CHAPITRE XXVII

Des dons et aulmosnes que fist le auc en Paris ; et comment la duchesse d’Alenchon vint devers 1y.

En Paris maintenant le duc de Bourgogne gagna les cuers des François. Et souverainement tant s'affectérent Parisiens, que son estre et son personnage leur estoit vie et toutte consolation à le veoir ; et ne prenoient refuge ne recours nulle part que devers ly et en sa maison. Touttes les povres “nobles femmes de Franche, deshirettées par fortunes de guerre et aultres accidens, vindrent vers ly à fortune et à secours; dont oncques nuHe n'en fist rethour despourveue. Touttes gens d'église, moisnes et nonnains, dont ‘es églises et habitations estoient démolies , tournées à ruyne et povrelé par guerre, d'ung bout de réalme jusques à l'aultre, vindrent requérir l'aulmosne. Dont à une seulle personne ne fut oncques faict refus, mais chascun conjoy de main large. Touttes églises et paroches de Paris, sans multitude d’autres povres, les hospitaux et les maisons de Dieu, les ordres mendyans et tout ce qui est semblable, tous emportèrent et rechuprent don, ou en argent ou en réfection, ou en joyaux ou en verriêres, et en touttes aultres manières en quoy on povoit servir Dieu, et en grand mérite acquerre. Et tellement en fist et tant , que, chevauchant parmy les rues chà et là, les cuers et les bouches crioient sur ly par telle multitude

1461] CHRONIQUE DES DUCS DE BOURGOGNE. — I® PART

qu’il sembloit que toutte la faveur humaine debvoit contourner seule en sa personne la . quelle ils enveloppoient de cent mille bénédictions, espoir salutaires. La duchesse d’Alen- ‘chon, une moult noble vaillant dame, soeur au comte d'Ermignac, vint là devers ly en son ‘hostel d'Artois, qui révéramment alla vers elle jusques au dehors de la salle, et humblement envers elle la rechupt de bonne modde.

Ladicte dame se sentoit fort attenue à ly. Dont pour le remerchyer de l'amour trouvée en lui, le vint bienvignier en Paris, car aussi de la fortune du duc d’Alenchon son mary il avoit estet chely qui plus s'estoit mis en paine envers le roy mort pour le conforter et aydier, et qui plus en avoit pris dolleur au cuer s’il eust peu mectre remedde , honneur sauve. Et de ce s'estoit bien acquitté assez le

duc d’Alenchon semblablement et ceste dame

sa femme. Le comte d'Ermignac aussi, remis en ses terres et possessions, vint en son hostel d'Artois devers lui, qui oncques nc s'estoient entreveus ; et lui fist le duc une bonne chierre et humaine. Mais y ot ung accident par le quel ledict d’Ermignac se contint assez royde envers le duc ; le quel il convient compter affin d'y mectre excuse s’elle y puelt estre.

Il est vray que le duc d’Ermignac avoit singulière congnoissance à ung gentilhomme de l'hostel du mareschal de Bourgoingne, nommet Falleran, qui aultrefois, par l'ordonnance dudict mareschal, avoit conduict ce comte d'Ermignac depuis le pays du duc jusques en Italie. A l’eure quand eschappé de Paris vint devers le daulphin à Genappes , et de ià s'en alla à Rome pour estre absout de sa soeur, comme est ailleurs conté plus au loing, si manda cestui d'Ermignac ledict Falleran à venir deversly; et lui venu, lui pria qu'il lui voulsist drechier la voye pour aller voir le duc de Bourgoingne, le quel moult désiroit à veoir; et en avoit aultrefois dict tous les biens du monde audict Falleran. Et ledict Falleran qui congnoissoit les heures et les conditions dudict duc, et que touttes heures du jour n'estoient point propres à parler à 1ÿ, Sinon par grands moyens, lui dist : « Monseigueur je iray vouluntiers devers monseigreur savoir quelle heure il y faict; il vient tart à la messe, il demeure longuement en

son oratoire. Mais dès le plustôt que je polray

parler, je sçauray quelle heure il vouldra prendre pour vous trouver ensemble. Et pour-

tnt demorezichy, sil vous plaist, en attendant

mon rethour. Je reviendray devers une heure ou ainsi devers vous et vous diray touttes nouvelles. — C'est bien dict, ce dist l’aultre. Or allez et je vous attenderay ichy. » Or advint que ce Falleran n'alla pas si tost vers le duc, pour cause que l'heure ne lui sembloit point proppre pour parler à lui, et que l'heure passeroit et il feroit bien son messaige. Et ne pensoit aultrement, fors que le comte d'Ermignac le debvoit attendre au bas de la court.

Si advint que le comte d'Ermignac n'attendit point Falleran ; mais premier que ung quart d'heure passa , monta à cheval et s’en vint en l'hostel d'Artois descendre , monta en sa salle et commencha à regarder là et quérir après Falleran, pensant que jà eust fait son debvoir devers le duc qui encores n’y estoit entré.

