CHAPITRE XXIX
Comment George repreuve avoir faict l’introït de ce vie volume d’aultre nature que ne trouve par l'ingratitude qu’il troeve en ce roy Loys.
J'avoye espoir grand au commenchement de ce sixyesme volume, lorsque j'ay commenchié à traictier. de ce nouvel roy Loys, que mes matières dès-or-mès seroient joyeuses et de fruict, et que pluiseurs apparences et belles . parolles du temps passet sortiroient à leurs effects et conclusions honorables. Mès quand j'oy rutiller les voix des hommes autour de mes oreilles comme mouches estornissans, et que les records à moy faicts portent plus de murmure et doléance que aultrement, j'ay peur qu'il ne me faille reboutter ma plume arrière en encre de mélancolie, et que ce que j'ay pris pour matière d'espoir et de salut par cy devant, je ne le contourne constraint en toutte contraire dissidence. Car où je voys que les haultes et glorieuses œuvres ne rendent fruict, que honneurs et léaultés parfondes ne gaignent retribucions, que promesses et haultes parolles deffaillent en leur efficace, cueurs se changent, se renouvellent meurs , sc soubtillent voyes estranges , s’oublientbienfaicts, etse tourne faincte simulation longuement portée, au vray et vif descoevrement de sa nature, à fierté, à envye, à descongnoissanche etingratitude, quel doncques doibt estre l'espoir en quoy me‘polray fonder, ne quel sera le fondement désormais sur quoy
polray faire joyeulx édifice, quand en front
me viennent ferir les choses meismes qui me desconfortent et desquelles je crains aultres povoir ensielvir plus grances et plus desplaisantes? Certes, comme plus m'aura esté joye mon espérer en nouvelle fortune, tant plus me sera dolleur et playe , quand, par l'expérience des choses, je me viendray à désespéranche; et me tourneront lors mes ris en souspirs, mes attentes en défiemens , et mes
GEORGE CHASTELLAIN
fols cuidiers en payemens de meismes ; comme raison voeult que : qui follement cuideet espère follement troeuve. Or comment faire rethour aux Liégois, dont les ambassadeurs maintenoient , et les députés de par le pays sont venus à Paris, et là pourchassent à savoir la cause de l’indignation que le roy avoit encontre eulx, ensemble et pour parvenir à sa grace et clémence pour réparer, se riens avoient mesfais ; pour excuser aussi, se à eulx aulcunes charges estoient données ; et finablement pour eulx mectre et submectre en sa garde et protection comme avecques le roy mort, et de lui offrir service et assistence toutte ferme et entière. Aux quelles choses quérurent les moyens à l'expédient du cas et de leurs intentions. Et les rechupt le roy ses adioings et ses allyés, aveucques promesses de les garder et deflendre contre tous et envers tous, et en la meisme manière et comme son père les avoit recheus et tenus sans quelconcque réserve. La quelle chose sembloit estre moult estrange et de malvais espoir à beaucop de gens; et au duc de Bourgonyne estoit une grand notte de malvaise interprétation qui tant touttesvoies leur avoit faict d'honneur et de service. Semblablement 14 chose ainsi faicte tourna à grand desplaisir au duc de Bourbon et à ses frères, ad cause . de l'ung d'iceulx qui estoit evesque de Liège, et ne se povoit bonnement chevir des Liégois ses subjects, ainsi qu'il l'eust bien volu. Si sen pensoit ledict de Bourbon vengier sur yceulx en faveur de son frère. Dont maintenant, quand le roy les avoit pris en sa main, estoit rompue la maulvaisetié. Mais pourtant ne s’en laissèrent ils point à dolloir et à plaindre et de le porter à bien dur, poset que souflrir leur en convenoit pour celle heure.
