CHAPITRE V
Comment messire Tristan et son compaignon encheurent en l'indignation du duc par l’advertissement faict. :
Or estoit le duc durement indigné à l'encontre de messire Tristan et son compaignon, pour cause de l'advertissement faict à son fils premier que à luy. Si eschéyt au duc d'en parler assez roidement au dict messire Tristan, disant que : veu et considéré que nourry l'a. voit enfant jusques à ceste heure, et estoit par foy et serment, il devoit estre venu devers luy pour tel cas avant tout aultre. Dont parce que aultrement en avoit fäit, il en avoit fait moins deuement el en mauvais acquist envers ly. Sur quoy messire Tristan, qui estoit gentil chevalier et bien en raison, le genoul en terre, respondit : « Mon très redoubté et souverain seigneur, je vous tiens et reçois pour jel que je vous dois, et comme à vostre haultesse appartient; et n’y a riens fait qui n’a esté fait soubs tiltre de bien et en espoir de prevenir à ung grand mal ; le quel, parce que le sentoye si prochain d'avenir, et de si subit dangier recelé, je me suis hasté tout esfronté pour la crainte d'aller vers cely sur qui la roits (1) estoit tendue, de peur que cely ignorant noble prince, monseigneur vostre fils, ne chéist innocentement et soubs confidence du traictre aux lacs de la mort ; dont vous meismes , en la tardiveté ou longue délibéracion de moy, eussiez peu porter l'amertume du meschief à ma honte et maleheure ; et de quoy jamès ne devoie estre digne de vos yeulx , à qui ne me duyt respondre qu'en humilité. Se autre que vous, mon très redoubté seigneur , quel qu'il fust, réservés messeigneurs de vostre sang, me vouloit charger qu'en ce cas icy ou en aultre oncques je féisse riens contre honneur , ne qui me peut estre imputé à faulte, je suis gentilhomme , et de tel lieu comme avez congneu mes pères et devanciers, qui vous et les vostres ont servi; et j'en responderoie tellement comme il appartient au cas, et que
(4) Le filet.
mon honneur, espère, n'en demorroit point en {a foule. Et croyez, monseigneur, certainement que j'ai bien le cuer du meismes à mon parler, se meilleur non. — Saint Jehan!
ce dict le duc lors, se vous ne l'aviez, si en vauldriez vous moins, car un gentilhomme doit mieux aymer son honneur que sa vie.
Vos ancestres m'ont léalement servy, el sont morts vaillants et honnorés chevaliers en mon service. Si dois tant plus avoir fiance en vous ; et tant plus me doit cuire, quand vous avez faict contre mon gré.—Monseigneur, ce dist le chevalier lors, se Dieu meismes et vous l'aviez pris mal en gré, si juré-je, sur ce que je dois à vous deux, que je l'ai faict en ültre de bien et pour éviter le mal. Et, monseigneur , qui bien fait et en intencion de faire bonne oeuvre, ne doit redender en mal en celui qui la procure. Monseigneur, je me recoinmande en vostre benignité, et à vostre noble vertueux couraige, dont plaine est- la terre. Mès combien que dur me soit vositre courroux et le plus de tous mes ennuyS, toutesvoies l'aimé-je mieulx porter, et m'est plus facile, que le murdre de monseigneur vostre fils, qui, ne doubtez, vous feust cause de .courroux contre fortune, et'de quoy cent mille hommes aveucques vous mourroient en douleur. Or suis- je seul qui porte vosire courroux tournant sur moy. Mès ce bien en vient, que la cause de vostre Courroux plus grand est dehors, si Dieu plaist, et de quoy le monde doit faire joye. Monseigneur je ne cuide avoir mesfait en riens, par quoy ne m'est besoing aussi de vous prier mercy. Mès je vous supplie qu'il vous plaise estre content de moy. » Et alors le duc voyant le bon coraige du chevalier, respondit enfin : « Et puisque vous m'en requérez, lant suis-je content de vous. » Mès de Pierre de Hacquembac ne fut jamais content depuis, au moins de longue pièce,