Or s’attendoit-il tout sur luy et ne quist aulire moyen, parquoy longuement là vaucrant et soy pourmenant chauffa la chire, che lui sembloit ; et y prist argu, pensant que le duc sceust bien que là il se pourmenoit et le hst attendre par l'espace de demie heure. Le quel duc ne sçavoit certes, ne que de sa mort; et se sceu l'eust ne l'eust faict pour rien; car plus courtois de ly n’avoit au nonde, ne plus humble envers hault sang. Quand doncques on le vit ainsi pourmener si longement , et que l'on véoit bien que sans cause ne se tenoit point là, qui meismes estoit ung grand prinche et puissant, aulcuns s'abordèrent à ly, aux quels il descouyry la cause de son venir là , et comment il attendoit tousjours response de Falleran.

Si se trouvèrent esvergondés cestes gens ; et s'en allèrent de thire devers le duc de Bourgongne, et lui dirent comment le comte d'Ermignac s'estoit pourmené par une longue espasse sur l'attente de Falleran. Si en devint le duc esmeu en cœur de la faulte qu se pooit noter; et prestement fist anamer torses et venir devers ly aulcuns seigneurs; et cavoya au devant dudict comte, qui encore ne pensoit aultre chose, fors que le duc se feust ainsi grandy devers lui par le faire attendre et chauffer la chire .Si s'avancha ets'en vint devers le duc; là où le duc ne se grandit

point comme il pensoit, mais vint au devant |

de ly. Et le comte, enflé puelt estre en coer, se grandy envers le duc. Car, comme on me

recorda , de tous les prinches de Franche ce |

fut celly qui plus se cuntint roide et moins jui fist d'honneur. A quoy twuttesvoies le duc ne visa que ung peu, mais ses gens le notèrent assez. Finablement le duc lui fist honneur et chierre bonne. Et prindrent vin et espices ensemble, et puis departirent chascun, sauve sa querelle. Mais plus gaigne celly qui honnoure aultrui en soy humiliant soubs maindre, que qui , pour non honorer son meilleur, soy meisme blasme et ravalle, selon le proverbe ancien disant : que l'honneur n'est pas en celly qu'on honneure , mais en celly qui l'honneur faict et monstre.

Moult estoit noble et grand chose de veeir par chascun jour che duc de Bourgongne aller par rues seoir à tables et en bancquets aveucques ses nepyeulx le duc de Bourbon, le duc de Glèves , le comte de Nevers,le comte d'Estampes , messire Adolf de Clèves, l'archevesque de Lyon, l'évesque de Liège, et les autres grands barons qui faisoient resplendir Paris de richesses et d'estat. Car aveucques ee tous aultres prinches et barons qui en Paris estoient souvent, et qui fréquentoient cesle maison, comme le duc d'Orléans, le comte de la Marche, le comte de Dunois, le comte de Vendosme, le seigneur d'Orval, le capdet d’Alebreth, tous en faveur et par moyen l'ung de l'aultre , par espécial du duc de Bourbon qui la seignorie du costé de là avoit tout à sa main, si estoit merveilles à oyr parler, à part telle fois, les nobles et sages grans barons pluiseurs qui oncques n'avoient veu che duc que maintenant, si non par renommée. Et disoient que au prince véoient et congnoissoient quel chose c'estoit de y et de son grand. Car, aveucques ce que sa puissance sentoient grande, si véoient ils aussi sa personne reluire en multitude de dons de Dieu, que aultretant réputoicnt que le povoir. Parquoy, en faisant leurs devises de ly et voyans ses œuvres et sa conduite, dirent à bouche ouverte : « Hà! vez-cy où repose l'honneur de Franche ! Vechy où gist abscond tout le précieux et le chier des fleurs de lis, a force plus redoubtable de ce royaulme, et

NN

GEORGE CHASTELLAIN

en qui plus se doibt quérir et espérer salut pour sens et gratuité de conduite! Non merveille se le roy mort a pesé à la balance de ly mouvoir estrif et d'avoir contenu son Cour. roux en loisce par longue daliance. Car nous voyons en ly tant que, se l'aultre l'eust veu comme nous de vif œil, il en eust faict la réputation grande comme nous. Doncques c'est pitié que oncques son eur n'a esté si bon que de l'avoir veu. Car jointes ses vertus aulcunes que avoit aveucques les meurs de cestui duc, et vray ami comme debvoient, le remanant du monde n'estoit riens en leurs deux mains. » Telles et semblables raisons maintes dirent l’ung à l’aultre les Franchois, voire les sages et les entendans. Entre les quels aussi en y avoit des aultres, de legier cuer et plain de vanités, qui n‘y accoutoient non plus que s'iln'eust esté nés, et ployoient plustost envers l'anchien venin qu'envers vérité et sain jugement, comme jamais le monde ne sera aultre ne oncques ne fut. Le seigneur deLobeac, mareschal de France maintenant déposé, ung moult noble chevalier et vaillant, Dieu scet les belles et les nobles paroles qui de iy vindrent touchant ce, prinche; lequel le roy avoit debouté par spn plaisir; qui touttesvoies estoit une perle de chevalier entre milte.

Pareillement et le comte de Laval en fist grand

feste aussi et lui presta son affection toutte ,

aveucques d’aultres si grans et si plantureux que de la plupart du royalme de dechà L'yre et de beaucop de là, en ung besoing il en eust eu les cuers et les services, et nun lépièrement prestis à ly mouvoir guerre, quand fortune l’eust donné ainsi; que graces à Dieu oncques n'est advenu.