CHAPITRE XLY
Comment George met les difficultés qui peuvent venir de ceste alliance d'Angleterre.
A l'aultre lez, il y povoit aussi avoir une noke de grand difficulté, en ce que ce roy Édouard, du sang d'Yorck, estoit parvenu à la couronne par violence, et en avoit deboutté "héritier proxisme du sang de Lenclastre , le
CHRONIQUE DES DUCS DE BOURGOGNE.—I" PART
roy Henri le Simple ; en quoy il y avoit desanparences beaucop et des cenjectures, que tribulations et gherroiemens, aussi quérimonies grandes, en povoient sourdre en temps advenir, et que la chose ne demoreroit en cest estat;
car ledict Heuri avoit ung hoïr masle nommé .
Édouart aussi , le quel attraieroit à ly tout le sang d'Anjou, et le roy de France meisme, ad cause de sa mère qui fille estoit au roy de Cécille. Parquoy, qui maintenant auroit pris alliance aveucques le roy Édouart régrant, par mariage de niepce ou de fille, auroit acquis question et querelle dont mal pourroit vuidier, sinon par guerre, qui est à fuir à tout saige prince, si n'est que nécessité publicque le constrainde. Et par ainsi et jà-soit-il que ce roy Édouart en la vertu du comte Warwicq régnoit maintenant en la haulte roe de fortune, et que la possession feust à ly de la couronne, touttesvoyes, par considération que les choses de fortune sont instables et les voit on naturellement d'incertaine durée, si chéoit à y mettre des doubtes beaucop et des dissimulations beaucop , premier que s’ajoindre à ly par alliance de mariage, quand, par non y estre adjoing , on seroit quitte et sans avoir des noises qui en pourroient ensieuvir. Enquoy touttesvoies, si péril y pooit estre notté pour la régnation violente , si pooient aussi bien espérer salut et acquest pour la possession victorieuse; de la quelle ce duc de Bourgoingne tyreroit fruict tant qu'il viveroit et se rasscurerei de force allencontre de tous vivans par telle conjonction. Siest vérité que, selon le cas maintenant advenu, en tout le monde le roy Édouart ne povoit mieulx quérir alliance plus proppre à ly ne mieulx eurée que ceste, considéré encoire une seuke raison qui passe les aultres : c'estoit que par ceste alliance, s'il y parvenoit, il espéroit à rompre une grande potenté que pour le temps advenir avoit Henry son adversaire au comte de Cha-
rolois , le quel, en la faveur de Sombreset
son coussin yssu de germain, portoit la querelle dudict Henri expulx. Et par ainsi, quand il averoit obtenu la seur de la comtesse de Charoloïs, meisme cousine germaine au dict comte, esperoit et lui sembloit bien, que aussitost debveroit il, alors porter sa querelle en faveur de sa cousine germaire et belle scie
comme au roy Henri expulx en faveur de son cousin de Sombreset non apparent de ressourdre. Et certes ce point debvoit estre d'ung grand regard audict roy Edouart et au comte de Warwick qui tout demenoit ceste œvre, quand’ par gaignier le comte de Charolois, futur successeur des seignories de son père, on fourtrairoit aux aultres de partie adverse le plus bel de leur espoir, car merveilleusement estoit affecté à eulx et fellement esmeu allencontre des régnans; par quoy, qui ne romproit premier qu'il venist à seignorie et à régnation pouvoir ouvrer de propre teste, il seroit apparant de povoir mouvoir une fois, ce sembloit, ung grand effort en son contraire, et pour lui donner beaucop de répugne.
