CHAPITRE XLIIL

Comment le capitaine de la Bastille vin£ offrir la place au duc par commandement du roy.

Le duc doncques, après tous offres à 1y fais, ensamble et les haultes révérences de tous les membres de Paris, se partit de la ville, à grand regret des dammes et de touttes gens notables, souverainement du quartier des balles où il fu plaint et plouré durement; et non merveilles, car c'estoit tout leur honneur et leur réfection Si le convoya le comte de Charolois son fils jusques à Sainct-Denis ; et puis s’en retourna à Paris arière, car de là s'en debvoit aller en Bourgoingne où jamais n’avoit esté puis qu'il y estoit né, et porté dehors lors que encoire n'avoit que ung an. Si advint que, ainsi que le duc estoit jà à cheval et s'en alloit son chemin, le cappitaine de la Bastille ly vint, hastant après ly à force de

€4) Lacune dans le manuscrit.

cheval, car n'avoit cuidié son partement sy soubdain ; et lui vint dire : « Monseigneur, le roy m'a commandé que je vous mette en mais la Bastille, et que je vous en face seigneur et maistre comme sa personne , et qu'à tous vos commandemens je la vous oevre, baille et délivre ; et vous y boutte dedens et fort et foi. ble ; et vous y soye obeyssant et servant, et à tous ceulx de vos gens qu'il vous playra moy commander et ordonner. Et pour tant, monseigneur , je m'acquitte envers vous de la charge que monseigneur m'en a donnée; et vous supplie humblement qu'il vous plaise avoir pour agréable. Et moy de ma part je m'y paroffre à l'accomplir léalment comme je doy, et que aveucques ce il vous plaise prendre en gré mon humble service. » Si respondy le duc alors : « Le roy m'a fait tant d'honneurs et non séans à moy, que ne le sçay comment remerchicr assez. Dieu luy voelle rendre ce que ne puis de moy. Et de cecy et d'aultres choses je le remerchie et remerchiray. La Bastille est en bonne main; gardez la bien, et en l'honneur et profit de cely pour qui je la vouldroy garder meismes, se je la tenoye. Et vous, je vous remerchie de vostre bon acquit. Se vous avez à faire de moy, je vous feray plaisir de bon cuer. » Et atant prist consié le Cappitaine et retourna à Paris; et le duc s'en alla à Sainet-Denis là où il se tint deux nuits; et premier qu'il s’en partist fist delivrer l'am

bassade d'Orient qui avoit esté quatre mois aveucques lui et en ses pays à ses despens.