CHAPITRE XXV
Comment ung cas advint en Avesnes bien dangereux, qui povoit estre matière de graud trouble au pays.
Pendant ce temps et que le roy estoit encoires nouvellement à Paris, advint ung cas au pays de Hainnau, bien dangereux, et lequel povoit estre matière de grands troubles. Doncques, pour le réciter, il ‘ous doibt bien souvenir, Car en ay parlé ychy devant, que le roy, au partir de Rains, avoit envoyé six cens lanches au pays de Liège, pour füire guerre au pays; el estoient jà venus avant sur les marches et frontières dudict Liège, logans et séjournans tout allenthour, à leur plus bel et meilleur , là où ils le sçavoient. Si advint que aulcuns de ceste compaignie se vindrent logier enthour Avesnes-le-Comte, au pays de Haynnau. Et là séjournans par aulcuns jours, aulcuns d'eulx , par ung jour de marchié, trois où quattre, vindrent en la vilie pour eulx esbattre et pour achetter à l'adventure aulcune chose à eukx nécessaire. Se vinrent et passèrent parmi le marchié portant coutteaux longs et bastons deffendus au pays. Et survéus des sergens du bailli, vindrent à eulx
GEORGE CHASTELLAIN
les dicts sergens et leur dirent: « Messires, nous voyons bien que vous estes gens estranges, et gens de guerre d’ichy enthour logiés ;
mais, ne vous desplaise , il est deffendu en ceste ville et par tout le pays de Haynnau, que nul, de quelque estat qu'il soit, doibt ou puist porter tels bastons. Dont, pour ce que vous estes estrangiers et que ne sçavez puelt estre cesle ordonnance , nous venons devers vous, nOn pour vous Callengier, mais pour vous pryer qu'en révérence de justice, voeulliez mettre ces bastons jus courtoisement, car aultrement vous n'y polriez estre soufferts.
Mais , vos bastons mis jus, vous polrez aller par tout à vostre plaisir.» Lors à ces mots les compaignons, qui estoient josnes et de dégier esprit, commenchèrent à respondre assez righoreusement ; et pensans que riens ne les povoit espoenter , pour ce que au roy estoient et de ses gens d'armes, si dirent : « Nous n’avons que faire de vos mandemens ne de vos ordonnances. Nous sommes au roy, et pour porter ce que nous vollons ; et quant à nous, nous ne metterons jà jus nos bastons. Querez vos gens ailleurs, ce ne sommes nous point.» — «“Déa! che dirent les sergens alors ; seigneurs, nous voulons bien que vous soyez au roy et n'y contredisons point, mais le commandement que monseigneur de Bourgongne a faict en ses pays, il le convient bien observer. — Qu'avons à faire, che dirent lors, de monseigneur de Bourgoingne ? nous ne acomp- Lons, à y ne à vous, deux castaignes.—Messires, dirent les sergens; c'est mal courtoisement parlé de monseigneur de Bourgoingne, qui est si grand prinche, et tant est serviteur et bon envers le roy. Messires, on vous prie que doulchement et amoureusement voeullez mettre jus vos bastons, ou, sans nulle faulte, vous les metterez jus par main forte; et ne serez jà souffert aller atout parmy la ville. » Et de faict, eulx persévérans en leur orgoel, furent desbastonnés par vertu de justice; et s'en esleva murmure et tumulte entre Les gens. Quand donc ces compaignons se trouvérent ainsi traictiés et desbastonnés par righeur , et par leur proppre démérir, s’en allèrent fréant battant vers leur cappittaine, ès champs où ils estoient logiés ; et là venus luy allèrent faire une grand plainte de ceulx
d’Avesnes, et lui contèrent le cas à leur bel -et non à la vérité. Par quoy le dict capittaine esmeu d’ire et de félonnie, fist monter à cheval ung nombre de gens fiers et hardis; et tendant à la vengeance de ce eas, leur comwanda d'aller en Avesnes, ribon ribaine, atout leurs dagyues et espées, sans fleschir devant hommes, et aller devant justice demander pour quoy et comment les sergens et aultres oficyers avoient empris sur les gens -du roy, en les voullant submettre à leur loy -et ordonnance, ce que point ne debvoient.Dont et se les dicts d'Avesnes vouloient tenir leur pointe roidde, que hardiement après ils monstrassent à qui ils estoient. Et sur ces parolles les compaignons partirent en bon nombre, et vindrent en mettant leurs chevaulx en hostellerie ; ets'en vindrent tout droit à la maison de la ville , là où trouvèrent bailli, eschevins, et tous ceulx de la loy assemblés. Et en effcct commenchèrent à lever plusieurs haultes parolles et fières peu à leur honneur, et moins encoires à l'honneur du roy qui de cecy ne sçavoit rien. Et comme orgueil meslé avecques hayr est cause d'injurieux parlers et de malvaises enteprinses, cestes gens chy cuidans que les gens des pays du duc deussent estre soupples et mols, et espoentés pour leur malvaistié, ainsi que sont ceulx des pays où ils avoient apris à vivre, povres gens serfs et crainüfs, commenchèrent à injuryer la loi, et user de maulvaisetié, disans :que bon gré et malgré eulx, eulx trestous porteroient et feroient che qu'ils vouldroient; etn’acomptoient au duc de Bourgoingne ne à ses oflicyers ung navet ; et que le roy estoit leur maistre et n'avoient à obéyr qu'à ly. Sur quoy et jà-soit il que par bel longuement ceulx de la dicte loy firent responses froides et saiges, touttesvoies les auitres, persévérans en leur orgoel et malvaistié et non quérans que le buttin, mirent tout en tel trouble que pelle mesle commenchèrent à férir l’ung sur l’aultre et à tuer et navrer. Et ne vit-on oncques tel eflort ne telle esclandre , en une bonne ville, faicte sur justice de prinche. Si en devint la meslée si grande, et fut justice tellement assistée du peuple qui tout y affuioit, que des estrangieïrs en eut tué quattre ou cinq, tous tantost mort sur la plache, chincq ou six pris; et
CHRONIQUE DES DUCS DE BOURGOGNE. — I" PART
les aultres voyans le meschief tourner sur eulx , s’en fuirent à force de chevaulx devers leur capittaine , lequel cuidant avoir sanchy son couraige , par vengeance accrut son dueil par cent double, et le malheur des aultres ses compaignons.
