CHAPITRE XL

Comment le roy et le duc chascun charchoit à soy rethirer pour leurs affaires et des parolles que le roy tint du duc.

Or commenchoit-on fort à parler du parteent de Paris; et avoit le roy forment affecon vers le pays de la Loire, et le duc vers son pays de Brabant et de Haynnau ; aveucques ce aussi que les afaires de l’ung et de l'aultre se donnoient ainsi, nonobstant que se

CHRONIQUE DES DUCS DE BOURGOGNE. —I® PART

le duc eust peu trouver telle amorse , qui au présent commenchoit à régner, il ne se feust point sitost tannet de ly; mais desjà on lui avoit monstré tant de malvais exemples que l'affection lui debvoit estre petitte d'y faire loing séjour; pareillement à tous ceulx de sa maison; car n’y avoit nul à qui le cuer en deist bien et qui se loast ghaire du roy, sinon des vaines promesses et des parolles vyddes sans nul effect, et par lesquelles grands et petits le jugèrent descongneu , et tout fainet homme et estrange le plus des aultres. Meiemes le duc qui cuidoit estre celly du monde pour qui plus feroit, par mérite de service à ly faicte, s'en trouva le plus bastard et le plus eslongié de cuer qui fuist en tout le sang; et tellement que à moy meisme il me dit et me certiflià, que de touttes les requestes qu'oncques:lui avoit faictes, à Rains ct à Paris, oncques une seulle ne lui avoit accordée ; et encoire lui avoit dit le roy qu'il estoit cons trainct de la non denier. Parquoy le duc aussi lui respondy tout de meisme : « Eh! monseigneur, je vous merchie ; aussi par constraincte vous ne eussiez rien faict, et grand merchy. » Et par ainsi doncques en diverses manières et qualités, il acquist pluiseurs froidesses des coraiges envers ly et peu d'amour, beaucop de réprobations en son nouvel venir, et peu de meismes. Et de ses povres subjects, qui cuidoient avoir trouvé Dieu par les pieds quand l’avoient à nouvel roy et que deussent estre soulaipiés des grandes tailles et impositions que le roy son père avoit mis sur eulx, maintenant, quand virent qu'à la requeste du duc de Bourgoingne, en qui gi soit tout leur espoir, ne les volu mettre jus, commenchèrent à regretter arrière 1?

roy mort et souhaidier sa vie, eulx réputans encoire plus eureux du mort que du vif; car avoit refusé, comme vous ay dict, au duc de Bourgoingne , à ramodyer les täilles et impositions qui avoient courues , et semblablement de pardonner à tous ses mesvolans, de traictier bien et avoir en sa grâce les serviteurs de son père , de laissier les prinches de son sang en leurs pencions et anchiens drois, semblablement les haulx et grans barons du royaulme. Et puis touchant son privé faict , il avoit pris les Liégois en sa

garde , si bien contre ly que contre aultre , ;

