Etje vous fay chancellier de France ; soyez preud'homme. » Sy furent esmervilliés tous estans et voyans , ly meisme plus que tous les aultres, qui touttesvoyes en remerchia humblement le roy aveucques soy disant indigne de l'honneur; et fist le roy alors esvanoyr et perdre tous les eseripts du prochès , aflin que jamais n'en fuist mémoire : et dévola le bruict par tout le royaulme, conme d'ung cas nouveau et estrange entre tous aultres.
