CHAPITRE XLI
Comment le roy vint vers le duc en sa maison d'Artois, où il fist convenir tous les enffans de Paris.
De tels ct si fais hongnis fut grand murmure en Paris entre hommes et femmes; et y avoit de divers langaiges espars , dont les ungs les pregnoient à l'advantage et les aultres à leur dommage. Et comme le terme estoit jà venu sur son partement, et que, en une telle convention que avoit esté là , il séoit bien que touttes choses se vydaissent par doulcheur, le roy qui avoit esté adverty de ces hongnys et que la charge lui estoit donnée de s’estre mal porté envers le duc son oncle, par quoy il lui sembloit avoir hongnis entre eulx deux et maltalent, et que prochainement leur partement se debvoit faire de l'ung et de l'aultre, le roy s'avisa de voulloir faire cesser touttes ces murmures et de donner à congnoistre au peuple, que la chose estoit tout aultrement qu'ils ne cuidoient. Et en effect ung jour dont il volloit partir l’aultre après, le roy monta à
cheval, disant : « Je monstrerai à ceulx qui
murmurent maintenant, se beaulx oncle et moy sommes en courroux , ly mal de moy, ou moy mal de ly; car je m'en yray devers ly en son hostel d'Artois. » Et montant à cheval en effect s'en alla de plain erre jusques aux Innocens, là où le duc vint hastivement au devant dely , car avoit entendu que le roy estoit meu pour venir là envers; si s’estoit advanchié pour venir au devant de ly et pour l'honnorer comme il debvoit. Et là s'entrecontrèrent ; et alla le duc aveucques ly jusques en son hostel d'Artois, devisans ensamble jus- ques au descendre. Et descendu , entra le roy en la chambre de son oncle, et ly aveucques le roy, là où ils eulrent longues devises. Si estoient venus là par mand du roy aulcuns du conseil du roy, et des plus grands de la ville, tant aussi de l'église comme de l'université ; et eulx là tous assamblés , en la fache de son oncle leur va dire :«Vous ceulx de l'église’et de l'université, et vous qui avez la gouvernance de ceste ville de Paris et estes mes subjets et mes suppos, vez chy beaulx oncle, le seul du monde à qui plus suy tenus, et
CHRONIQUE DES DUCS DE BOURGOGNE. — I" PART
de qui je tiengs ma vie et ma couronne et tout le bien que j'ay. Il est sur son partement pour aller en son pays, et moy sur le mien pour aller en Touraine. Je vous prie et commande que voelliez faire procession généralle en la. quelle vous pryiez et fachiez pryer pour ly et pour moy et pour le salut de ce royalme, qui en grant part gist en sa main. C'est mon père et mon resort, et qui m'a sauvé tel que je suis. En touttes vos oroisons que polrez faire pour moy , je le vous recommande comme moy par ung exprès ; et voeulle qu'en toutte église et sermons le fachiez prononchier 2insi ; car vous n’en polrez tant faire que n’y soyez plus tenus, à ma cause; et moy plus que vous tous. »
