CHAPITRE XXVI
De la commotion qui fut faicte à Avesnes par les gens du roy portans bastons par la ville.
Ceste chose fut tantost nonchée au duc de Bourgongne estant en Paris, car envoyèrent baïilly et eschevins prestement devers messire Jehan de Croy, et le bailly de Haynnau son fils, comme pour avoir advis et conseil sur ce que estoit advenu et pour en advertir le prinche à cui le cas touchoit. Pareillement aussi les aultres, doubtans que affaire ne leur en advenist, envoyèrent devers le roy pour mettre barre aux complaignans, et rompre leur faict par les prévenir. Si fut tantost adverti le duc de Bourgongne de ceste haultaine fierté en sa ville, qui le prist en aigreur; et à bien dur en dissimula ; et eust bien volu avoir esté au pays , pour en sanchir son cour-roux. Car moult fort le prist à dur ; et tellement que à son couchier , celli meisme soir qu'ilen avoit la teste plaine, aulcuns le voyans pensif luy demandèrent, disans: « Monscigueur, comment vous est-il de Paris? comment vous yplaist-il? —Et je ne sçay, che dist lorsle duc. Il m'y plaist si bien que j'en vouldroye este dehors.—Voir ! ce dist ung aultre. Alors, je le pense bien, estre à Bruxelles.—Sicen'estoit à Bruxelles, che dist le. duc, si seroye-je ailleurs.—Monseigneur, ce dist l’aultre, où vouldriez vous estre mieulx?— Je vouldiroyeestre, ce dist lors, en Haynnau.—En Haynnau, ce dist l'aultre; monseigneur , ce seroit doncques à Valenchiennes pour chasser ? Ce seroit-il à Mons et là enthour ?—On m'a distque les gens du roy viennent faire les haultaines en mon pays de Haynnau, mais se j'y estoye, je les en garderoye bien, et le leur feroye comparer chier.» Sy congneurent bien ceulx qui l'apaisonnèrent qu'il avoit le cœur esmeu en ceste besoigne ; et non sans cause, car c'estoit de grand oultrage , et de malvaise interpré -
tation. Le lendemain le duc alla devers le roy, là où ainsi que se trouva en ses devises avecques le roy, lui alla conter ce que advenu estoit de ses gens, et comment ils avoient commis ung tel outrage en une de ses villes , luy priant qu'il en voulsist faire, à l'appertenir du cas, justice et reparement; car n'estoit point accoutumé de souffrir telles choses en ses pays, ne que oncques nuls le feussent venus fouller en ses seignories sans en porter pugnition. Et pourtant lui prioit, comme qui riens n’en vouloit faire sans ly, qu'il en voulsist faire ce qu'il y appertenoit, ou luy donner etsouflrir ce qu'il en feroit luy meisme , car n'estoit d'avis nullement laisser la chose en cest estat. Sy livra leroy escout à cechy, et lui dist : « Beaulx oncle , je vous ois bien; et congnois bien que vous estes fort informé sur les facteurs, qui ‘sont à moy. Mais, beausire , je vous prie, cnquerez vous bien de la chose et comment la matière s'est engendrée. Ne croyez point de légier, car les rapports sont aulcune fois périlleux et fort danysereux à y mettre créance. Beaulx sire, beaulx oncle, pensez-y bien, je vous en prie, et vous reposez dessus. »
Et alors pensant le duc là où le roy vouloit férir , respondy :« De grand couraige, monseigneur. Je ne feis oncques rapport qui ne fuist véritable; et aymeroye mieulx estre mort que faire aultrement ; et de ce je n amire homme.» Et à telles parolles, rongant son frain, prist congiet du roy, non bien content ; et-retourna eu son hostel. Au quel lui venu là branloit fort son partement de Paris pour retourner au pays. Mais le roy, soy avisant la nuytée et congnoissant le grand cuer de son oncle, au lendemain luy revenu devers [y, luy commencha à dire : » Beaulx oncle, je congnois bien que hier du soir vous n'estiez pas bien content de la response que ‘vous donnoye touchant le faict d’Avesnes nouvellement advenu ; et sçay bien que l'avez à cuer ; et non merveille. Beau sire , je vous prie, faictes en tout vostre plaisir et à vostre disposition ; car je m'y accorde avecques vous. Et vous dich bien que, s'ils estoient en la plus belle et meilleur place de ce royalme et à moy appertenant, premier que n'en eussiez vengance telle que vouldriez, je la vous abandonroye à abattre et démollir sur leurs
GEORGE CHASTELLAIN
corps jusques aux fondemens. Et moy au besoing vous y ayderoye, premier que ne les eussiez. Et pourtant je vous en mets le cas ea vos mains, et n'y quiers riens congnoistre. » Et le duc lors, adoulchy par cestes parolles plus que n'estloit devant, en merchia le roy, et en dissimula au mieulx qu'il pot, soubs intention touttesvoyes tousjours d'en remédyer et besonynier par manière convegnable, comme au cas sévit, et par si bonne voye que nul aultre après ne venroit plus attempter de faire cas semblable, que ce ne feust à son grand péril et gricf. Mais enfin touttesvoyes, après les avoir tenu en prison l'espasse bien de quattre mois, pour l'honneur et révérence du roy, il les fit délivrer vie sauve; et s’en allerent.
