CHAPITRE LXXITL

Comment à grand difficulté l'en advertist le duc de, salines, pour cause de sa maladie.

Comme doncques ceste manière de faire feust mise au conseil, fut ordonné d’y rémédier taisamment, et d'en faire le meilleur sans que le duc en feust adverti; car craingnoient que le couroux du cas ne lui donnast empirement; car moult estoit foible encoire et en piteux point. Et estoit la manière du faire gi estrange, ce leur sembloit, qu'il ne povoit qu'il ne s'en enflambist, quand oncques le roy Charles, à qui beaucop avoit eu d’affüires en son temps et d’estroite righeur, ne le quist de si près, ne tant ne s'enforcha ne ne 8’avancha de l'entamer par cely endroict; ou au moins , s’il s'y estoit essayé par le faire mettre avant en termes, sy n’en estoit ensieuvy oncques nul effect parquoy il en venist lésion. Et partant, comme le duc avoit plus faict de service ad ce roy chy, le roy Loys, à se monstrer plus enthier envers ly que envers aultre, comme plus sembloit-il aux gens, se debvoit-il fier de cestui de toutte bonté et faveur , et que jamais ne vouldroit consentir telle nouvellité estre mise sus contre sa seignorie, comme raison donne que le bénéfice recheu premier et monstwé par le bienfaisant doit estre remuneré en qualité semblable par congnoissanche de l’acceptant. Finablement, pour ce que le cas estoit de grand pois et touchoit trop à la haulteur et seignorie du prinche , de laquelle ne loisoit à eulx d’en tenir la disputation sans ly et sans son sceu, conclud fut, comme dange reux que le parler en fuist à sa personne pour cause de sa langheur, que dire lui convenoit ains tost que tard, et que le taire en estoit encoire pire en conséquence. Et de faict lui fut dict tout et au loing le cas quel il estoit et comment , mais non pas en si forte righeur comme on eust bien peu faire, pour cause de l'esmotion. Si pensa le duc ung peu dessus, au moins que povoit de semblant meu, car y contrestoit de son proppre povoir, et enfin dist: « Ce sont les guerredons que j'ay pour bien faire, et d'avoir porté cely qui

meisme me quiert à deffaire. Che sont jà deux ou trois horions que le roy me baille tout en ung an. C'est trop et trop tost commenchié , à longuement vivre et faire ainsi. Le continuer me donroit annuy ; j'y rem‘diray, se je puis ; j'en escripveray à mon président à Digon, et lui ordonneray ce qu'il m'en semblera bon. Et pareillement j'en envoyrai vers monsei:neur le roy, et lui prieray que de telles righeures me deporte , car n'uy trouvé qu'oncques nuls de mes devanchiers, ducs et comtes de Buourgoingne, se soient souffert fouller ne tort faire, qui ne dcy estre de moindre condition des dessus dits. » Et atant s'en tent; et perchupt-on bien que le cas lui cuisoit en cuer. El au sourplus, depuis on en fit par bon et sain advis; et fut envoyé pour ceste cause devers le roy maistre Jehan Jaquelin, seisneur très notable et de grand sens ; de qui chy après et de son besongnicr se fera le compte en son temps et lieu.