comme avoit faict son père , qui estoit cas de grand notte; lui avoit volu faire rompre les trèves que il avoit avec les Anglois pour le boutter en gherre et en tribulations ; l’avoit quis chastoyer par diverses aultres manières, comme son père l'avoit quis aultrefois ; et par lesquellesilet les siens, ils y mirent ung povre espoir; avoit oultre ce interposé en orgoeul et en mal beaucop de haulx et grans fais du duc, fais pour celly temps en Paris, en l'honneur de ly; touttesvoies avoit hongnié sur le duc de Clèves, ung bel prinche entre mille, qu'il estoit plain d'orgueil et de beubans. A son frère messire Adolf de Clèves son compère , il défailli de promesse et de congnoissanche. A tous aultres des marches du duc de Bourgoingne , grans et moindres, réservé seullement au comte de Charolois , au seigneur de Croy, au bastard de Bourgoingne et à Guillaume BisChe , à iceulx il compleut et leur favourisa à cautele ; et à tout le ramanant il tint. bride roidde. Dont la pluspart de ceulx ne feirent ghaire grand pois de sa manière de faire; mais dirent bien que autant en avoient-ils bien congneu et doubté en ly dès la première heure, quand vint au pays devers le duc. Le duc de Clèves sçavoit très bien que le roy avoit hongnié sur ly et qu'il l'avoit reprouvé d'orgoel et de bobans, pensant qu’il ne veulsist battre le chien devant le lyon , etle meismes notter sur son oncle le duc. Dont il advint ainsi, que le duc de Clèves, qui estoit riche prinche et puissant et de riens subget à la couronne, et aveucques ce que il estoit bel chevalier, si estoit-il sire aussi de grand cuer et avoit ung sens à l'advenant pour bien conduire ce qui estoit à faire, ung jour se trouva en une’ assemblée, là où avoit aulcuns de la chambre du roy, et lesquels il vévit bien que c'estoient gens pour lui rapporter ce qu'ils lui osoient dire ; et en effect, par petittes entrées qu'il fist pour cheoir en langaige, commencha à dire ainsi: « Je né sçay que peult mouvoir le roy de soy mesler d'ung si povre chevalier que je suis, aultrement que de son serviteur et parent qui le vouldroye servir. L'on m'a dict qu'il m'a blasmé de mon orgueil et de mes pompes, mais je voel bien qu'il sache que de mon

GEORGE CHASTELLAIN

[1461] orgoel , tel qu'il est, et de tout mon avoir,

je servirai monseigneur mon oncle et mon

maistre envers tous et contre tous qui ores sont en vie. Et le prende pour orgoel qui vouldra, et sen appaise qui poulra; car ainsi le feray.» Et cechy dict le duc, tout à cause et affin que ceulx qui là estoient lui en feissent rapport; et estoit bien aise d'avoir trouvé lieu là où il s'en peust desenfler pour faire payement de meismes. Si advint ainsi, que le duc de Clèves ayant recheu nouvelles de ses marches, que ung sien oncle puissant et moult anchien estoit allé de vie à trespas, et duquel il estoit héritier prochain , si voult partir de Paris. Et de faict prist congié à son oncle pour s’en venir devers le pays de Clèves, qui voulontiers s’y assentoit. Et pour soy mettre en debvoir vers le roy, voult prendre congié à ly aussi, premier que partir, comme raison lui enseignoit de faire. Si vint ung soir à l’hostel du roy , en espoirde povoir avoir approche à lui et lui dire adieu ; et fit signifier au roy sa venue droict là et la cause de son accès, qui de loing temps après ne par mander, ne par buischier, ne peult trouver âme qui lui donnast espoir d'entrer en la chambre, jà-soit-il que pluiseurs de petit estat, gens de toutte sorte, il en veyst saillir et entrer. Et ly se pourmenoit tousjours en la salle par l'espasse d'une grande heure, non bien à sa paix, mais esmeu en cuer. Dont enfin touttesvoies, quand ne se perchupt de nul abrègement fors de ly faire chauffer la chire , trouva ung nommé le seigneur de Villers, gentil chevalier breton et moult gratieux homme, auquel il dist : « Monseigneur de Villers ,-j'ay chy esté et attendu plus d'une grande heure piétiant en ceste salle; et ay faict dire au’ roy mon affaire et mon partement par pluiseurs entrans devers ly. Je n'ay oncques peu avoir entrée devers ly. Je vous prie qu'il vous plaise me recommander humblement à la bonne grâce du roy, et lui dire que j'estoye venu iCy pour prendre congié à ly. Je ne ly

demande rien et n’ay Ÿolu demander, fors :

tant seullement sa grâce et que je le serviray s'il lui plaist. A Dieu vous commande. » Et à tant se party le duc de Clèves; et plus ne Quist le roy, ne pour congié prendre, ne pour aultre chose