CHAPITRE XLVI

Comment le légat vint faire sa proposition en Valenchiennes devant le duc et ceulx d'Angleterre.

Or estoit le légat du pape venu à Vallenchiennes aussi devers le duc de Bourgoingne, pour là venir devers ly et pour le solliciter tousjours sur le faict de Turquie, et ensemble pour mettre jus la pragmatique sanxion que le roy tenoit en sa main, et pour la quelle ledict légat estoit premièrement arrivé devers le roy à!Paris, le duc estant encore là. Mès à cause que sa légation duroit par tous les réalmes de France, d'Angleterre , d'Escoche et de touttes les seignories du duc de Bourgoingne et que maintenant le duc attendoit l’'embasside d'Angleterre en la ville de Vallenchiennes , ledict légat, constrainct principallement en la labeur de faire mettre jus la pragmatique sanxion, et pensant à satisfaire

. ad ce que avoit de charge en Angleterre à l'eure de présent, par proposer devant l'ambassade ‘du roy des Anylois, vint ung soir à heure de vespre faire une notable proposition devant le duc ensemble et devant ladicte ambassade angloise, là où en latin allégua la désolation de l'Eglise et la diminution du crestien peuple de Dieu etla présumption des Infidèles ; et ouvrit sur ce les sainctes escriptures divines, baïlla ammontions diverses, produisit exemples, confuta guerres et batailles entre les crestiens, persuada paix,

GEORGE CHASTELLAIN

autorisa les royalmes de Franche et d’Angleterre , les pays du duc, magnifia leurs puissances. glorifia leurs vertus , renouvella leurs loenges acquises d’anchien temps, leurs proppres personnes, leurs prospérités et fortunes ; et tendant à fin conclusive, jà-soit ce que le duc feust tout certain, vouloit persuader et monstrer qu'en la main de ces trois gisoit l'effect et tout le faict pour deffendre la chrestienneté , allencontre de ses ennemis, nouveaux essors, et que partant ils se maintenissent en paix ensamble, sans lever questions privées, afin de tant mieulx pooir entendre au service de Dieu qui maintenant requéroit ayde. Et y notta fort le roy d’Angleterre, aflin de l'y taire et mener comme ung des principaulx du monde ; et désiroit fort à l'imprimer au eœur des ambassadeurs qui pour ouyr sa proposition estoient veaus d'Angleterre, comme ceulx que l’on quéroit au nom du roy leur maistre. Dont, pour ce que ils représentoient la personne de leur maistre, le roy des Anglois, le duc leur feist dire que ils feissent leur responce devant et premiers que ly, car à eulx on parloit comme à ly.Si parlèrent ensemble les trois ambassadeurs, et se levèrent, et à chief de petite espasse, l’archidiacre devant }y se mettant à genoulx prist congié et demanda audict duc grace de parler et de respondre sur la proposition du dict légat, en tant qu\l en povoit touchier à la part du roy d'Angleterre leur maistre. Si lui com manda à lever et lui douna voix de parler; lors où ledict archidiacre commencha à dire en franchois notablement : que ceste manière estoit haulte et de grand poix , et n'avoient point en charge d'y faire nulle response, car n'avoit esté adverti le roy leur maistre de la venue de ce légat ne de sa proposition adressée audict roy d'Angleterre ; de quoy debvoient estre tant mieulx excusés de response rendre, et souverainement d'ung si grand cas; mais ils avoient bien ouy l’exhortation que nostre sainct père avoit faict faire par son légat aux princes chrestiens et meismement au roy d'Angleterre comme ung des principaulx ; et à l'aidde de Dieu, eulx retournés devers ly, ils en feroient ung tel record que la saincte et bonne admonition de nostre sainct père ne demoureroit poinct

ee —:

derrière par leur faulte , disant oultre :/que leur roy estoit un prinche vray chrestien’; et espéroient bien, quand il seroit adverti des bonnes voluntés et affections des aultres prin ches, souverainement du roy de Franche et du ducde Bourgoingne, quepar luine demoureroit pulle bonne œuvre derrière, ains s'y emploieroit de corps et de povoir libérallement et de grand cœur. Et à tant se teurent et donnèrent lieu de parler à l'évesque de Tournay, qui pareillement avoit parlé à part aveucques le duc et le seigneur de Croy, pour sçavoir quelle chose il lui plairoit à fairerespondre sur lu ir :position faicte. Lequel évesque de Tournay, soy excusant de respondre en tels haults et glorieux termes comme avoit parlé le proposant , fonda sa responce en disant en franchois : « Très révérend père en Dieu et très honoré seigneur , mon très redoubté monsei gneur le duc ycy présent m'a commandé et faict dire comment il, jà-soit che que peu entende latin, si a-il bien livret ascout et soigneuse entende à vostre proposition ,-dont il m'a commandé à résumer ychy les parties au plus près de mon povre et rude entendement.»

Et de faict en résuma aulcuns principaux , pour tant mieulx venir à sa responce, lesquels je trespasse; et dist alors : «Il est assez apparu jà loing temps le hault et bon volloir que mon redoubté seigneur a eue en Céste matère ; et que non ayant onCcques mis delay en ycelle , d'autant que Dieu lui avoit presté de povoir, n'y a pas volu espargnier son corps , Sans soy estre offert en personne <t à ‘son grand péril. Mon très redoubté seigneur , il est celly meismes et tout tel qu'il a esté de tous temps. Il n’est ne ne voelt estre mouveur de gherres envers nulluy, sy n'est en son corps deffendre. Il quiert la paix et union des princes chrestiens , et la desire sur toutte rien aultre. Il convoite le service de Dieu et l'exaltation de sa foy. Il affecte fort à soy y employer et que Dieu lui donne la grâce d'y pooir estre. Il en a aultrefois incité l'empereur et quis les voyes diverses pour l'y traire. Pareillement a-il fait le roy Charles nouvellement defunct ; semblablement le roy d'Aragon Alphonse, le roy d'Angleterre et aultres prinches de l'empire, lesquels, quand il plaira à Dieu que

46 CHRONIQUE DES DUCS DE BOURGOGNE. — I" PART

ceulx qui présent vivent se vouldront disposer à y entendre , eulx mettre sus et emprendre l'œuvre , lui, qui oncques ne s’en est trouvé lent ne en faulte , jà-soit ce que ce soit uns des plus loingtains de la chrestuenneté , ne se trouvera , quand il sera besoïing , en nul'e faulte ne récule. Ains, se son corps ne povoit porter le traveil par aulcun accident , que Dieu ne voelle! si s'y employera-il tellement et d'avoir et de gens, que Dieu espoir ne homme ne lui en donront blasme. Car n'a a'ltre espoir ne trésor en ce monde, ne chose uitant lui soit en coer, que de povoir faire service à Dieu en quoy il pust espérer salut. »

Et à tant fin sa raison l’évesque de Tournay; et le légat remerchia moult révéramment le duc, lequel estoit assis en ban au dessus de ly. Etalors se levèrent ; et furent apportés vin eLespices; et y tint-on longues joyeuses devises, jusques à retraire chascun, là où il devoit , et que le duc aussi se retrahy pour aller souper.