CHAPITRE LXVLI

De la dolleur que mena le comte de Charolois de la maladie de son père le duc.

Mouit fut piteuse la court et troublée de ceste aventure. Le comte de Charolois sur tous les aultres en mena dueil non pareil. Et ne seroit à descripre la pitié qui fut veue en ly à l'heure du destroit, là où multitude d'hommes eussent doubté qu'il ne s’en deust estre passé à légier, pour cause de seignorie, et que aulcuns avoient veu aultres fois aulcunes rumeurs entre son père etly.

Dont ils craignoient que la rachine n'en deust avoir amorti dilection naturelle; mais touttes Oppinions et doubte démentoient les ymaginations. Filiale amour monstra ses vertus, nature s'acquitta en son debvoir, et raison et nobilité de léal sang s'esvertua en léaulté non jamais oubliable. Et furent les larmes et torsions de ses mains preuves magnifestes

GEORGE CHASTELLAIN

duquel il amoit son engendreur et de quelle doleur il estoit attainct en sa perdition apparante , là où la noble ducesse sa mère avoit plus affaire à le rapaisier en ses pleurs qu’au proppre mal de son mary, gisant près de l'extrême. O bien eurées larmes à toy, noble comte, par lesquelles tu as reconsolé le cuer d’un si vrav per, et qui est l'ostension d'icelles devant ses yeux, feust mort tout content de Dieu et de les avoir perchues ; car ne Îles eust par adventure espérées telles en toy, se mort feust toy absenté. Dont maintenant , quand les a congneues et de quel fons sont vuydées, jamais ne se deflieront ses entrailles de ton amour; et les tiennes natures ne seront jamais séparées d’en plus près que la sienne. O dignes larmes, Ô saincte véribles clameurs filialles, qui, au plus noble et vertueux fils de la terre souppechonné de froideur, avez faict gaignier sa querelle et son amy, doubler sa gloire et sa loenge, obtenir divine amour , et sa grâce et bénédiction du ciel et de la terre; et par lesquelles bonne fortune et salut temporels se multiplieronten celly qui les à produictes.