CHAPITRE LXIV
Cemment le roy Loys fist son entrée à Rouen; et comment il fist aller coste à coste de lui, messire Pierre de Brezé.
Le roy, pour ce temps, se tenoit quoy en Normandie , mais encore n'avoit faict son entrée à Rouen, à quoy touttesvoies il se disposa pelit après; car avant que le bon chevalier, messire Pierre de Brezé, allast en Angleterre aveucques la royne, le roy le vouloit mener premier aveucques ly à son entrée à Rouen, qui se faisoit le douziesme d'aoust soixante et un. Et de faict le y mena coste à coste de ly, par ung singulier honneur à ly faict après sa prison. Dont le peuple de Rouen fut tant esjouy et en telle exaltation de cuer qu'à paines leur estoit plus de ly que du roy. Car homme tant aymé ne se trouva en ville ne en marche comme cestui en Rouen, tant y avoit noblement vescu, et mieulx valué de ly et de sa gouvernance. Dont parce que le véoient saillir hors d'ung tel mortel dangier, comme avoient sceu et veu avoir esté banny et mis prisonnier , tant leur estoit la joye maintenant plus grande, quand le roy meismes, son ennemy, lui exhiba ceste honpeur emprès sa personne. Et leur sembloit bien que fortune s'estoit bien muée haultement pour |, et en contraire de maint espoir d'homme. Or estoit encoire la royne angloise en Normandie , et sy estoit le duc de Sombres set aussi samblablement pour avoir secours, lequel le roy volloit advanchier. Et en effect ordonna environ huict cens combatans à mes-
sire Pierre pour mener aveucques ly en confort de la royne , qui estoit peu de chose et pour faire petit faict , sembloit à pluiseurs. Aussi estoit-ce, n'eust esté le confort qu'on espéroit ès Escossois et aulcuns au royaulme d'Angleterre de la part du roy Henry. Touttesvoies peu où beaucop, bien payé ou mal payé, il convenoit que che chevalier , pour non se monstrer lasche à emprendre dangereuse oeuvre, presist ceste charge , et que atout le nombre et tels que pooit avoir, il partist et conduisist la royne à ses durs frès et grandes missions , qui plain estoit de pertes
GEORGE CHASTELLAIN
de par avant cecy, dont se feust bien passé ; mais son honneur lui touchoit plus de près que sa chevanche; comme lui me conta à son rethour que le voyage jui avoit cousté cinquante mil escus. Mais par che point ne sommes encore venus à son descendre en Escosse aveucque la royne; et ne lost venir ne faire compte de l'yssue de delà, quand mainte adventure et périlleux destroict lui adviendront entre deux, premier qu'il en saille, et de quoy sa fame devera estre clère par tout le siècle, sans que grand fruict en thirast par la fraulde et malvaisetié des Escossois , qui honteusement l'abandonnèrent et s’enfuirent au plus estroit de son affaire.
