CHAPITRE XLIV

Comment le duc se party de Paris et comment il fut festoyé à Beaurevoir par le comte de Sainct-Pol.

En l'estat et manière/que avez oy s’en est party le duc de Bourgoingne de Paris, en telle grace et faveur et en tel regret de peuple que, de mémoire d'homme, il n'est trouvé que oncques prinche en vydast si bienvolu , ne de qui on feist tant de glorieux compte comme de ses fais après son eslonge. Or ainsi que debvoit passer pays, le comte de Sainct-Pol qui estoit rentré en grâce , délibéra de le festoyer en sa maison à Beaurevoir. Et en effect lerechupt et le festoya haultement, comme bien le sçavont

faire, car il estoit moult puissant seigneur et riche. Doncques de là passant par Cambray, s'en vint à Valenchiennes, là où avoit mis jour au légat du pappe, évesque d'Arras ; semblablement à l'ambassade d'Angleterre du roy Edouard, qui y arriva par ung mardy, huitiesme d'octobre, lorsque le duc y estoit arrivé devant. Et furent chiefs de cest ambassade, ung chevalier de l'ordre de la Gerretière nommé messire Jehan Wennesor et ung aultre nommé messire Jehan Claix, portant le nouvel collier du roy, la rose blance et le soleil, et ung seigneur d'eglise du pays de Bourdelois, nommé l'archidiacre de Bourdeaux, notable homme et bon clercq, qui tous ensamble povoient estre au nombre de chincquante chevaux ou environ. Et eulx approchant la ville de Vallenchiennes , envoya le duc audevant de eulx l'évesque de Tournay aveucques ceulx du conseil. Envoya aussi grand part de sa baronnie et des nobles de son hostel pour les bienvignier. Et tous ensamble les menèrent descendre en leur logis, À où ils furent aisiés et compleus de tout ce qu'il estoit possible de faire et de penser, et tout aux despens et provision du duc jusques ung denier près, d'autant qu'ils y estoient.

Dont la première nuyt passée, le lendemain, qui estoit ung merquedy du vespre, le duc les manda quérir notablement pour venir devers ly en une sallette, là où.il,avoit emprès ty le comte d'Estampes, le comte de Sainct- Pol , l'archevesque de Lyon, l'évesque de Liège, messire Adolf de Clèves, messire Jaques de Bourbon, le seigneur de Croy, le marescal de Bourgoïngne et multitude d’aultres nobles et haulx barons que je trespasse pour brief. Et là venans les dis ambassadeurs mirent genoulx à terre et présentèrent leurs lettres, lesquelles veues dirent leur créanche; dont la plus généralle et celle qui se faisoit en publicque , si estoit : que le roy d'Angleterre présentement regnant les envoyoit vers ly, près estre venu à chief de ses affaires, pour le remerchier de tout son coer, de vrayes et enthières faveurs que 1y et les siens avoient trouvé en 1y au temps de luite dont il estoit maintenant à bras deseure. Dont, et pour plus conserver et confermer telle faveur encommezci<e, qui tant lui avoit donné fruict, et

GEORGE CHASTELLAIN

pour tant plus estre conjoings en amour ferme l'ung aveucques l’aultre, le roy Edouard envoyoit deversly lui rendre grâce en ung endroit de ce qui estoit passé, et prier et requerre pour le futur temps que l'amour y puisse demorerestable et ferme entreeulx deux, comme qui plus en estoit désirant que de nulle rien . du monde ; faisant dire oultre ce et remonstrer audict duc: que de sa main et nulle aultre, après Dieu , il tenoit et possessoit la couronne d'Angleterre; et n'en debvoit grâce ne recongnoissance à mortel homme qu'à luy seul; dont il requeroit et avoit requis à Dieu pour vie et espasse de le recongnoistre envers ly.

Cecy,à tant que j'en apris lors, fut la géné. ralle et la substance du premier soir que proposèrent devant le duc, sauve que ly dirent bien: que aulcunes choses leur avoit chargié leur roy de dire en privé et à ‘part au dict duc, de quoy, quand il lui plairoit , feust à 1y, feust à ses commis , en secret ils feroient voulentiers l'advertence. Et à tant se levèrent. Et les rechupt le duc moult haultement et de grand cuer, et les fist conjoyr de tout ce que l'on povoit aviser par devises; et prinrent vins et . espices. Et après avoir eu devises longue espasse. aveucques ung et aveucques aultre de touttes choses diverses, prindrent congié ; et furent menés en leurs ostels, jusques le lendemain, que ceulx du privé conseil du duc, l'évesque de Tournay , le seigneur de Croy, le marescal de Bourgoingne , le seigneur de- Créqui, le bastard de Sainct-Pol et aultses allerent devers pour oyr ce que plus avant voldroient dire en secret, par Charge de leur maistre. Et là venus, convindrent en chambre close, là où par belles et maintes raisons allignées, et pour venir par persuasions à leurs fins prétendues, commenchièrent à cheoir en l'estroit d'allianche pour le roy leur maistre, remonstrant : le temps en quelil sourdoit, son éage , la recommendation de sa personne, sa puissanche et seignourie, et puis la grand et ardante affection qu'il avoit enyers da maison de Bourgoingne pour y estre alyé, et finablement par regards que ledict roy leur maistre estoit jeusne et à marier, et ledict duc avoit une niepce en sa maison, belle damoiselle et de sa nouriture; etque comme nulle amour ne pourroit estre plus entérinée que par

1#161] aifiance de mariase , ledict roy d'Angleterre cétiroit que il veulsist entendre au mariage de {a damoiselle de Bourbon sa niepce aveucques ly, comme qui estoit d'éage, et convegmable à sa haulteur ; et en ce faisant ledict auc acquerroit pour ly et pour les siens amour qui jamais ne seroit enfrainte de leur vivant, et par quoy grand joye et grand paix se pourroit ensievir aux deux parties. Et en etfect proposèrent ceste matière de si bonne facon que l'honneur en demora envers eulx de bien causer leur demande, et non mains à ceulx de la part du duc en respondre sagement, là où gisoit tout le difficille du cas; car estoit chose de grand poix, et souverainement pour le duc de Bourgoingne qui en ceste matière ychy debvoit avoir cent yeulx -Ouvérs pour regarder à touttes circonstances qui y estoient à l’enthour. Doncques touttesvoies une seulle finablement povoit clorre touttes Jes aultres, c’estoit que chascun en son umbre se renforche volentier et grandist attencontre d'ung aultre non bien proppre, ou temporise aveucques les aultres que lui peuvent faire service et amour, poset que tenu n'y soit. Et par ainsi l’aliance du roy d'Angleterre Edouard requise au duc de Bourgoingne n'estoit que raisonnable, et bien comme qui plus utile ne povoit quérir pour celle heure ; et au duc de Bourgoingne elle n’estoit -que raisonnable aussi d'y entendre, pour cause qu'en l'acquest d'ung roy d'Angleterre, sien par alliance et par aultres faveurs, il y chéoit ung grand profit etrenforchement , tant qu'à y et qu'à ses pays; et seroit une sa riepce, dont il en avoit pluiseurs et haultement logées aussi, mariée à ung des plus puissans roys de la terre ; dont rien que bien n’en povoit advenir au lignage.