CHAPITRE XLII

Des humbles remerchimens que fit le duc des belles parolles et offres que le roy luy disoit.

Quand ces parolles furent dictes, pensez le duc, qui n'estoit point arrogant comme vucillant à luy attribuer tel los, ains et plustost soy réputant indigne de telle honneur , posé encore qu'il y peust avoir cause , sage ment s'excusa de telle loenge. Et voyant la grandeur du cas, que coste à coste le roy le vouloit faire nommer #veucques ly en touttes orations et recommandes , humblement remerchia le roy, soy réputant'indigne de tout, disant : qu'en quoy qu'il avoit faict au temps passé ne présentement, il estoit tenu; et estoit peu de chose envers l'appertenir de sa haultesse ; mais lui desplaisoit bien que mieulx n’avoit peu faire , et que son bon voulloir ne povoit tourner à si grant fruict à ly et à sa couronne, comme il avoit bon désir; et que pourtant il lui pleust prendre en gré l'humble service qu'il lui avoit faict et volu faire, en toutte parfonde léaulté et vray coraige. Sur quoy le roy, qui bel langaigier estoit et de soubtil sens, se recouvra de belles parolles, luy remettant en face tousjours comme il estoit tenu à ly et non à aultre , et que pour tant ne le porroit jamais assez honnorer ne guerdonner; ne remerchier ; mais lui pria qu'il voulsist prendre en gré son bon voloir envers ly et son souvenir perpétuel, et le

corps et la chevance et son royalme estoit tout à ly, car de ly aussi bien il tenoit tout.

Siestoientles mots beaulx d'un costé et d’aultre : ; mais de la part du roy, par l'expérience des choses passées que les sages nottèrent, et de celles aussi qui depuis advindrent, il y sembloitavoir plus'de vuydeur que d'effect, et que ce n'estoit que benoite eau de court gettée d'une esponge de platte langue.

Touttesvoyes le lendemain après, et que le tour fut ordonné de faire procession généralle :omme le roy l'avoit chargié , furent attachés (es briefvets au palais, devant Nostre-Damme, et devant les portes de Louttes les églises et colléges de Paris , faisant mention expresse et toutte égalle du roy et de monscigneur de Bourgongne nomméement, et sans aultre :

que tout le monde convenist à la procession qui se debvoit faire pour eulx deux, affin que Dieu, regardant le salut de ce réaulme, les voulsist entretenir en amour et en bonne union eusambl!e , et les sauver tous deux de péril par la multitude de leurs dévotes orations. Et certes comme il fut ordonné, ainsi fut il faict. Et fit la plus belle et solennelle congrégation de peuple et des gens d'église qui ayoit esté veue, passé a loings ans. Plaise à Dieu quece leur ait esté à loenge et gloire, et tourné aux déprians à salut.

Dont le lendemain après que le roy avoit esté en l'hostel d'Artois devers son oncle, le roy party de Paris, par ung quartier vers le logeis. Et le convoya le duc aveucques toutte sa chevalerie. Lequel après avoir congié prins, par commandement du roy qui ne le veult souffrir aller avant, retourna en Paris ; et de là en avant disposa de son rethour aussi devers ses marches, là où il estoit desiré beaucop. Dont, quand ce vint au jour de son partement, ceulx de la ville de Paris, les grands et les notables , ceulx de la loy et qui avoient l'administration publique de par le roy vindrent devers 1y, luy faire présentation de la ville, la mettant en sa main, yen sa commandise et en son obéyssance et ser. vice toutte , tellement et par égal comme au roy sans quelconque différent. Dont, posé ore que le roy leur avoit commandé de le faire ainsy, si le faisoient ils de proppre naturelle } affection que avoient envers ly, et vouloient

GEORGE CHASTELLAIN

maintenir durable, comme au prince de la terre après le roy à qui plus se tenoient tenus et que plus volentiers serviroient. Doncques quand Parisiens avoient faict ceste offre et que le duc les avoit remerchié ainsy qu'il appertenoit, vindrent ceulx de l’université faire une proposition devant lui en franchois, en laquelle, par les gloireset exaltations qu'ils luy donnoient et par les causations multiformes des loenges que le proposant lui jugoit appertenir, son cuer qui si vertueux estoit, comme je l'ai cuidié, se devoit plustost esvergonder que esjoyr ; Car, posé que amour leur fist dire et tenir en termes el que expérience de ses mérites leur estoit vray fondement et les thirast ad ce faire, la grandeur de ses vertus luy devoit conseillier à fuir l'extrémité de la gloire, par paour en soy meismes de non le valoir ; car souveraine perfection en homme de vertu, si est non cuidier estre digne de los. Quand donc ce los y vient et la vertu y est grande, la réputation qu'on faict de soy meismes est petitte. Si ne fault pas que homine cnquière cy après pour sçavoir quel los ne quels tiltres ce proposant de par l’université donna ad ce duc de Bourgongne, ne quelles allégations ne preuves il ramenoit en compte pour venir à .

sa conclusion; car par les mettre ycy, il sembleroit que ce se feist.pour tousjours le solemnisier et grandir comme l'aigle du monde.

Mais sans ee que je meisme réeitte les mots, ils les baillèrent si hault et si glorieux et si prouvés et fondés en mérites précédentes, ce disoient ,qu'à mortel homme plus ñe tant à paine ne s’en est faict ne dit en Paris depuis que l’université y est assise, ne cn Romme depuis que Cesar y obtint le premier empire.

-Dont cy après en temps advenir, lors que soubs la merchy du créateur je gyray en terre pourry, et seront mes livres en diverses mains et nations multipliyés, dont plusieurs à l’adventure pourront avoir envie envers la fame et maison de ce duc longuement mort aussi, ou à dur porteront et vouldront croire la gloire de cest homme, imputant à moy -seul la faveur et l’exaltation flateresse cy et ailleurs. Quand ad ce viendra, je supplie doncques à tous nés et à naistre que de ce ne me donnent charge ne jocusement, mais se preguent.

au roy meismes de présent, Je rov Loys, qui

14461] CHRONIQUE DES DUCS DE BOURGOGNE.— I" PART

ainsi l'a faict gloriffyer, meismes à son couronnement , par œuvre et par faict; se prengnent aux haults prélats du royalme et des collé,;es qui aiasi de proppre instruction d'ame l'ont faict et volu faire en sa conjoyssance ; S'en prengent à ceulx du parlement et de l'université, le fondement de la foy chrestienne, et qui riens ne decrete ne ne fait sans cause et sans gravité, et qui riens ne raic’ fruste ne en vain. Or se prengnent à eul1 , et viengne ou vivant ou mort qui les redarguë de non deue œuvre; se prengnent aussi à tous les sains pers de Romme depuis le pappe Martin jusques à puis, et à tous les colléges des cardinaulx et aultres prinches et rois de la terre, qui tous l'ont honnoré, grandy et famé sur les vivans hommes, et donné gloire et exaltation plus par merveilles que par possible à croire. Et se tels sont dignes qu'on adjouste foy à leurs fais, on me deschargc doncques de faveur nottée et de parcialle œuvre, qui autretant eusse faict et feroye du seudan, s'en luy estoient les mérittes ; car ce ne m'est point tant de ly ne de sa gloire, qu'il ne me soit trop plus de mon honnenr proppre, qui pend licitement en voir déclairer et dire ou par constraincte (4). . .