CHAPITRE XX VIIL

Comment on commenchoit à congnoistre les conditions du roy Loys et à quel An il tendoit.

Le roy avoit la fréquentation de ses barons et princes enthour de ly par debvoir; et chascun comme sollicitant son privé faict; et le duc à l'aultre les avoit par récréation et amour ; et meismes faisoient de ly pluiseurs leur pilier envers le roy, comme pensant que ly seul povoit tout envers ly. Mais ce temps

se changea ; et le perchupt prestement le duc. Æt par ainsi, comme il vit che chambgement, se contint et tira sus la bride selong le cas. Car, à dire vray et selon ce que j'en ai trouvé, {ant par ses euvres que par record des notables, le roy, prestement luy venu à Paris, descouvry et monstra meurs nouvelles, changea condition et propos, et en beaucop de cas se monstra aultre que pluiseurs n'eussent pensé. Si en convenoit faire son profit au mieux qu'on povoit, et prendre tout en gré. Le duc touttesvoies tousjours se contint humble et sage, constant et souffrant ; et les choses les quelles il ne povoit amender ne muer, il les passoit en faire bonnes chières aveucques sa niepce la duchesse d'Orléans, la quelle tous les jours voyoit, ou ly allant vers elle ou elle venant devers ly; et là se faisoient les festiemens et les grands chières èsquels portoit part tout ce qui estoit de bel et de bon en Paris de seignorie. Le roy désiroit fort à traire envers ly le comte de Charolois; et à ceste cause donna singulière privauté et entrée à ung nommé Guillaume Bissche, qui estoit ung des singuliers du monde auquel le comte son maistre donnoit plus de crédence ; mais beaucop en contraire du gré du duc. Car ne l'aymoit point, et encores moins le prisoit, pour ce que le sentoit homme de grand péril pour estre d'emprès son fiis.

Mais pour sa proppre paix et complaire à son fils, il lui en convint souffrir, et sy en dissimüla.

Ce Guillaume monta en telle auctorité

aveucques le roy que merveilles seroit à dire.

Et avoient les sergens et huissiers d'armes et tous aultres de la chambre exprès commandement du roy que, àtoutte heure, feust nuyt feust jour, feust le roy couchié ou endormy, on lui ouvrist la chambre sans contredict; et ainsi en fut faict à plusieurs fois. Le roy et ly allèrent bras à bras par nuyt, telle fois estoit, parmy la ville de Paris visitter dammes et damoiselles. Car ledict Guillaume avoit la congnoissance de toutes celles, du temps encorre de l'aultre roy, que ledict Guillaume demoura à Paris ad cause de l'indignation que le duc avoit vers ly. Dont le duc de Clèves et messire Philippe Pot, lui procurèrent sa paix; qui depuis mal le recongreut, ce dirent

CHRONIQUE DES DUCS DE BOURGOGNE. — I" PART

aulcuns. Le roy en ce temps ichy recommencha à devenir amoureux. Et sur les addresses dudict Guillaume qui sçavoit les lieux, secrettement servit amours; dont je me tais à tant; et viens au duc de Bourbon au quel le roy osta le gouvernement de Guienne, non obstant que c'estoit cely seul du monde q:1 mieulx y avoit servi le roy mort, et qui ca grand soing et labeur de corps vaillamme:t l'avoit gardé allencontre des ennemis, depuis la seconde reprise de Bourdeaux. Si s'en couroucha amèrement le duc de Bourbon, et arraisonnant le roy pour ceste cause, lui dist : « Monseigneur, vous m'avez osté le gouvernement de Guienne que monseigneur mort, vostre père , me donna , et en le quei je me suis tellement porté que nul blaisme n'en est devers moy ne dommage à la couronne. J'ai bien et léallement servi jusques ichy, et suis vostre parent ; et pleut à monscigneur vostre père moy donner sa fille. Moy ne les miens n'avons desservi vers vous que nous deussiez désapointier. Et me semble que nostre amistié et service vous est bien séant, et que nous sommes bien pour vous servir. Se vous nous vollez t’nir tels termes de rudesse et nous estre ainsi dur, vous nous donrez petite occasion de vous aymer et encoire moins deservir. Monseigneur! monseigneur ! pensez sur ce que je vous dicts et sentez si je vous dicts vray. »Et alors le roy qui l’avoit souffert parler tout à son ayse et d'une alayne, lui dist : « Deà! beau frère, qui vous ot, il sembleroit que vous querez la noise; mais quand à là viendroit, on en feroit le mieulx qu’on polroit.

— Monseigneur, je ne la quiers point, dist celly de Bourbon; mais ce que je vous dicts est vray. Et vous dicts encoire une aultre fois que vous y pensez sus; et je vous donne an et jour d’y penser. » Ces parolles furent haultement eslcvées et mises en diverses interprétations, plus en faveur du duc de Bourbon que :ultrement, pour cause que c'estoit ung gentil prinche , certes, et ung vaillant chevalier, et des plus aparzaa du royalme et pour mener ung grand faict. Si donnoiïent grand tort au roy pluiseurs des barons; et le blasmoient couvertement de désapointier ung tel seigneür pour y mettre à l’adventure ung mendre et mains digne. Et de faict le cas luy debvoit bien

LC:

cuire , veu que ly et sa maison povoient bien servir le roy, et mieulx que phaire nul aultre. Si se party du roy tout gros de cuer et laissa le roy peuser en ses parolles , tout reconforté en ce qui s'y povoit entendre.